APPLE CIDER VINEGAR BEAUTY BENEFITS

Click here to read this article in English | Apple Cider Vinegar Beauty Benefits

 

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main lekar ke aayi hoon APPLE CIDER VINEGAR ke beauty benefits. Last time bhi maine bataya tha ki slimming ke liye Apple Cider Vinegar koi khaas kaam nahi karta hai but beauty aur hair ke liye Apple Cider Vinegar ek miracle ki tarah work karta hai. Aur bahut accha work karta hai iisiliye Apple Cider Vinegar aapke pantry mein rehna chahiye taki aap sunder dikhein. Kyunki Apple Cider Vinegar ki jo repairing system hai, body ke uper, external application pe woh bahut acchi hoti hai, iss liye Apple Cider Vinegar apne pantry mein jaroor joriye chahe Apple Cider Vinegar intake kijiye ya na kijiye, khaayein na khaayein per lagayein jaroor. Yahan pe maine 9 benefits batayi hai, kuch benefits hair ke liye hai, skin ke liye hai per mostly aissa hai jo double dhaang se kaam karega.

 

BENEFITS AND USES OF APPLE CIDER VINEGAR:

 

Toh pehla jo hai woh bahut simple hai, 1 tbsp Apple Cider Vinegar aapko lena hai simply and 50ml water mein usso aap daalenge. Usso mix kijiye aur simply yeh skin ko clean karta hai. Cotton pad lijiye ya jo market mein pad aata hai usskko dip kijiye aur ussko rub karna hai chere pe, pochna hai aapne face ko. Yeh exactly karta kya hai?  Aapke skin ke jo bhi jo bhi dust particles hain, jo dead sin hain, ussko bhi remove karega plus Vitamin C mein bahut high hota hai aur maine pehle bhi bataya yeh bahut fermented hota hai. Toh jo bhi cheez ferment ho jaati hai woh application ke liye bahut acchi hoti hai. Khatti, citric cheezein lagana skin ki quality ko bahut enhance kar deta hai. Aur aapke cell membrane ko bahut tight karta hai. Collagen pe bahut accha work karta hai, agar aap application karte hain. Toh issko daily pochiye toh jinke skin mein problem nahi bhi hai, maintenance mein rehna chahte hain unnke liye bahut accha hai.

 

Next jo upay hai woh Wrinkle ke liye hai. Jo vegetarian hain 1 tbsp Milk lenge, kaccha dudh aur jo non-vegetarian hain, anda apply kar saktein hain toh Egg White lijiye 1 tbspEk Vitamin E ki goli leni hai aur Apple Cider Vinegar lena hai 1 tbsp. Issko mix karenge, mix karne ke baad simply Tissue paper daaliye, ussmein dip kijiye aur chehre pe, poore face pe jaisse MASK lagate hain waisse rakh lijiye. Agar market mein jo disposable tissue paper ka mask aata hai 10 rupees ka one agar woh le saktey hain toh aap lijiye agar nahi bhi le saktey hain toh ghar ke tissue paper se accha rehta hai. Ussko 20 minutes apne face pe rakhna hai phir ussko paani se pat karke hata dijiye kyunki woh dry ho jaayega, sookh jaayega aapke chehre pe hi. Ussko uper se paani spray karna parega aur jab woh geela ho jaayega toh dheere se hata karke chehra saaf kar lijiye, jyaada ragariyega nahi, kyunki woh Wrinkle lift karta hai. Aur aapke skin ko tight karta hai, collagen ko improve karta hai.

 

Next mask hai Hair ke liye. Toh yeh Baaloon ke liye simply raat bhar rakhne ke liye ek mask banana hai. Ussmein maine yahan per daala hai 2 tbsp of Olive oil, aap Castor bhi le saktey hai aur Mustard oil bhi le saktey hain. Ussmein maine 1 tsp daala hai Apple Cider Vinegar. Ek Vitamin E ke capsule kaatenge, yeh 400mg hai. Agar 200 mg ki milti hai toh 2 capsule kaat lijiye. Issko iss mein simply milana hai. Aur yeh MASK aapko raat mein laga ke sona hai sir mein aur subah kissi bhi Shampoo se wash kar lijiye ya phir jo maine Herbal shampoo bataya tha uss se wash kar saktey hain. Toh woh bhi accha rahega. Aapke baal jo jhar rahe hain woh jhaarna bhi band hota hai. Iss se bahut jyaada nourishment milti hai, agar aap mera bataya hua woh oil nahi bana rahe hain toh yeh bhi ek haad tak bahut kaam karega. Jo log hostel mein reh rahi hain ladkiyaan unnke saath yeh problem aati hai. Toh unnke liye ek bahut accha upay hai ki woh yeh karein. Raat ko lagayein aur subah dho dein.

 

Iss se baal bahut mote ho jaate hain, Dandruff khatam ho jaati hai aur jharna bhi kissi haad tak ruk jaata hai. Toh issko aaply karna hai. Aur jo log nahi laga saktey hain raat bhar atleast 2 hours lagayiye. Agar aap Hot towel rakh saktey hain toh garam paani mein towel dip kijiye, ussko nichoriye, apne sir pe lapaitiye aur jab woh thaanda ho jaye toh chor dijiye. Usske baad lagane ke 1 ghante ke baad yeh kijiye, phir 1 ghanta choriye aur wash kar lijiye. Tab bhi woh ek tarah ka Hair Spa ho jayega iss se aapka aur bahut acchi ho jaayegi skin aur pores aapke clean ho jaatey hain. Jinko bahut jyaada Dandruff hai aur mask nahi laga pa rahe hain unnke liye bhi accha hai aur jinko dandruff nahi hai, Hairfall ki problem hai unnke liye bhi accha hai. Yeh dhyaan rakhiyega ki Lemon juice sometimes baal safed karti hai lekin Apple Cider Vinegar baal safed nahi karti hai.

 

Next idea hai Green Tea Bag idea. Yeh Skin aur Hair dono ke liye accha hota hai. Simply iss mein Tea bag lijiye aur agar aapko market wala Green tea milta hai toh bahut accha. VitaminE lijiye ek capsule 400mg ki, water lena hai aapko 50 ml, garam paani lijiye. 50ml se jyaada mat lijiyega kyunki mainly hai ki Green Tea ka garha hona chahiye. Agar paati lete hain aap toh woh accha hota hai ki 1tsp patti aap garam paani mein daal kar, dhak kar chor dijiye jab tak paani thaandi nahi ho jaati hai. Ussko acchi tarah se dip karna hai aur iss water mein aapko Apple Cider Vinegar milana hai aur Vitamin E add karni hai iss water ke ander. Aur usske baad issko lagana hai baaloon mein. Aap issko bottle mein bhar kar rakh saktey hain aur phir jab chahe app ek din 1-2 baar aap pores pe issko ragrenge, cotton se lekar ya spray bottle hai toh baal ka maang nikaal karke ussko dissect karke, spray karenge uss mein, toh bahut accha result aata hai. Aur aapke strong ho jaatey hain pores aur hairfall band ho jaati hai.

 

Isske alawa jinko bhi Pimple ki problem hai, bahut jyaada open pore hai aur pimple ki problem hai unn ke liye bahut accha hota hai ki aap issko lagayiye aur pores jo hain woh control mein aate hain aur pimples bhi control mein aate hain.

 

Isske alawa aapke Pimples aur open pores acne ke liye ek aur upay hai. 1 muthi aap Pudina ka patta, 1 muthi Curry patta aur 1 muthi neem ka patta. Ussko garam paani mein daaliye, infuse kijiye 250 ml water mein. Usske ander Apple Cider Vinegar milayiye 2 tbsp ke kareeb. Ussko mix kijiye aur yeh Tonic aapka bann ke tyaar ho gaya hai. Issko thaanda kijiye, bottle mein bhariye aur yeh aapka 1-2 hafte chaal jaata hai. Aur bahut accha hota hai open pores ke liye bhi, aapke pimples ko toh yeh bilkul 7-8 days mein bilkul daag tak khatam ho jaati hai. Yeh toh guarantee hai ki agar teeno cheezoon ko use karenge toh open pore bhi nahi hoga, pimples band ho jaayenge aur pimples ke daag bhi khatam ho jaayenge.

 

Aur isske alawa woh agar aapke baaloon mein problem hai, hairfall hai toh aap baaloon mein spray kar saktey hain. Matlab yeh multipurpose hai. Toh yeh jo  bhi student hai , bana kar ek baar rakh le toh poore hafte do- hafte ki chutti ho jaati hai, per jab aap ghar mein aayein tab aap issko fridge mein rakh dijiye because yeh dekhiye ki iss mein preservatives nahi milaya hai toh ek baar ko chances hote hain ki kharaab ho jaayega. Toh issi liye precaution ke liye raat ko agar issko fridge mein rakh dein toh jyaada better hoga. Aur jo nahi hai jinko privellage woh thora banayiye, 100ml ke kareeb banayiye toh jyaada better hai. But iss se jitney bhi tarah ke problem hain, hair ya skin ke, isske aaplication se bilkul khatam ho jaate hain. Aur baal bhi mazboot hote hain aur aapa skin glow itna jaroor karta hai ki guaranted log aapko raste mein tokne lagenge. Isska result bahut accha hai personally main toh use karti hoon, mere pass fridge mein hamesh yeh hota hai. Freshness ke liye jaroor rakhti hoon main issko.

 

Next jo hai woh mask hai, Besan lenge simply, besan ke ander aapko daalna hai, agar 2 tbsp besan hai toh uss mein 3 tbsp Water and ½ tsp Apple Cider Vinegar milayenge, ussko mix karenge aur kareeban aadhe ghante aapko ussko chorna parega taki woh acchi tarah se set ho jaye. Usske baad woh pack aap laga saktey hain face pe. Poora apply karenge. Usska bhi result bahut accha hota hai, seriously agar dekha jaye toh woh Dark spots ko bahut jaldi remove karta hai. Toh aapko kissi shaadi, party mein jaana hai toh yeh ek bahut accha rescue upay hai ki aap issko lagayein aur skin bilkul glow karne lagti hai jaisse ki uper ek plastic ka layer banaya gaya ho. Toh bilkul ussko apply karke dekhiye. 10 minutes lagana hai phir thaande paani se wash kar dena hai. Usske baad aap koi moisturizer laga lijiye. Bus itna hi hai isska procedure.

 

Agla upay jo hai thora sa costly hai lekin jinnko bahut jyaada painful pus wala pimple hai toh usske liye hai 1 tbsp Apple Cider Vinegar, long ka tail 5-10 boond daalenge, jinko sahen hota hai woh 10 boond daaliye nahi toh 5 boond bhi kaafi hota hai. Chandan ka tail, thora costly hota hai chandan ka tail, toh yeh 5 drops daalenge. Mix kijiye aur yeh dhyaan rakihyega ki ya toh woh Brown raang ki sheeshi mein rakhein ya phir ussko aap blue color ki sheeshi mein rakhein. Market mein mil jaati hai ya aapke paas koi dawai ki sheeshi hogi toh uss mein aap rakhiye. Aur iss mein aapko Earbud ko dip karna hai aur jahan jahan pimples hain sirf wahin per lagana hai. Ussko pat karna hai, sirf jahan jahan pimple hain aur iss tarah se aap karenge toh 3 din mein aapko usska asar dikhega. Chandan ka tail jo hai woh daag ko bahut accha mitata hai. Long ka tail aapko bahut asar karega pimples ke germs ko hatane mein aur saath mein Apple Cider vinegar bhi repair karta hai. Yeh saara mil ke aapko bahut accha result deta hai. Toh jinko bhi bahut jyaada problem hai ya jo afford kar sakte hain Chandan ka tail woh bilkul yeh kijiye. Bahut accha upay hai yeh.

 

Next hai aapke Black ya Brown Spots jinko ho jaata hai unnke liye. Toh yeh Apple Cider Vinegar lenge ¼ tsp aur kareeban 50gm ke kareeb Dhania patte ki chutney lenge. Woh peesa hua hona chahiye, uss mein mix kijiye aur aapko uss pe apply karna hai aur baki fridge mein rakh dijiye. Aisse aap 7 days tak karte hain toh jo dark spots bilkul hain, jinko jhayiyaan kehte hain aur spots ho jaate hain woh remove ho jaate hain. Yeh jaroor kar ke dekhiye aur fridge mein aapka ye paste dhania patte ka 1 week tak reh jayega agar aap dhaang se rahkte hain. Aadha aap catori mein rakh kar neeche rakhiye fridge ke ander aur aadha aap freezer mein daal dijiye. Toh baad mein aapko use karne mein problem nahi hogi, woh kharaab nahi hoga. 7 days regular apply karna hai, 10-20 minutes chorna hai face per aur normal water se wash kar lena hai. Uss ke baad kuch lagayiye na lagayiye uss se koi farak nahi parta hai. Main yeh hai ki isska application hai aur jhaayiyoon mein bahut fark parta hai.

 

Next hai Flax Seeds, Alsi. Toh yeh Flax seeds ka agar aapko beauty benefits jaana hoga toh mijhe bilkul batayiyega.  Kyunki yeh bhi beauty line mein bahut hi jyaada miracle karti hai. Bilkul tremendous isska result hota hai. Toh yeh hamesha dhyaan rakhiye, jo chamatkari cheez ho ussko bilkul use kijiye application mein bhi. Toh yahan per maine liya hai 1 tbsp Flax seeds, jo main ek ratio bata rahi hoon. Aur ¼ tsp of Apple Cider Vinegar liya hai. Issko mixy mein pees lenge, yeh roasted nahi hai kaccha flax seeds lena hai. Issko mixy mein aap grind kar lijiye, yahan per jyaada sa hai lekin aap grind kar lijiye, agar jyaada karna chahte hain toh ussi tarah se aap ratio lagayiye ki 4-5 tbsp agar flax seed hai toh ussi hisaab se 2-3 tsp Cider Vinegar daalke issko blend kar ke, iss tarah se bana lena hai aur fridge mein rakh dijiye.

 

Jab bhi lagana ho 1 chamach lena hai, ussko kareeban 50ml Water mein ghol dena hai. Aur kareeban aadha ghanta chor dijiyega. Woh paani mein mix hote hi ek paste jaissa bann jayega. Aur ussko aapko apne baaloon mein lagana hai. Thori der chorna hai, kareeban 20 minute, usske baad wash kar lena hai. Haan thora sa usska granules baaloon mein fansta hai lekin nikal jayega. Itna accha condition hoga aapke baaloon ka ki aap sochenge ki yeh kya apply kiya hai, kyunki isska result bahut accha hota hai.

 

Infact agar regular karte hain toh iss se safed baal kaley ho jaate hain. Yeh ek bahut accchi baat hai ki flax seeds aur Apple Cider Vinegar ka yeh jo paste jo banaya hua hai aur yeh fridge mein 2 mahine tak reh jayega jo aap banayenge. Toh bahut accha result hota hai isska. Aadhe ghante lagayiye, 20 minutes lagayiye aur wash kar dijiye aur twice a week kar sakte hain aap issko. After Shampoo ya phir bina shampoo ke bhi. Lekin oil agar baaloon mein ho tab aap mat kariyega. Isske liye hair washed hona chahiye ya normal hair ho tab aap issko apply kar sakte hai aur isska bahut accha result paa sakte hain.

 

Apple Cider Vinegar pe yeh information agar aapko acchi lagi ho toh mere video ko like jaroor kijiyega, issko thumbs up karein. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

 

Add a Comment