HEALTH BENEFITS OF VITAMIN E

Click here to read this article in English | Health benefits of Vitamin E   | Dr. Shalini

 

Hi everyone, main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main lekar ke aayi hoon VITAMIN E. Last time video mein aapne kaha tha Vitamin E ka detail chahiye. Beauty benefits bahut logoon ne batayi hai lekin Health Benefits logoon ne nahi batayi hai. Aur aap mujh se Health benefits hi jaan na chahenge, Beauty benefits already hai. Toh main yahan per 5 TOP HEALTH BENEFITS VITAMIN E ka lekar ke aayi hoon, ki exactly Vitamin E se aapki life kitni change ho sakti hai aur bahut miracle karta hai aapke life ke ander.

 

HEALTH BENEFITS:

 

Toh pehla jo problem jo main discuss karna chahti hoon, woh hai HIDDEN PAIN. Body mein aapko iss tarah ka pain ho jaata hai joki Blood Test mein nikal ke nahi aata hai. Blood Test mein pata hi nahi chalta hai ki dard ho raha hai aur doctors kehtey hain ki wahem hai thora exercise karo toh theek ho jaayega.

 

Aisse mein Vitamin E bahut important hota hai body ke liye uss Hidden Pain ko recover karney mein jo aapke body mein kahin bhi, ghutney mein, muscles mein, sir mein, haath pair mein, kahin bhi ho raha ho.

 

 Next disease ya symptom keh lijiye woh hai MENOPAUSE. Menopause aksar jyaada age mein hoti hai jab females ki periods ruk jaati hai. Usski wajah se Tension barhta hai bahut Nausea rehti hai, Psychological problems ho jaati hai, females ke ander. Hot Flashes ki problem aati hai. Mental Tension rehta hai. Sleepliness ho jaati hai. Aur kaafi saarey symptoms Hormones ke badalne se body mein aaney shuru ho jaatey hain. Agar aisse situation mein 200mg ya 400IU dono mein se jo bhi milta hai, Vitamin E ki li jaaye toh uss se Menopause mein bahut aaram milta hai.

 

Jo Mental Stretch hai woh dur hoti hai, Hormonal jo imbalance ho rahi hoti hai body ke ander wahan per kahin hadd tak help karta hai. But yeh dekhiyega ki Vitamin E mere pass yeh hai, maine isski photograph lagayi hai, yeh meri personal photo hai, lekin Vitamin E barhiya quality ki khayiye, wahi result deti hai. Barhiya quality ki khayenge toh 200mg bhi asaar karegi.

 

Yeh jo Vitamin E hai yeh beauty mein bahut accha role play kar sakti hai. But intake mein utna accha result nahi hai joki maine apne various patients ke uper dekhe hain. Agar aap afford na kar paayein costly Vitamin E tabhi iss pe jaayein kyunki yeh bahut cheap rate pe milta hai. Aur jo bahut barhiya wala hai jisska result maine dekha hua hai woh aapko description box aur comment pin mein milega link. Toh ussko aap ek baar try kijiye jo mere patients khaatey hain.

 

Next disease hai ASTHMA/ BRONCHITIS ya HEART DISEASE, jiss mein Vitamin E bahut accha role play karta hai. Usska basic reason yeh hota hai, jaisse ki maine bataya ki Vitamin E Muscles ke Stretch ko aur Muscles ke Stress ko kum karta hai. Flexibilities barha deta hai. Toh Bronchitis mein problem nahi aati hai joki aapke ander Bronchioles mein hard ho jaati hai cheezein. Asthma mein Vitamin A ki bahut zaroorat parti hai, Iron ki zaroorat parti hai aur Vitamin E indirectly form mein Vitamin A absorption mein bahut accha role play karta hai.

 

Heart patients ke liye bahut important hai kyunki jo bhi Bronchioles, Lungs se related cheezein ya Heart viens se related cheezein hoti hai ya Trachea se, usske liye hamesha oil ki zaroorat parti hai chahe Vitamin A ya Vitamin E. Yeh bahut important hai, hona hi chahiye. Aur ek basic cheez main batati hoon aapko. Jab bhi koi Capsules lete hain, agar E le rahe hain, toh yeh jab Intestine mein jaati hai toh agar yeh pure nahi hua ya dilute form mein nahi hua toh aisse mein yeh 60-80 mg hi absorption hota hai aur baaki sab nikal jaayega aapke stool ke through. Toh yeh dhyaan rakhiye ki quality bahut acchi honi chahiye. Itni mix nahi honi chahiye cheezein ki woh aapko utna result na dein.

 

Next hai ARTHRITIS. Kissi bhi type ka Arthritis ho aapko, aapko bilkul Vitamin E lena hi chahiye. Yeh dhyaan rakhiye ki agar aapki age 25 se neeche hai toh usska kya matra hona chahiye. Aur age ke hisaab se hi le saktey hain. Lekin Arthritis mein Vitamin E mobilize karta hai Bones ke, Veins ke aur Flesh ke stretch ko mobilize karta hai. Mainly Arthritis haddiyoon mein problem create kar deti hai. Greasiness chali jaati hai. Aur bhi koi bimaari hai jiss se haddi mein greasiness chali jaati hai aur aapko aissa lagta hai ki haddi ghis rahi hai, bahut saarey problems hotey hain, uss mein Vitamin E bahut important role play karta hai.

 

Aur aapko day to day life mein khaana parega. Lekin Vitamin E ka dose 3 months se uper nahi hona chahiye kyunki excess of everything is bad. Agar kissi bhi cheez ko jyaada lenge toh woh bhi aapko different dhaang se react karna shuru kar dega. Woh Brain ko lethargic bana deta hai aur mota toh karta hi hai. Toh Vitamin E ek baar mein Weight Loss ka bahut accha source hota hai. Jinka Weight Stagnate ho jaata hai toh sometime Vitamin E aapke Metabolic Rate ko barhane ke liye bahut accha vardaan ki tarah hoti hai. Toh agar aap 35-40 age ke hain toh 400mg le skatey hain.

 

 Lekin agar aapne Vitamin E 3 mahine le liya aur usske baad bhi Weight Stagnate hai toh uss ke uper lenge toh Weight barhna shuru ho jaayega, aapko bahut Neend aayegi aur isske reactions bhi hotey hain. Toh ek Gap zaroori hai. Aur agar aapne 3 months le liya hai toh kareeban 2 se 2 ½ mahine ka ek lamba Gap bana lijiye aur 1 month liya hai toh 1 month ka Gap banayiye.

 

VARICOSE VEINS, yeh bahut jyaada question aajkal mere ko comment box mein mil rahe hain ki isska koi treatment batao. Toh basically iss mein hota yeh hai ki Clots bantey hain. Veins ke ander clots bann jaatey hain jiss ki wajah se woh bahar se bhi sometimes dikh rahe hotey hain, blue color ke skin ke uper veins dikhai dene lagtey hain. Sometime agar kum hoon toh woh nahi dikhtey hain lekin bahut painful hota hai yeh jo problem hoti hai. Iss mein jo clots bantey hain, agar Vitamin E ek sahi matra mein aapke body ke ander ho toh yeh clots nahi banenge.

 

Toh acche quality ka Vitamin E aapke veins ko Flexible banata hai, Clottings nahi honey dega blood ki. Aur wahi agar excess Vitamin E agar body ke ander jaayegi jo slimming ke chakkar mein kha lete hain kai log toh bhi Varicose Veins honey ke chances hotey hain agar aapne 6 months ya 1 year regular kha liya nonstop. Per yeh green capsule se nahi hogi kyunki iss mein itna power hi nahi hai ki aapko react karey. Lekin Varicose Veins mein aapko yeh dhyaan rakhna hoga ki kissi bhi age ke hon, aap 25 ke hon, aap 30 ke hon, 40 ke hon, jitney ke bhi hon, minimum aapko 400iu khaana hi parega, pure jo hota hai woh joki 268 mg hota hai. Aur yeh daily twice a day lena hoga. Ek after Breakfast aur ek after Dinner.

 

 Jab aap soo rahe hotey hain aur aapka repair system 1 ½ ghaantey baad start hota hai uss time Vitamin E apna kaam karna shuru karta hai. Aur ek Vitamin E subah jab aap breakfast mein khaatey hain toh jab day start hoti hai aur Metabolic rate high hota hai aur body absorb kar leti hai ussko uss samay start hota hai aur baaki din mein kabhi bhi lein usska koi matlab nahi hota hai. Metabolic Rate sabse kum lunch mein hoti hai. Toh uss time kuch bhi accha khaaya hua sabse kum absorb hota hai.

 

Toh Beauty ke liye khaayein ya phir Health ke liye khaayein, yeh timings hain. Maine pehle bhi bataya tha jo log 25 se neeche hai usske liye 200mg hota hai. Jo log 25 se uper hain aur 40 ke kareeb tak hain unnke liye 400mg hota hai.Aur jo log 40 plus hain till 80 tak unnke liye 600mg hota hai. Per yeh green wali capsules 25 wale bhi kah saktey hain kyunki 200mg mein bilkul bhi power nahi hai. Lekin jo 40plus hain, unnko isska 600 dhoodhna parega. Yeh actually yellow color ka hota hai. Isske cap sirf green hai, ander yellow oil hi aapko milegi.

 

Usske baad iss capsule ko Beauty ke liye agar kaat ke hair oil mein lagayenge ya lips mein ya under eye lagayiye ya phir kissi cream mein milayiye, kissi gel mein milayiye, jiss mein bhi incorporate karenge, yeh apna moisture aur apna effect accha dikhayega. Aapko result dega.

 

Toh dhyaan rakhiyega ki issko balanced way mein khaana hai because excess of Vitamin E, Vitamin K ko bhi destroy karta hai, Clottings ko extra kar dega, Motapa la dega, aapke Veins Flexible nahi reh jaayenge, Neend bahut jyaada aayegi aur Heart ki bhi problem ho sakti hai. Toh ek level tak Vitamin E bahut accha hai.

 

Food jitney bhi list hain aap Google pe search kar saktey hain. Saare Seeds mein Vitamin E paayi jaati hai. SUNFLOWER SEED, PUMPKIN SEEDS, NUTS, jitney bhi DRY FRUITS hotey hain sab mein hoti hai ample amount mein. Lekin Greens mein sabse accha, Kale, Spinach aur Dhania Patta mein Vitamin E bahut hoti hai. Toh Capsule na laga paayein toh Dhania Patta pees ke laga lein, tab bhi Vitamin E ka asaar aapke face pe bahut accha hoga. Lekin leaf, dandi nahi. Pattiyoon mein asaar jyaada hoti hai.

 

Aur yeh video ki information aapko acchi lagi ho toh mere video ko like zaroor karein. . Isse apne social media, friends, family se share karein taki jyaada se jyaada logoon ko madad mil paaye. Playlist mein add karein taki baad mein aap issko dekh sakein. Subscribe kijiye mere channel ko taki mere future ke uploads ka updates aapko mil sakey. Mere Website pe visit karna na bhoolein. Aur bhi information aapko wahan pe milegi. Link description box mein hai aur pin post mein. Toh phir milti hoon main apne next video pe kissi recipe, information, skin care ya hair ke saath. Tab tak ke liye BYE.

 

 

 

 

 

 

                                                                     

 

One Comment

  1. sha April 5, 2017

Add a Comment