IMMUNE DRINK FOR RAPID WEIGHT LOSS

Click here to read this article in English | Immune Drink For RapidWeight Loss

 

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj bhi main lekar ke aayi hoon most committed drink, bahut din se main boli thi, lagbhag 1 month se ki main IMMUNE DRINK daaloongi, IMMUNE SYSTEM KO BOOST  karne wala drink. Toh main yeh drink lekar ke aayi hoon joki lagbhagta isska taste, yeh jo juice hain, yeh fruit ka juice hai lekin bilkul process kiya hua hai ghar ke ander aur isska taste bahut hi marvelous hota hai.

 

 Aur jo har tarah ki bimaari ko cure karne mein appke Immune System ko boost karne mein bahut help karta hai. Secondly yeh Immune Drink Citric allergy ko kill karta hai. Jinnko bhi Citric allergy hai, yeh Immune drink agar aap lete hain toh aap apne allergy se fight kar sakte hain. Plus yeh Immune Drink  Gluten allergy se bhi fight karta hai aur aapke Protein resistance ko barhata hai. Jo bhi Diabetic patient hain unnke liye Insulin ke liye bhi yeh Immune Drink  bahut accha hai. Jinnko Uric acid hai unnke liye bhi accha hai. Jinnko B.P ki problem hai unnke liye bhi accha hai. Aur jinnko Thyroid ya PCOS ya PCOD ki problem hai unnke liye bhi accha hai. Yeh Immune Drink Breast Feeding mother bhi le sakti hain. Aur jo Pregnant lady hain woh bhi le sakti hain. Means ki yeh koi bhi world mein jo 3-6 months se uper jo toddler hai woh bhi le sakte hain.  Aur kaafi age mein bhi le sakte hain. Kissi bhi time le sakte hain, morning mein bhi le sakte hain, evening mein, noon mein, jab mann kare tab le saktey hain.

 

Lekin dose Immune Drink ka yehi rahega 50ml one time because body ka yeh funda hota hai ki woh 50 ml se jyaada koi bhi liquid absorb nahi kar sakta. Issi liye 50 ml one time, ek din mein aap yeh Immune Drink 300ml tak le sakte hain.

 

Bahut hi delicious hota hai aur bahut hi Vitamins, Minerals se bahrpur hai. Immune Drink ko Potassium ko dhyaan mein rakh kar banaya gaya hai. Aur Khaneej bahut jyaada hai, Minerals bahut high hai Immune drink ki. Aur bahut hi SUPER BIO FOOD hai. Toh bahut hi absorbant hai Immune drink ke ander.

 

 Immune Drink ki life fridge ke bahar 7 days hai, fridge ke ander 1 month hai. Toh bahut easily 2 liters ke kareeb aap bana ke rakh sakte hain. Aur main yahan per 2 liter ka hi hisaab bata rahi hoon.

 

INGREDIENTS AND PROCEDURE OF IMMUNE DRINK:

 

Toh sabse pehla ingredient jo liya hai jo abhi iss weather mein mil raha hai, optional hai agar aapke pass hai toh bilkul lijiye. Maine yahan per 3 ORANGES liya hai. Approx yeh 300-400 gm ka yeh orange hai. Orange bahut important hota hai, jiss bhi season mein jo fruit aati hai, uss season ke liye cheezein bahut important hoti hai. Toh yahan per maine iss liye liya hai ki mujhe Vitamin C high karni hai logon ki. Aur jinnko bhi Vitamin C ki kaami hoti hai unnka Immune system bahut kharaab hota hai. Aur Vitamin C hi ek aissi cheez hai jo body ko bimaari se larne ki chamta deti hai. Anti wrinkle cheez hai joki aapke body ko wrinkle se bachati hai, burahpe se bachati hai aur burahpe se bachane ka matlab hai aapke body mein flexibility bahut jyaada rahna.

 

Yahan per main Orange ko iss dhanng se nikaal rahi hoon, cheel rahi hoon. Agar aapke pass juicer hai toh uss dhaang se nikaal sakte hain aur agar kapde se nichoorna chahein toh faank mein nikaaliyega. Vitamin C ka aur kaam hai aapko young dikhana by look bhi aur Anti oxidant bhi uss ke ander bahut jyaada hai Orange ke ander. Vitamin A bhi ek matra mein hoti hai toh Eyes bhi teez hoti hai. Basically jab mausam change hota hai toh bimaari se larne wali cheezein hamein bilkul khaani chahiye, joki Orange mein milta hai. Main waisse logon ko jinnko bhi Citric Allergy hai unnko bilkul mana karti hoon ki Orange mat khayiye. Lekin yahan per agar aapka thora sa sourness per, khatta bhi hai toh chalega kyunki baad mein hum isske khattapan ko kum kar denge, process karke. Jiss ki wajah se isska nuksaan nahi hoga. Sirf aapko fayeda milega.

 

 Toh Yahan per main juicer use kar rahi hoon. Yeh juicer mujhe Suman Singh ne diya tha, meet n greet mein. Uss samay mujhe isski value samajh mein nahi aati thi but mujhe bahut accha laga yeh juicer kyunki issmein mehnat nahi lagti hai aur properly nikal jaata hai. Mixy ke jar mein mat chalayiyega, bus itna dhyaan rakhiyega. Kyunki santra karwa ho jayega. Ya toh kapde se nichooriye ya jo plastic ka aata hai uss se half karke uss nikaaliye juice. Yahan per maine jo yeh liya hai iss mein mujhe 300 ml juice nikla hai. Matlab ki jitna gram tha utna hi ml juice nikla hai, baki roughage aa gayi. Aur clean and clear juice nikla hai.

 

Juice iss liye nikalna hai kyunki main bana rahi hoon yahan per Immune

 

Juice toh ussi ko hi process karenge. Iss ke ander hota hai Copper. Toh main hamesha batati hoon ki jinko bhi Hemoglobin ki kaami hai unnke liye Copper bahut accha hota hai. Aur Copper hi ek aissi cheez hai jo aapko RBC banne mein ya Hemoglobin banne mein jo bhi aap khaate hain uss mein bahut help karti hai. Toh directly iss mein Iron ya aissa kuch nahi hai lekin Copper hone ki wajah se aapko bahut help milegi. Plus hai Potassium, jo main keh rahi thi ki High Potassium drink bana rahi hoon. Toh Potassium agar rahega toh jinnko bhi Water retention ki ya Bloating ki problem hai woh nikal jaate hain uss se bahar. Aur Calcium hai toh thaand ke din mein jo Body Cramp aati hai, khichta hai muscles ya Haddiyoon mein dard hota hai uss se bhi chutkara milega.

 

Next ingredient hai ANAAR. Yeh mera all time favourite hai toh main bilkul issko add karoongi. Aur Anaar yahan per maine liya hai 300 gms. Isska bhi juice nikaalna hai. Yeh 350gms hai actually. Aur yeh aapko relief dega jo bimaari pehchaan mein nahi aati hai uss se. Main hamesha kehti hoon Pomegranate khayiye, jo Fever aapko pata nahi chalti hai, doctor ke pass jaatein hain, blood test karate hain toh kuch bhi nahi nikalta hai lekin aapki hidden jo fever hoti hai uss se yeh aapko bahut bachata hai. Toh jo mausam abhi change ho rahi hai uss mein hamesha aapko ek dard aur khichaav body mein rehti hai. Toh Anaar ka juice bahut bahut jyaada important hai. Toh yeh aap bilkul lijiye. Iss se bhi mujhe 350 ml juice nikla hai.

 

 Aur yahan per main yeh juicer aapko dikha rahi hoon ki kitna asaan hota hai iss mein. Agar yeh na rahe tab aap use kar sakte hain normal mixy jar, uss mein peesiye aur kapre se nichor lijiye. But yeh bahut useful laga iss liye Sumanji aapko bahut bahut thank you ki ek nayi cheez aapne mujhe gift ki. Aur bahut accha hai jo mera all time favourite bann gaya hai ab yeh. Iss mein yeh seed saari separate ho gayi hai jo main nikaal le rahi hoon. Aur iss seed ko fenkna nahi hai actually. Issko nikaal karke sookha lena hai, yeh multi purpose use mein appka aa sakta hai. Aur agar yeh juicer aapko lena hoga toh link description box mein milega aapko. Bahut acche acche juicers hain, yeh manual aur bahut accha work karte hain. Issi liye main description box mein link de doongi ki agar aapko lene ka mann ho toh aap le sakte hain wahan se.

 

Yeh dekhiye jo Anaar ka dana hai, yeh maine sookha liya hai. Yeh 5-6 din mein aissa ho jaata hai, sookh jaata hai. Aur isske baad issko bahut saare use mein la sakte hain. Breast tightening mein ya Wrinkle ke liye pack banana mein ya kissi bhi cheez mein khaane mein daal sakte hain. Slimming powder mein daal sakte hain. Kissi bhi cheez mein isska use ho sakta hai. Toh issko bilkul fenkiye mat. Iss liye main iss baar aapko dikha rahi hoon taki har baar ho jaata tha ki jo isska roughage hai usska hum kya karein. Toh iss liye dikha rahi hoon.

 

Isske baad maine yahan per liya hai AMLA. Amla 100gm le liya hai lekin maine yeh dhoop mein thora sa rakh diya, garmi mein taki yeh naram se thora sa jaldi kaate. Aap taaza bhi le sakte hain. Amla ka sabse baara fayeda yeh hai ki yeh aapko Citric Allergy se bachata hai, yeh maine pehle bhi aap logon ko kai baar bataya hai. Amle ka mausam hai toh bilkul khayiye. Immune system ke liye bahut accha hota hai. Kissi bhi tarah ki allergy ho unnko bachata hai. Jinnko Kidney stone hota hai ya Kidney ki koi problem hai ya Creatinine ki koi problem hai aisse mein bhi yeh bahut important hai. Jinnko Asthma hai, Bronchitis hai, Arthritis hai, aisse mein bhi Gooseberry bahut important hota hai. Amla agar regular khaayenge toh Anti Wrinkle hota hai, toh jhuriyoon se bhi aapko bachayega. Plus aapke baal jo natural hain woh kale nikalenge. Amla khaane se bhi yeh fayeda hoga. Diabetes mein bhi Amla bahut fayeda karta hai. Yeh bacha hua rakh dijiye. Aur yeh jo beej wala part hai issko khaane mein daal dijiyega toh isski khaatai apne aap nikal jaayegi aur yeh waste nahi hoga.

 

Phir main yahan per daal rahi hoon ADRAK. Adrak kareeban 20 gm liya hai. Agar bahut jyaada khaansi ho ghar mein toh jyaada bhi le sakte hain 25 se 50 gm le sakte hain. Yeh young Ginger hai. Iss  mein resha nahi hai. Toh yeh maine le liya hai yahan per.

 

Isske baad jo next ingredient hai woh hai PINEAPPLE. Main hamesha Pomegranate aur Pineapple ko bahut value deti hoon diet mein. Aur female ho ya male sab ke liye yeh tropical food hamesha aapke muscles ke liye bahut accha hota hai. Toh yeh bilkul lijiye. Lekin yeh dhyaan rakhiye ki Ripe ho kaccha lekar aao ghar mein pakao. Ghar mein pak jaayega uss ke baad aap khud cheel sakte hain. Bus dhyaan rakhna hai isski eyes separate kar lein. Isski jo aankein hoti hain woh bahut khatarnak hoti hai. Pait mein jayega toh Ulcer kar sakta hai. Kissi bhi tarah ka allergy kar sakta hai. Agar yeh aapki nikal jaati hai toh Pineapple protein shake ki baat main hamesha karti hoon, kissi bhi tarah ka muscles cramp ho ya Arthritis ho aisse mein bahut kaam karta hai. Agar aapko Bronchitis ho toh Pineapple bahut kaam karta hai. Toh bilkul description box mein link hai dekhiye uss video ko bhi ki kitna fayedemand hai Pineapple aapke liye. Lekin yeh bilkul dhyaan rakhna jo baar baar main keh rahi hoon ki isski eyes nahi honi chahiye. Nahi toh log kehte hain Daant mein dard ho gaya. Daant mein dard hone ka karen isski eyes hi hoti hai. Joki bahut jyaada highly allergic hoti hai. Soar throat ho jayega, galey ke ander chaale aayenge aur pak jaata hai kai baar.

 

 Aur yeh drink mein daalna bahut jaroori hai kyunki yeh sardi ke din mein muscles ke cramp se bachayega. Toh yahan per maine issko clean karke issko wash kar liya hai. Ab main issko kaat loongi, yeh jo ander wala hard part hai woh separate karke kaatenge. Woh hard part ko alag rakhenge lekin fenkna nahi hai uss hard part ko. Woh hard part bhi use hota hai. Toh aapko jiss bhi sabzi mein mann karey ki thora khaata meetha hona chahiye uss mein daal dijiye. Kaccha mat khayiyega nahi toh allergy ho jaayegi. Intestine kaccha issko nahi pacha sakti hai. Toh chote cubes mein kaat karke kissi bhi sabzi mein daal dijiye. Woh aapke liye beneficial hai, pukka hua body ko bahut benefit karega. Jyaada bhi nahi pukka hona chahiye, jab sabzi aap utarne wale ho, gas band karne wale ho toh 2 minute pehle aap daal dijiye.

 

Yahn per main yeh Pineapple le rahi hoon Immune Drink ke liye lekin poora hard part nikaal kar ke kyunki yahan bhi ubaaloongi agar aap kaccha kha rahe hon toh bilkul mat rakhiye nahi toh stomach ki allergy ho sakti hai, Loose motion ho sakta hai, Bloating ho sakti hai, bahut saare reason ho sakte hain. Pait mein dard hone lag jaayega achaanak se.

 

Pineapple aapke kissi bhi Body muscle ko ya Brain ko flexible hone mein bahut madad karti hai. Isske ander bahut jyaada Potassium paaya jaata hai. Toh aapke kissi bhi tarah ke allergy ko kum karti hai. Toh issko  skip nahi kar sakte yeh optional nahi hai.

 

Toh yahan per main Gooseberry aur Ginger aur Pineapple ko jar mein ikathe le rahi hoon. Yeh dhyaan rakhna hai ki issko alag se mixy jar mein hi peesenge. Yeh uss juicer mein nahi nichora jaa sakta kyunki woh plastic ka hai. Toh uss mein aissi cheezein nahi daali jaa sakti. Pineapple ka juice nikal sakta hai uss mein. Lekin baaki cheez nahi. Toh issko bareek pees lenge aur jo paste hoga ussko aap strain kar lijiye acchi tareeke se. Iss mein maine Paani milaya hai peeste samay. Itna liquidy yeh aisse nahi hai. 300ml Water bhi daala tha maine. Issko nichor lenge aur isska roughage jo hai woh bhi jaadu karta hai.

 

 Isske ander jo roughage niklega ussko bhi fenkna nahi hai bilkul mat fenkiyega, Kyunki woh bhi Pineapple ka hi roughage hai aur uss mein Gooseberry hai aur Adrak hai. Issko aap sookha lijiye, sookhane ke baad issko aap dabbe mein bhar kar rakh lijiye, mixy mein pees kar, powder bana karke. Aur issko kissi bhi sabzi mein use kar sakte hain aap. Aur isski kaafi recipe bannti hai, agar aap bolenge toh bilkul main aapko bataoongi. Lekin comment 200 hone chahiye tabhi bataoongi, Pomogranate seed ka recipe ya phir isska recipe. Yeh dekhiye dry ho gaya yeh 5-6 days mein. Ab mere kaafi saare recipe ke liye yeh tyaar ho chuuka hai. Main kaafi saari cheezein kabhi bhi fenkti nahi saara sookhati hoon. Toh agar aapke pass option hai toh bilkul sookha ke rakhiye. Mere pass har tarah ka phool ya har cheez sookhi milti hai. Aur ussko baad mein use karte hain.

 

Yeh jo water ikathha hua hai Adrak aur Gooseberry wala ussi mein maine yeh Pomogranate ka juice bhi milaya aur Orange juice bhi daal denge. Aur yeh total 800ml ke kareeb yeh juice hai. Aur iss mein 1 ½ liter ke kareeb Water add karna hai. Abhi Paani boil karoogi main kyunki yeh dilute form mein banega jo aap tetra pack ka aap juice peete hain usska formula bilkul yehi hota hai. Zara sa bhi antaar nahi hota hai.

 

Toh yahan per 1500ml Water boil karne ke liye maine daal diya hai. Aur yeh paani boil ho raha hai. Iss mein main add karoongi 1tbsp STEVIA, Stevia sugar ka substitute hota hai lekin natural sugar hota hai. Toh agar aapko yeh lena hoga toh market mein medical store per milta hai. Ya phir aap description box mein link dekh sakte hain. Ussko click kijiye, wahan per aapko mil jaayega. Yeh Paani jab boil ho jaayega tab yeh juice iss mein main add kar doongi. Aur issko ek ubaal tak tez aanch pe rakhenge, high flame pe rakhenge. Jab tak ki iss mein 1 boil na aa jaye, tab tak issko tez aanc per rakhna hai.

 

Aur iss mein main add kar rahi hoon PINK SALT. ½ tsp Pink salt main add karoongi. Uss se jyaada nahi daalna hai. Ek support ke liye daal rahe hain taki yeh thora sa tasty lagey. Normal salt nahi daalenge. Sea salt nahi daalenge. Black Salt nahi daalenge aur Rock salt bhi nahi daalenge. Pink salt ekdum alag hota hai woh daalenge, Himalayan salt.

 

 Aur issko boil karna hai. Tez flame pe. Jab yeh boil hone lagega tab iss mein aap lid daal dijiye. Aur kareeban 10-15 minute bilkul low flame pe issko dhak ke chor denge. Aur usske baad issko ubaal lenge. Ab iss mein ek jhaag bann gayi hai jo yeh ek proof hota hai, yeh jhaag, yeh main iss liye bata rahi hoon ki yeh bann chukka hai. Usske baad gas band kar dena hai. Separate kar dijiye iss foam ko aur gas band kar dijiye. Aur apne aap hi issko thaanda hone dijiye. Usske baad yeh aapka peene ke liye tyaar ho jaata hai. 

 

Ab formula yeh hai ki Immune Drink peeyenge kaisse. Toh issko 50 ml ek baar mein peena hai. Subah pee saktey hain. Subah chahe jitna bhi early morning uthein. Issko aap le saktey ho. Uss ke baad aap Breakfast ke baad le saktey hain. Lunch ke baad le sakte y hain. Immune Drink ek filler snack hai, aap sham ko 4se 6 baje ke beeck mein le saktey hain. Aap raat mein le saktey hain, Dinner ke baad. Isske ander thaande ka effect nahi hai ki aapko cough ho jaayega.

 

Taste tetra pack juice jaissa, jo mixed fruit juice hota hai waissa hi hota hai. Toh main kareeban 2 liter toh banati hi hoon. Aur yeh accha chalta hai aur mere ghar mein sab ko pasand hai. Aur mere liye ek filler snack ki tarah hai, beverage ki tarah hai. Joki bahut hi jyaada delicious hota hai.

 

Toh aap bhi Immune Drink ko life style mein add kijiye apne. Aur koi bhi pee sakta hai. Aap apne bachoon ko school jaane se pehle de sakte hain. School se aane ke baad de sakte hain. Issko bana karke, agar aapke bacche hostel jaa rahe hain toh abhi sardiyaan hain toh 1 week toh issko le karke nikaal hi saktey hain.Yeh kharaab nahi hoga.

 

Aur isske alawa jo high age hain 70 plus hain woh bhi bahut easily pee saktey hain. Bilkul fearless koi darne ki baat nahi hai ki thaand ke din mein pee rahe hain toh thaand lag jaayegi. Jinnko bahut jyaada high cough hai woh Immune Drink ko boil karke agar peeyenge toh cough khatam hogi. Cough dheere dheere jaayega. Aur agar long pepper, peepli agar mil jaye toh isske saath boil kar lijiyega. Aur woh aapke cough ko bahut kum kar dega iss Immune Drink ke saath. Toh bilkul believe kijiye.

 

 Yeh mujhe toh bahut jyaada delicious lagta hai. Yeh video jab maine banaya tha tabhi daala tha. Khoob maazey lekar main pee rahi thi. Aur phir maine Facebook pe daala tha. Logon ko chirhane ke liye. Aur kaafi logon ko gussa aaya bhi tha. Kyunki seriously yeh drink bahut tasty hai toh aap log bhi try kijiye, believe kijiye aur iss Immune Drink ka maaza lijiye.

 

Kuch agar aap logon ko apne taraf se koi fruit jorna hai toh bilkul jor saktey hain uss mein ek aur fal aa jayega  woh hoga AMROOD. Jor saktey hain lekin uss mein process thori high ho jaati hai.

 

Toh bilkul try kijiye mere iss Immune Drink ko, banayiye aur yeh recipe aapko pasand aayi ho toh mere video ko like jaroor kijiye , thumbs up karein. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

 

 

 

Add a Comment