Aloe Vera Juice: 9 Health Benefits & Cure Diabetes-Hindi

Click here to read this article in English: ALOE VERA JUICE

Below you’ll find the ‘Ingredients & How to take’ this ALOE VERA JUICE

 

Hi everyone, main hoon Dr.Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main lekar ke aayi hoon ek new recipe, natural recipe, bahut demand mein tha. Iss liye main yeh lekarke aayi hoon. ALOE VERA JUICE. Yeh juice basically jo high power kaam karega woh DIABETES pe kaam karega. 40% tak Diabetes aapki 1 month to 45 days mein cure hone ke chances hain. Mere pass Aloevera Juice ka bahut accha result hai. Isske alawa Aloevera Juice Weight Loss mein toh help karega hi. Aur main aur 9 other diseases ke baarey mein bhi baat yahan pe karoongi.

 

Toh chaltey hain Aloe vera juice ke fayede aur usski recipe ke baarey mein bhi baat karne ke liye.

 

BENEFITS & RECIPE:

Toh sabse pehle main baat karti hoon Diabetes ki hi. Toh Diabetes yeh Aloe Vera Juice bahut easily control karega agar ussko sahi time per lenge toh bahut asaani se cure karega aur yeh poora kaisse lena hai, kis samay lena hai yeh dekhne ke liye aapko mere website pe logon karna hoga, www.drshalini.com pe, usska link aapko Pin post mein milega aur description box mein milega.

 

Next hai, Aloe Vera Juice aapke body ke Cholesterol pe bahut accha work karta hai. Toh jissko bhi Cholesterol ya Triglyceride ki problem hoti hai usske liye jo yeh main juice banane jaa rahi hoon woh bahut hi beneficial hoga. Aur aapke body ke HDL ko bhi bahut jyaada balance karega. HDL accha hona bahut important hota hai. HDL hota hai good cholesterol. Body mein good cholesterol agar nahi hoga toh bad cholesterol se fight karne mein bahut dikaat hoti hai. Aur hum koi bhi cheez khaatey hain toh bad cholesterol ko hamesha avoid nahi kar saktey hain. Sometimes environment mein, jo ladies khaana banati hain tel ke samne, aap inhale bhi kartey hain toh uss se bhi bad cholesterol aa jaati hai. Zaroori nahi hai ki har samay aap intake karein. Toh aisse situation mein aapko bilkul dhyaan rakhna hoga iss baat ka ki good cholesterol hamesha accha ho.

 

Next, Aloe Vera Juice body ko Alkaline karta hai. Alkaline matlab, acidic body ko balance karta hai jo aap ph value ki baat kartey hain toh 7 agar body ka ph value hai toh acidic nahi maani jaati hai. Toh Aloevera Juice alkaline karta hai, jisski wajah se aapki Kidney, Liver pe pressure nahi parti hai. Agar ph value body mein bahut jyaada hota hai, acid bahut jyaada hota hai tabhi Creatinine ya Nitrogen ke disbalance honey ke chances hotey hain jisski wajah se Kidney khaarab ho jaati hai. Aur Uric Acid bhi issi time barhta hai aur Liver dialysis per bhi creatinine ke disbalance honey ke wajah se chaaley jaatey hain.

 

 Toh main beech mein bolna chahoongi, main kahin nahi dekhti hoon, main aapne patients ko bhi jab bolti hoon blood test karane ke liye toh Nitrogen test nahi karatey hain yeh log. Toh hamesha dhyaan rakhiye ki Nitrogen ka test hona bahut important hai. Liver ke status ko jaan ne ke liye, Kidney ke status ko jaan ne ke liye. Liver ka toh Liver profile mein aap jaan jaayenge lekin kidney ki problem mein ussko jaan na bahut zaroori hota hai. Toh yeh test bahut important hoti hai.

 

Filhaal hum iss recipe ki baat karenge. Toh yahan per aap dekh rahey honge ki maine jo Aloe Vera liya hai woh baara piece liya hai, agar ho paaye toh sabse baara piece uthayiyega who thori kum karwi hoti hai. Agar chotey pieces lete hain toh aapko lagta hai ki woh young hai lekin uss mein karwapan bahut jyaada hota hai joki baad mein khaaney mein problem hoti hai ya allergy karne ka darr hota hai. Toh baara piece lenge jo bahut pulpy ho.

 

Next main Aloe Vera ka benefit batana chahoongi ki yeh Allergy se aapko bachata hai. Jissko bhi kissi tarah ki allergy hoti hai chahe woh Pollen se ho chahe kiss bhi tarah ke allergy ho, Sinus ho, Asthma ho, Bronchitis ho, jo breathing se ho, jo inhale kartey hain, aissi allergies se bachata hai aapki body ko. Strong karta hai, aapke Immune system ko exactly strong karta hai. Toh Immune Drink already main ek bata chuki hoon per Aloevera ki problem yeh hai ki ussko kissi se bhi incorporate karke nahi le saktey hain. Aap yeh nahi kar saktey hain ki Aloe Vera Juice banatey samay uss mein Amla add kar denge ya phir uss mein Ginger add kar denge. Curry leaf aur Aloevera aissi cheez hai jo apna king hai. Iss mein kuch bhi merge karenge aap toh usska benefit khatam ho jaata hai. Usska result nahi aata hai. Koi bhi doosra juice ko milayenge, mix karney ke baad yeh sirf mental reh jaata hai ki yeh juice fayeda karega.

 

Toh baara wala lijiye, ussko acche se cheeliye. Green part bilkul alag ho jaana chahiye, hat jaana chahiye.

 

Isske baad main baat karoongi Digestion ki. Toh yeh worldwide sabko pata hai ki Aloevera Digestion ke liye bahut accha hota hai. Jinnko Intestine ki problem hai unnke liye Aloevera bahut hi barhiya mana jaata hai. Acidity ho, Allergy ho, Ulcer ho, Pancreatic juice ho ya phir Cancer jaissi cheezein agar Colon Cancer ho, aissi situation mein bhi Aloevera bahut accha mana jaata hai. Depend karta hai kyunki Aloevera ek bahut hi allergic product hai. Agar 100 log issko lete hain toh 50 ko hi suit karega. Main bahut lucky hoon ki mujhe suit kar jaata hai. Toh yahan pe main jo recipe bata rahi hoon woh koi bhi le sakta hai, jo allergic hain woh bhi le saktey hain. Iss liye main yeh recipe bata rahi hoon ki kissi ko bhi suit kar jaaye.

 

Ab aatey hain Weight loss pe, jo maine mention bhi kiya hai, main title mein. Toh Weight loss bhi Aloevera se accha hota hai. Weight gain honey ke bahut saarey karein jo hotey hain woh Intestine ka problem karna, Gas, Acidity, garam hona , Bloat karna, aissi cheezein hoti hain aur jab kuch nahi hota hai tab Metabolic rate down hota hai toh weight gain kar lete hain. Toh Aloevera ek aissi cheez hai jo Metabolic Rate ko bahut high rakhti hai. Aapke metabolism ko bahut boost karti hai. Aloevera apne aap mein ek aissi cheez hai, ek Amla jo aapki Gooseberry hoti hai aur ek Aloevera yeh doo aisse product hain jo aapke Protein resistance ko bhi theek kartey hain, aapke Citric Allergy ko bhi mitatey hain, Protein metabolic rate ko bhi high kartey hain, aapke Gluten Allergy ko hatatey hain, jabki khud Aloe vera ek bahut hi high allergic product hai. Lekin agar aapko suit karta hai toh bahut bahut bahut beneficial hoga aur seriously kaha jaata hai ki Aloevera body ko wajr bana deta hai, regular use karein tab.

 

But Aloevera ko raw khaana bahut jyaada problem hai. Yahan per dekhiye main iss Aloevera ko wash kar rahi hoon. Bahut important hai agar intake karna hai toh iss mein jo slimy part hota hai, jyaada se jyaada koshish kijiye ki ussko dho kar hata denge. Yahan per main Aloevera ko acchi tarah se dho rahi hoon. Ragar kar, masal kar, jitna dho saktey hain utni acchi tarah se wask kijiye nahi toh wahi cheez jo aapko benefit karni hogi wahi aapo loss karegi.

 

 Aur neeche jo paani bachega woh hum fenkenge nahi, jiss ke liye aaplog bahut din se intezaar kar rahey hain, Aloe Vera Gel, woh banega. Maine itney din se Aloe Vera Gel nahi bataya usska karen yehi tha, maine uss video mein bhi bola tha ki jab tak woh product online aa nahi jaata, main bata bhi doon toh aap khareedenge kahan se. Toh main vendor ka wait kar rahi thi ki jab tak woh vendor laake online ussko post nahi kar deta hai ki aa gaya hai tab tak main nahi bana sakti thi. Toh ab woh listing ho chuki hai toh mera next video Aloevera gel hi hoga. Yeh dekhiye yeh paani wash honey ke baad kitni jyaada slimy hai. Aur yeh jinnko suit karta hai woh apply kar saktey hain apne baalon mein conditioner ke liye bahut accha hota hai. Hair wash kar saktey hain. But yeh water main personally Aloevera gel ke liye rakh rahi hoon.

 

Ab main Aloe Vera ko kaatoongi Aloe Vera Juice banane ke liye, square piece mein kaat rahi hoon. Lekin green hissa dhyaan se dekh karke hata dena hai ki bilkul na reh jaaye. Ab main Aloe vera ko chotey chunks mein kaat rahi hoon. Issi tarah se Aloe vera juice ko nahi banana hai but main chunks mein iss liye kaat rahi hoon kyunki Aloevera jitna pulpy aur plumpy dikhta hai utna hota nahi hai. Woh itna strong hai ki agar aap mixy mein aissa daal denge toh aapka mixy ya toh bahut high motor wala hona chahiye 700 watt se uper chahe Vitamix jo issko pees sakey nahi toh woh mixy mein ghumta rahega. Toh chotey chunks honey se ordinary mixy bhi kaam acche se kar leti hai, hamari Indian mixy, woh ordinary nahi hai lekin phir bhi kum watt ki hoti hai toh kaatna zaroori hai Aloevera ko chotey chotey pieces mein.

 

Bilkul dhyaan dijiyega ki Aloe vera mein green wala hissa na laga rahey. Jitna maximum ho sakey utna aap hata dein nahi toh Motion ya Intestine ki Allergy hone ke chances bahut jyaada hotey hain. Aapko pata nahi chalega lekin bahut ajeeb sa feel hota rahega pait ke ander.

 

Ab baat kartey hain Aloe vera Juice se Lipid benefit ke baarey mein, jo Liver ke baarey mein hota hai. Aloevera Lipid ko balance karta hai aur bahut acchi tarah se balance karta hai jisski wajah se aapka Liver sahi kaam karta hai. Aur Liver ka sahi kaam karna bhi Slimming ya Diabetes ya kissi bhi baarey bimari ke liye bahut zaroori hai. Main aapko batana chahoongi ki agar aapki Kidney ya Liver acche se kaam nahi karti hai toh Arthritis honey ka darr hota hai.

 

Yeh Aloevera chunks main yahan per mixer jar mein daal rahi hoon. Yeh mera masala jar hai, sabse jyaada high blade issi ki chalti hai. Aur thora sa paani daalna zaroori hai nahi toh Aloevera peesega nahi aur aloe vera juice nahi banega. Aap jo iss se requirement chah rahe hain woh poori nahi hogi.

 

Toh main yeh keh rahi thi ki Liver ko bahut accha, liver ko bahut sahi karta hai jisski wajah se jinnko Fatty Liver ki problem hai woh theek hoti hai. Agar regular Aloe Vera Juice 2-3 mahine aap peetey hain, iss mein yeh problem nahi hai ki aap ek mahine lenge toh agaley mahine nahi le saktey. 2-3 mahine bana kar peetey hain toh aap khud har baar check karwayenge toh aap dekhenge ki aapko kitna fayeda hua hai Fatty Liver mein.

 

Toh Aloe vera ko bilkul use kijiye aur aloe vera juice ko bhi pijiye. Ghar mein banti hai aur bahut sastey mein bann jaayegi. Ab maine Juice ko strain kar liya hai ki jo particles honge bhi skin ke usske woh bhi strain ho gaye hain.

 

Paani boil kar lenge, isska measurement aapko website pe milega toh bilkul logon kijiye mere website pe. Boiling water mein yeh strained liquid ko daalenge. Issko pehle sim per rakhna hai aur phir dheere dheere usske temperature ko barhayenge. Aloevera Gel mein yeh sabse baari problem hai ki first attempt mein agar teez kar denge toh saare usske froth uper aa jaayenge aur usske ander paani mein kuch nahi bachega. Toh yeh technique maine 2-4 baar karke dekha hai. Yeh problem aati hai iss liye main keh rahi hoon. Pehle slow rakhna, dheere dheere medium phir high pe aap issko karna. Aur usske baad hi isske uper ka jo froth hoga ussko nikaalna hai.

 

Jinnko Mouth Infection hai ya Oral Infection hai unnke liye bhi yeh Aloe vera juice bahut accha hai. Jinnko  Mouth Cancer ya Throat problem se jujh rahe hain unnke liye bhi yeh Aloe vera Juice bahut accha hai. Toh aisse kissi bhi problem se suffer karne waley log iss Aloe vera Juice ko pee saktey hain. Bus itna dhyaan rakhna hai ki issko kissi bhi combination mein nahi lena hai, jaissa hai yeh juice waisse hi lena hai. Aur har tarah ke, jinnko muh mein chaley aa gaye hain, jinnko daant mein bahut dard rehta hai, jinko taste nahi lagta hai, gutka khaane wale log khaas karke, jo bahut jyaada gutka khaatey hain unnke liye bhi acch hai ki agar unnko bilkul taste nahi lagta hai, har cheez mein mirchi aur jalan lagti hai toh agar woh yeh juice peetey hain toh taste realise honey lagega, infection kum honey lagega.

 

Yahan per main saare froth ko hata doongi. Yeh jhaag ko hatana bahut zaroori hai. Main yahan pe batana chahoongi, issko 5-10 minutes ubaalna hai. Depends on ki slimy kab tak yeh paani rehta hai. Jiss time aapko dikhta hai ki yeh paani slimy nahi hai, phislan chali gayi hai aur ek normal translucent water bann chukka hai, dhudhiya paani bann chukka hai, tab tak aapko issko boil karna hai. Toh woh 5 minute bhi ho sakti hai. Aloevera ki alag alag quality hoti hai. Issiliye main aissa keh rahi hoon ki woh 5 minute bhi ho sakta hai, woh 7 minute, 8 minute maximum 10 minutes, uss se jyaada nahi karenge. Dhak kar ussko jab froth nikaal lenge toh low flame pe aap ussko boil kijiye. Phir ek baar tez kijiye aur just aap ussko phir band kar denge.

 

Yahan per main aapko dikhane ke liye dikha rahi hoon ki aap dekh sakein ki iss mein bilkul bhi laslassa pan nahi reh gaya hai. Isska bond tut chukka hai aur ab yeh Aloe Vera Juice infection nahi dega kissi ko bhi. Aur aap logoon ke mann mein yeh question aa raha hoga ya kai log poochenge jaisse mere ko Immune Juice mein bola tha ki yeh cheez jo boil ho rahi hai toh isska saara Vitamin khatam ho jaayega. Toh Green Vegetable bhi aap bana kar, pakka kar hi khaatey hain, fry kar ke bhi kai khaatey hain lekin ussko kaccha nahi khaatey hain aur usske Vitamins and Minerals aapke body mein jaa rahe hotey hain. Toh zaroori nahi hai ki yeh jo cheez hai yeh aapko allergy karey. Pakne ke baad allergic jitni bhi cheez hoti hai woh bahut kum ho jaati hai.

 

 Toh yeh bahut hi beneficial hai. Haan kaccha Aloe Vera Juice pess kar agar ussko chaan kar le rahe hain toh bahut chances hotey hain ki infecton ho jaaye, ulta throat mein. Main nahi peeti hoon kyunki mere ko problem hoti hai digestion mein agar kaccha le loon toh. But boiled bilkul lijiye. Channi mein ya chaana hua jo bach gaya tha, yeh aap apne baaloon mein laga saktey hain, fenkne ki zaroorat nahi hai. Apne baalon mein condition kar saktey hain. Jab Hair wash kar lete hain shampoo se uss ke baad issko apply kijiye, 10 minute rakhiye aur wash kar dijiye. Aur Raw face pe suit karta hai toh bilkul pack mein mila kar laga saktey hain ya direct application bhi rakh saktey hain, bahut fayeda karega. But yeh Juice main recommend karoongi, har ek insaan ko lene ke liye jinnko koi problem hai ya nahi hai ya woh barhta bacha ho. Kissi bhi age ke group mein aap yeh le saktey hain aur kaisse lena hai bilkul aap logon kijiye mere website pe, aapko wahan per pata chalega.

 

Aur meri yeh Aloe Vera Juice ki recipe aapko acchi lagi ho toh mere video ko Like karna na bhoolein. Issko Thumbs up zaroor karein. Mere video ko Share karein har social media pe taki doosroon ko help mil paaye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai toh aur doosre channel I WANNA BE HEROINE ko bhi taki mere har update se aap unbhigya na rahein, aapko woh milta rahey. Toh phir milti hoon apne next video pe kissi recipe, information, skin care ya hair care ke saath. Tab tak ke liye BYE.

 

Ingredients (To make the Drink):

  1. Aloe Vera Juice: 400ml
  2. Water: 800ml

Boil for atleast 7-10 mins and now it is ready to use.

 

HOW TO TAKE Aloe Vera Juice:

  1. 50 ml: Empty Stomach early in the morning
  2. 50 ml: In night, before bed

Note: No SUGAR & No SALT to be added. A Simple natural taste will give you more benefit.

 

Storage Duration:

You can prepare big lot of it as it can stay for a longer time if properly stored in the refrigerator. You can store for approx. 20-25 days under strict supervision of hygiene and not touched by hand during storage. 

8 Comments

  1. nikhil April 19, 2017
  2. mansi_aggarwal March 9, 2017
  3. Um March 3, 2017
  4. Um March 3, 2017
    • mansi_aggarwal March 9, 2017
  5. CHITRA February 21, 2017
  6. Talat February 21, 2017

Add a Comment