मूली (Mooli) Ek Magical सब्जी | 9 रोग ka आसान उपाय

Read this content in English | मूली (Mooli) / Radish-A Magical Vegetable | 9 Diseases – One Solution

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural tareeke se karta hai. Toh aaj main lekar ke aayi hoon ek jaduyi sabzi MOOLI, ek magical vegetable hota hai aur abhi isska season hai aur market mein bilkul bhara hua hai aur mujhe laga abhi priority mein isska video banana chahiye taki aap iss mausam mein Mooli ka bharpoor feyeda utha payein aur yeh jaan payein ki aapke sehat ke liye kitna accha hai. Aur agar galat dhaang se khaaya toh aapke liye yehi Mooli jo vardaan bann sakti hai woh aapko kiss tarah se react karegi. Toh dono cheezein main iss video mein batane wali hoon. Saath mein Mooli ke seed ke baare mein bhi baat karoongi main yahan per. Toh total aapko ek package milega ki kiss tarah se isko ko consume karna chahiye, add karna chahiye aapne life mein ki aapko bahut jyaada Mooli ka benefit mil paaye.

 

Sabse baari baat yeh hai ki Mooli mein water content bahut jyaada hota hai, paani bahut jyaada hoti hai. Iss liye Mooli ek aissi sabzi hai jissko aap Negative Calorie aap maan sakte hain. Negative Calorie sabzi woh hoti hai ki jissko aap khaate hain toh jitna calorie aapko milta hai uss sabzi se utna hi jyaada calorie ussko pachane mein aap burn kar dete hain. Plus yeh ek aissi sabzi hai jo aapke metabolic rate ko bahut high karti hai. Khaas kar ke Carb metabolic rate ko bahut high karti hai aur protein metabolic rate ko bahut high karti hai. Iss liye world ke kissi bhi culture mein aapne iss cheez ko gaur kiya ho ki jab bhi koi protein ka khaana ho ya phir carb ka khaana ho jaisse Mooli ke parathe, aissi cheezoon mein isko bahut use kiya jaata hai taki metabolic rate high ho. Lekin agar Mooli mein lemon add kar denge toh woh citric allergy ko barha degi aur jissko citric allergy nahi hoga ussko ho jaayega.

 

Mooli mein hota hai bahut jyaada Fiber toh jinnko constipation ki problem hai unn ke liye bahut acchi hoti hai. Unnko isse bilkul khaana chahiye.Lekin Mooli khaane ka time 2 baje se pehle hai, sardi ka time hai, agar khohra ho jaye toh 1:30 baje tak hi khaayein. 1:30pm ke baad na khaayein.

 

Mooli mein hota hai Riboflavonoids. Yeh jo hota hai yeh bahut rare paya jaata hai sab mein nahi hota hai jaisse Pumpkin mein hota hai ya phir yellow rang ke Shimla mirch ya Zucchini mein payi jaati hai. Jinnko bhi Chemo therapy hui hai, Cancer wale jo patients hote hain unnko bilkul khaana chahiye. Jinnki bhi Chemo therapy hui hai aap bilkul Mooli, Pumpkin, Zucchini, yellow wali Shimla Mirch aur Carrot, issko apne life style ka hissa banayiye, soup banayiye, chutney banayiye, salad mein khayiye. Lekin aapke life mein yeh cheez honi hi chahiye. Tabhi aapke Chemo therapy ka jo reaction hai woh theek hoga.

 

Mooli mein Potassium hota hai. Toh jiss mein bhi Potassium hota hai usko Sodium ka support nahi dena chahiye jaisse ki kele mein hota hai potassium high toh uss mein namak daal ke na khayein toh jyaada behtar hai. Iss mein bhi namak daal ke nahi khaana chahiye.Jaissa plain Mooli hai waissa hi khayiye. Na  hi Mooli ko Lemon ke contact mein leke aana chahiye jyaada. Normal jo maine aapko acchar batayi thi kuch din pehle uss mein bhi khatai nahi daali hui thi. Ferment kiya tha, jo Sarsoon ka tha toh isski wajah se yeh bahut beneficial ho jaata hai. Lekin uss mein agar aap salt daal rahe hain toh jyaada behtar hoga ki Pink salt daalein ya phir Sea salt daalein. Toh aapke liye jyaada benefit karega Mooli. Lekin normal sirf Mooli khaana ho toh Mooli ko without salt hi khaana chahiye.

 

Mooli mein Copper hai toh bahut baar main bata chuki hoon ki Hemoglobin ko absorb karne mein bahut help karega. Yeh jo patta hai iss paate ke ander Vitamin B6 paayi jaati hai. Toh iss patte ko kabhi aap mat fenkiye. Issko jarr se yahan se kaat lijiye kyunki yeh bahut important hai, isski chutney bana lo, bhaji bana lo, salad mein kaccha daal ke acche se wash karke kha sakte hain. Koi juice banate hain uss mein daal dijiye. Per issko mat fenkiye. Yeh Mooli ka jo bhi use karna ho lekin iss patte mein aapko Magnesium paayi jaati hai. Jinnko bhi problem hoti hai Period mein ya aisse bhi Depression hai, unn ke liye bhi bahut important hai Mooli ka leaf. Agar period mein bhi hain toh Mooli ka leaf rakh sakte hain aap taki usski bhaji bana kar aap kha sakein. Pakka hua khaana hoga agar aap Monthly cycle mein hain.Ya phir aapko Menopause ke dauraan yeh bahut important cheez hai. Ek dhan hai issko fenkiye mat.

 

 Manganese hai isske ander joki metabolic rate ko high karti hai. Iss tarah ke jo bhi kire lag jaate hain, beech se tor ke hata do, jahan per aissa ho jaata hai. Koshish karo fresh miley lekin nahi hai toh issko sirf tor kar hata dijiye, wash kijiye, baareek katiye aur paka ke aap kha saktein hain. Aur agar bilkul fresh leaf milti hai toh ussko aap salad mein kha sakte hain. Lekin poori dandi ya leaf bahut important hai aapke health ke liye. Toh issko bilkul mat fenkiye.

 

Mooli ki leaf aapke Muscles ko Repair karne ka kaam karta hai. Agar aap issko khaate hain, jiss tarah se dhania patte ki dandi kaam karti hai ussi tarah se yeh bhi kaam karta hai. Lekin yeh day time mein bhi aapko bahut refresh karta hai. Coriander ka jo stem hota hai woh raat ko sone ke baad aapko help karta hai  lekin yeh jo hai yeh aapko day time mein bhi chalte phirte bhi bahut madad karta hai.

 

Isske alawa jo Mooli ke neeche ki jarr hoti hai yeh bahut important hoti hai. Leaf aur jo neeche ka root hai jo neeche tip hoti hai woh bilkul rakhna chahiye woh har tarah ke cancer se bachati hai.  Aapko intestine mein infection jo lagti hai jiss ki wajah se cancer ho jaata hai, Pancreatic juice generate nahi ho rahi hoti hai, irritation bahut high hoti hai toh colon cancer ho jaata hai,  aisse mein yeh bahut jyaada help karti hai. Toh bilkul issko rakhna chahiye. Issko curry mein daal dijiye, juice bana lijiye, chutney bana lijiye. Pata nahi chalta hai. Acche se wash kijiye aur issko use kijiye.

 

 Main yeh bata rahi hoon chemo waloon ke liye hi. Jinnko already cancer hai unn ke liye keh rahi hoon ki root  bahut important hota hai. Carrot ka jo patta hota hai, Mooli ka patta aur neeche ka jo portion hota hai, roots jo nikal aate hain who cancer patient ke liye bahut important hota hai chahe woh kissi bhi tarah ke cancer kyun na ho.

 

Plus yeh roots  Nitrogen urea ko balance karta hai, aapke Creatinine level ko theek karta hai jisski wajah se Kidney stone nahi hoti. Aapki Uric acid ko balance karta hai jisski wajah se aapki kidney kharab nahi hoti, Dialysis pe nahi jaati hai. Toh jo Dailysis pe hain bhi bilkul Mooli ke roots ko ignore mat kijiye usske roots ko rakhiye, Mooli ko rakhiye. Har tarah se leaf ko rakhiye aur ussko use kijiye apne life mein.

 

Mooli bahut thaandi hoti hai iss liye lagta hai yeh aapke body mein sirf thaanda effect degi, body mein cramp aayega. Aissa nahi hota hai. Body ke har allergy ko Mooli khatam karti hai. Aur bahut easily khatam karti hai. Cancer ek irritation, allergy aur radiation se hone wali cheez hai toh uss pe Mooli bahut accha work karta hai. Gajar aur Mooli dono hi bahut accha work karte hain.

 

Mooli mein Calcium bhi hota hai. Lekin yeh digestive calcium hota hai joki calcium kehte hain khaane se Stone ho jaati hai agar excess ho. Per yeh Digestive Calcium hai jo ki aapke kidney pe pressure nahi daalti hai. Toh daily Mooli khaana chahiye jab season ho.

 

Jinnko Jaundice hota hai, maine wahi baat ki thi jo kidney ki baat main kar rahi thi. Kidney ko bahut sahi rakhta hai toh agar jinnko bhi jaundice hai, toh jab urine sahi aayega aur urine mein problem nahi hogi, pancreatic juice sahi banega aur dis balance nahi hoga aur garam nahi hogi, pitth garam nahi hogi toh jaundice apne aap hi theek hoga.Aur jaundice mein nimbu aur Mooli kehte hain khaane ko. Lekin dono ko combine mat kijiyega nahi toh problem doosri pyeda ho jaayegi.

 

Diabetes mein Mooli bahut accha rehta hai. Jinnko bhi diabetes hai aur Mooli ka season ho aur Mooli available hai toh subah bilkul aapko salad mein Mooli khana chahiye. Agar Water retention ki problem hai toh Mooli aap pakka kar khayiye, bhaaji khayiye, sabzi khayiye. Lekin Mooli ka intake apne life mein rakhiye bahut fayeda hoga aapko.

 

Mooli ka seed bhi le sakte hain aap diabetes mein. Kehenge toh main diabetes ka poora churan bana kar bata doongi aapko. Mooli se Immune system bahut accha hota hai. Maine actually kuch din pehle pickle banayi thi iski aur maine uss mein bhi bataya tha ki citric allergy jaati hai iss se. Aur Immune system bahut tight hota hai. Toh hamesha aissa nahi hota hai ki fruits khayenge tabhi aapka immune bahut accha rahega. Bimaariyoon se larne ki takat bahut acchi milti hai. Infact Arthritis jaissi problem bhi Mooli se khatam hoti hai, Mooli ke seed se khatam hoti hai, Mooli ke juice se khatam hoti hai.

 

Asthma mein bhi Mooli thandi karti hai. Lekin direct aap isko nahi lenge. Mooli ka seed hai woh le sakte hain, Mooli ka achaar bataya tha woh le sakte hain. Khatta hai lekin woh natural khatai hai, fermented hai. Toh kuch logon ne achaar mein bola ki meri achaar kharaab ho gayi hai. Actually woh kharab nahi hui hai woh ferment ho gayi hoti hai toh usski thori fermented smell hoti hai.

 

Piles ke liye bahut acchi hoti hai Mooli aur Urine ke jitney bhi Urinary disorder hote hain unn ke liye, Itching ho jaaye, kissi tarah ki jalan ho peeshab mein, aisse sab mein yeh bahut accha upay hota hai. Mooli ki drink bhi banti hai. Abhi maine achaar bataya tha. Kuch din mein aap kahenge toh main bilkul usska poora drink share karne wali hoon jiss mein Arthritis, Asthma, Acidity, Piles aur Urinary disorder saare cover ho jaayenge.  Yeh drink daily 50 ml lene ka hota hai subah mein. Toh aap bilkul mujhe 200 comment kijiye aur yeh drink ka already video bana hua hai lekin upload tabhi hogi.

 

Isske alawa Mooli seed ki bahut saari weight loss recipe main bata sakti hoon. Iss se bahut tarah ka churan banta hai. Lekin seed available nahi hai abhi kissi bhi online site pe. Toh maine mail bheja hai jab available ho jayegi toh bilkul main share karoongi. Agar aapko iska churan chahiye toh bilkul description box mein aap isske baare mein mujhe comment kar sakte hain. Jinnko available ho paye apne ghar ke aas pass kissi grocery store se, ayurvedic dukaan se, aap iske ke seeds apne pantry mein bilkul add kar ke rakhiye. Coming weeks mein main isski recipe share karne wali hoon. Main apne taraf se poori koshish karoongi ki aapko online yeh mil jaye, jo mil rahi hai woh podhe wali hai. Toh main bahut jaldi koshish karoongi aur jiss din mil jaayegi main usski recipe share karoongi aapse.

 

Filhaal aap Mooli ke paate se benefit utha sakte hain ya juice chahiye toh aap mujhe bilkul batayiyega. Achaar ki recipe main aapko description box mein link de rahi hoon, bilkul dekhiye, banayiye aur try kijiye, bahut hi barihya hota hai aur bahut saare problem se aapko bahar nikaalega aur weight loss bahut acchi hoti hai uss achaar se.

 

Iss video ki hindi ya English mein written recipe chahiye toh bilkul logon kijiye mere website pe www.drshalini.com, wahan per aapko written recipe milegi English aur Hindi mein toh bilkul ja kar wahan per visit kijiye. Aur juice ki agar recipe chahiye aapko toh 200 comments bilkul compulsory hai. Aur seed ki chahiye toh bilkul comment box mein aap comment kar sakte hain. Isske alawa agar aur bhi question hai appke mann mein toh bilkul mujh se poochiye, Video se related ya apne problem se related. Main poori koshish karoongi  aapko saare questions ka answer de paoon.

 

Toh Mooli per meri yeh information acchi lagi ho toh iss video ko like jaroor kijiye, thumbs up karein. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

Add a Comment