धनिया (Coriander Root) – सेहत का खजाना जो चर्बी को घटाए

Click here to read this article in ENGLISH | CORIANDER ROOT – Super Bio-food for Weight-Loss | CORIANDER Benefits

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural tareeke se karta hai. Toh aaj main lekar ke aayi hoon CORIANDER ROOT ka recipe phir se aur aissi recipe maine pehle bhi banayi hai Erectile Dysfunction pe tha. But aaj ki recipe bahut easy hai aur bahut saare problems ko solve karne wali hai. Aur issko multi purpose use mein lekar ke aap aa sakte hain. Toh pehle main aapko yeh batana chahoongi ki yeh kiss kiss cheez mein kaam aayega.

 

BENEFITS OF CORIANDER ROOTS:

Sabse pehle main Weight Loss aur Inch Loss ki hi baat karti hoon apne video mein. But isske alawa bhi 9 alag bimariyoon se ladegi yeh Coriander Root Soup jinnko bhi inn mein se koi bhi problem hai woh issko use kar sakte hain. Jaisse ki Blood Pressure, agar Digestive koi problem hai digestion mein koi problem hai toh, Anti bacterial hai, Anti fungal hai, Kissi ko Hormone ke problem hai tab, Infertility hai tab, Agar Erectile Dysfunction hai, male ko bhi problem aati hai toh aur aapko aapne age se fight karna hai toh Anti ageing ke liye bhi yeh bahut sahi hota hai.

 

Weight Loss ki baat hum sabse pehle karenge. Toh Coriander Root Soup aapke digestion ko bahut accha karti hai. Jahan per bhi digestion ki, pancreatic juice ki problem aati hai wahan per yeh Histadine namak, yahan per Coriander root aur Dill root ka use hua hai, yeh dono root Histadine ko generate karti hai joki ek aissa Digestive Amino Acid hai joki aapke pancreatic juice ko bahut active karta hai. Aur jisski wajah se Weight loss bahut fast ho jaata hai. Toh yeh ek point bahut accha hai ki aissi cheezoon ko hamesha apne meal mein add karna chahiye, jiss tarah ki Fennel hota hai ya Soya jissko hum Dill kehte hain ya seed ho ya root ho ya leaf ho ya phir Coriander. Inn mein se koi bhi cheez ho yeh aapko jaroor lena chahiye apne day to day life mein.

 

Phir baat karte hain Blood Pressure ki. Toh yeh roots Blood pressure ko balance karta hai. Chahe High ho ya Low. Kehte hain hamesha ki green leafy, jitney bhi tarah ke saag sabzi hote hain uss mein Sodium bahut jyaada hota hai. Lekin aissa nahi hai agar ussko sahi dhaang se khaaya jaye toh yeh problem nahi aati hai. Toh Blood pressure agar high hai tab bhi agar yeh soup aap add karte hain apne life mein to bhi accha rahega aur agar low hai toh bhi yeh Coriander Root Soup aapko bahut benefit dene wala hai.

 

Coriander Root mein hai Vitamin C. Issi wajah se yeh bahut jyaada Anti bacterial ya Anti fungal kehlata hai. Aur Vitamin C hone se, maine pehle bhi baat ki hai, bimari se larne ki chamta barh jaati hai. Aur yeh Anti ageing bhi ho jaata hai. Toh jab bhi kissi ki Immune kharab hoti hai, jissi ko bhi problem hota hai bahut jyaada bimari se larne ki takat nahi hoti hai aisse situation mein Coriander Root ya Dill bahut important hissa hai. Abhi season hai iss liye main baar baar Dill per bhi pressure daal rahi hoon ki aap bilkul inn dono ka jar lijiye aur ussko use kijiye.

 

 Iss bowl ke ander dono jarr hai, jo maine liya 2 gathar the, woh liya aur ussko use kiya hai yahan per. Simply aap jo market se lekar ke aate hain woh gaddi jo milti hai uss mein se sirf root ko separate karna hai , ekdum end per jo hoti hai ussko kaat lijiye aur kaatne ke baad ussko alag aap rakh sakte hain. Aur yeh dhyaan rakihyega ki Coriander Root mein mitti bahut hoti hai, toh iss root ko wash karna acche dhaang se bahut important hai.

 

 Toh iss Coriander Root ko paani mein daaliye aur kum se kum ek ghaante ke liye choriye. Ek ghanta paani ke ander ruka rehna chahiye tab isski nikli hui mitti ghul jaati hai aur pehle water kabhi bhi masal ker nahi fenkiye, pehla water waisse hi fenk dijiye uss ke baad second water se aap root ko ragar sakte hain. Agar first se ragrenge toh usske pattiyoon ke ander chali jayegi. Yeh mera personal experience hai. Toh yeh bus dhyaan rakhiyega.

 

Dill leaves jo hota hai ya Dill ka jo root hota hai woh sabse jyaada helpful hota hai Infertility ke liye. Bahut jyaada helpful hota hai. Maine pehle bhi baat kiya hai Dill Seed ki ya Coriander Root ke baare mein. Female ka ek jo Bathua ka saag aur doosra Soya patta yeh famle/ aurat/ jo jannani hoti hai unn ke liye bahut jyaada important hai kyunki yeh sabse jyaada uterus ke liye accha hai ya phir aisse Hormone disbalance ke liye accha hai jo uterus se related hain.

 

 Toh yeh bilkul dhyaan rakhiye ki abhi jab season hai, iss season mein Dill bahut jyaada aati hai toh issko improve kariye. Iss cheez ko apne life style mein add karna bahut important hai, issko ignore nahi kar sakte, jinnko bhi kissi bhi tarah ki uterus ki problem hai, intestine ki problem hai aur male ke liye main kahoongi ki jo smoke karte hain unn ke liye Dill bahut accha hota hai. Aur Coriander root aur Dill smoking ki aadat ko bhi kai had tak sudhar deti hai. Toh issko bilkul ignore nahi kijiye.  

 

Second yeh hai ki yeh Coriander root Erectile dysfunction ko sahi karta hai. Agar aapka erect nahi hota hai sahi time pe ya stay nahi karte bahut jaldi ejaculation ho jaati hai, aisse situation mein bhi Coriander root bahut jyaada benefit deta hai. Isska ek aur maine decoy banaya tha, Tea banayi thi woh bhi maine bataya tha, usska link aapko description box mein milega. Toh bilkul jaa karke aap ussko dekhiye aur usska fayeda uthayiye.

 

PROCEDURE TO PREPARE SOUP:

Yeh jo Coriander Root Soup hai yeh multipurpose hai toh iss mein jyaada ingredients nahi hai. Iss mein sirf doo hi ingredient maine use kiya hai taki woh kissi bhi vegetable ya phir kissi bhi soup mein ya kissi bhi taste bud mein merge ho jaaye. Toh yahan per main Coriander root ko teen paani se dho chuki hoon. Kyunki root ko agar aap acche se nahi dhoyenge toh formula mera hoga lekin free gift mein Stone mil jayegi aapko. Gall Bladder ke stones hone ke chances bahut jyaada barh jaate hain issi liye Palak wagarah yeh saari cheezein stone ke patients ko mana ho jaati hain ki woh nahi kha sakte kyunki isski gas nahi bardaasht kar paate, isski mitti ki. Toh yeh hamesha dhyaan rakhiye ki Coriander root bahut acche se clear hona chahiye. Yeh jo brown color dekh rahe hain woh root ka raang hai, mitti ab root mein nahi bacchi hai.

 

Thora sa paani mila rahi hoon jar mein daal karke. 2 batches mein maine chutney banayi hai. 50ml ke kareeb water milaya hai, jyaada nahi daala hai maine iss mein. Aur bahut jaldi yeh poora paste ho jaayega. Bahut jaldi paste bann jaati hai isski. Agar yeh wood wala hota, jo kara dhaniya patta ka yeh jarr hota hai woh bhi iss mein pees jaata hai toh koi problem nahi hai kyunki baad mein chaan na hi hai issko.

 

Yeh dekhiye jo Coriander Root maine use kiya hai woh bahut jyaada healthy nahi tha phir bhi mixy mein jab peesenge toh yeh issi tarah ki chutney bann jaati hai, lakri bhi kat jaati hai. Toh lakri ke ander ka jo extract hota hai woh paste bann jaata hai. Yahan pe half liter paani boil karenge hum aur uss ke ander yeh paste daal dena hai simply. Jyaada boil nahi karna hai.

 

Yeh second batch bhi main isski chutney bana loongi. Aur yeh aap dekh rahe hain root koi jyaada healthy nahi hai. Lekin root hai aur saath mein thora sa stem bhi hai. Toh yeh main pees loongi. Yeh total wajan jo hai yeh poore root ka jo maine weigh karke dekha tha yeh 325gm ke kareeb tha. Toh aap khud dekhna hoga ki kitna hai ussi hisaab se water hoga. Per yeh jaroor dhyaan rakhiyega ki dogunna daalna hai paani.

 

Yahn per mainCoriander Root Soup ko ek ubaal aane doongi, jyaada nahi. Aur woh bhi high flame per nahi hai ki boiling system chalu ho jaye isski. Toh high flame pe nahi hai. Bus thora sa ubaal karna hai, 2-3 minute ke kareeb aur issko main chala rahi hoon abhi. Aur usske baad gas band kar dena hai. Gas on karke nahi rakhna hai. Iss mein dhakkan lagayenge, lid on karenge aur flame ko band kar denge aur iss soup ko apne aap se thaanda hone dijiyega. Issko fridge mein nahi rakhna hai, kahin nahi rakhna hai, temperatute attack nahi dena hai. Nutrient ka dead hone ke chances sometime ho jaate hain.

 

Yeh jo Coriander Root Juice hai yeh unnke liye bhi hai, jaisse Pink Tea maine bataya tha ki Anti ageing ka kaam karta hai. Ussi tarah se yeh juice bhi jo hai, yeh soup jo hai yeh anti ageing ka bahut fast kaam karta hai. Jinnko bhi fine lines hai ya wrinkles hai ya spots hai agar woh regular issko lete hain toh bahut jaldi asar ho jaata hai. Aur yeh season aissa hai ki yeh aapko apne aap mein suit karna hi hai.

 

Doosri baat boiled hai toh chahe woh Pink tea ho ya yeh Coriander Root Soup, aapko thandak nahi lagegi, cough nahi hoga iss se. Toh yeh main iss mein poora chaan rahi hoon iss kapre mein kyunki uper jaissa ki maine bataya ki kaafi saari lakri thi root ke ander, fiber tha, toh woh aap nahi consume kar paayenge aur koi bhi aissi cheez nahi honi chahiye jo bahut jyaada irritating ho jaaye. Toh issko main poora nichor loongi aur neeche ka jo paani bachega woh exactly use karna hai. Issko poora hi nichor lena hai.

 

Isske alawa jinnko Menstrual Disorder hai ya Monthly Cycle mein problem rehti hai ya Hormonal Problem hai ya PCOS yap PCOD ki problem hai ya Thyroid hai unnke liye bhi yeh soup accha hai. Boiled hai toh jo Thyroid patient hain jo bolte hain ki Thyroid wale ko yeh nahi khaana chahiye, aissa kuch bhi nahi hai, woh bahut aaram se issko le sakte hain. Haan Kaccha Dhania patta bilkul mana hota hai. Toh woh aap nahi lijiye, lekin yeh jo boil ho gaya hai, extracted ho gaya hai toh bilkul aap le sakte hain.

 

Iss Coriander Root mein Vitamin bhi bahut jyaada hai. Khaas kar ke B9, Folic acid bahut hai. Toh Pregnant hone ke liye Folic acid ka hona bahut important hota hai plus agar bahut jyaada Water Retention ki problem hai, iss liye main keh rahi thi ki inch loss ki baat main kar rahi thi. Toh agar Water retention ki problem hai, aisse situation main bhi agar aap issko lete hain toh aapko bahut fayeda hota hai.

 

Poora nichod liya maine yahan per aur yeh jo paani bacha hai yeh aapka Coriander Root soup ho gaya. Ab issko use kaise karna hai yeh main aapko batana chahoongi. Yeh jo paani hai yeh bahut hi jaldi kharab hota hai. Main pehle bata doon. Bahut hi jaldi khatta ho jayega.  Aapke liye bahut beneficial hai kyunki  yeh Green Protein hai, Micro Bio yeh bann chukka hai aapka jo bahut jaldi highly effective hai. Toh yeh dhyaan rakhiyega ki bottle mein baand karke issko fridge mein rakhein chahe thaand ka din ho ya garmi ka din ho. Yeh actually itni jyaada haath lag rahi hai iss mein toh maine jo dekha hai, mera experience hai , kharaab bahut jaldi hota hai.

 

Kaisse peena hai? Chahe toh aap 50ml cup mein leke pee lijiye. Koi sabzi banate hain toh sabzi mein jab gas band karte hain toh uss mein aap daal dijiye. Ya phir koi soup banate hain toh uss mein 50 ml mila lo. Kissi bhi dhaang se issko din bhar mein aapko consume karna hai 100- 150ml ke kareeb. Koi rule nahi hai ki chai ki tarah hi peena hai. Aur kabhi aap 50ml pee sakte ho, kabhi 100ml pee sakte ho kabhi 150ml pee sakte hain. Kissi bhi tarah se aap lenge, yeh aapke body mein jaana chahiye. Aur yeh aapko isska benefit dega hi dega. Sometime kya hota hai ki aap itna baara baara rule bana lete hain jiss ki wajah se aap uss rule ko follow nahi kar paate aur aapko result nahi milta hai. Toh iss cheez ko dhyaan rakhiye

 

Yeh multipurpose hai, flavorless hai. Isski fragrance bahut acchi hai. Lekin flavor bahut mild hai. Kissi bhi khaane ke taste ko yeh barha deta hai toh aap jo bhi khaayenge uss mein dhania patte ki aur dill ki smell bahut acchi hai, usski khushboo bahut acchi rahegi aur bahut appetizing hota hai. Toh bhukh bhi bahut jaldi lagti hai aur agar high carb ya high protein kha rahe hain toh digest bhi bahut jaldi ho jaata hai. Aur banana bahut easy hai. Sirf doo ingredient hai agar aapke pass Dill hai sirf ya sirf dhania ki jar milti hai toh uss condition mein bhi aap isska decoy ya infused tea, jo bhi bolte hain, soup, issko bana kar rakhiyeaur apne daily life mein use kijiye aur yeh mat kijiye jo mujhe comment box mein app log likhte hain ki mera dhania ka jar rakha hua hai freezer mein issko kaisse use karein. Issko simply as a Tea banao aur kissi bhi cheez mein add kar sakte hain, atta gundhne ke kaam mein. Kissi bhi tarah se aur yeh aapko benefit dega.

 

Toh bilkul add kijiye issko apne life mein aur isska tea zaroor banayiye, ignore mat kijiye. Jo bhi bolein issko Coriander Root soup ya tea, aapko yeh benefit zaroor dega aur isska review mujhe zaroor  dijiyega.

 

Aur agar isska written recipe aapko chahiye toh mere website pe log on kijiye, www.drshalini.com, wahan per aapko isski written recipe aur information milegi. Toh bilkul jaa kar wahan per dekhiye. Aur video se related koi question puchna ho toh comment box mein bilkul question puch saktey hain. Main apni taraf se poori koshish karoongi jawab dene ka.

 

Coriander root aur Dill root per meri yeh information acchi lagi ho toh meri video ko like zaroor karein. Issko thumbs up kijiye. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

 

Add a Comment