Moringa (Drumsticks)-चर्बी घटाएँ एवं सुखी दाम्पत्य जीवन जियें

Click here to read this article in ENGLISH | Moringa (DrumSticks) – Fast & Easy Weight-loss

 

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main lekar ke aayi hoon MORINGA aur usska fayeda, WEIGHT LOSS  kaisse karenge uss mein woh bhi jaanenge aur kaisse Immune system ko sahi  rakhna hai aur Moringa ka poora fayeda utha sakte hain. Kiss tarah se Concieve kar sakte hain Moringa se, kiss tarah se Erectile dysfunction ko theek kar sakte hain. Aur basically Moringa har season mein ya har jagah pe nahi milta hai issi liye Moringa ka leaf jo uss se bhi jyaada beneficial hoti hai woh kahan pe aapko milegi, kiss tarah se use karein yeh saari baatein aaj discuss karenge, aaj ke video mein. Toh pehle dekhte hain ki Moringa ka kya fayeda hai.

 

BENEFITS OF MORINGA:

Jo sabse basic problem hai logon ki woh hai Water Retention, Inflammation ya Bloating. Moringa se yeh fayeda hai ki jo bhi Moringa, Sehjan Ko regular basis pe lete hain unnko Inflammation nahi hoti hai sharer mein, Water Retention nahi hota hai, paani nahi charhta hai. Water retention aapko iss tarah se pata chalega, poori body mein swelling aa jaati hai. Aur aapko pata hota hai ki body mein paani hai kyunki jab aap Dakar lenge toh aapko aissa feel hoga ki water hai. Bloating, jab aap khaana khaatey hain aur aapne 1 ½ roti bhi kha li ya thora chawal khaaya hai toh aap bahut full feel kartey hain aur bahut jyaada Dakar aati hai aur paani bhara hua lagta hai, bloat kiya hua. Lagta hai ki poora sharer bilkul tight hai. Toh aisse situation mein Moringa bahut help karta hai. Agar aap Moringa ka soup peete hain ya Moringa ki curry khaatey hain toh aapke life mein bahut changes aatey hain, uss takleef se aap bach jaate ho.

 

Sehjan khaane wale ko ya Moringa khaane wale ko ya phir jo usska patta consume karte hain unnki healing time bahut choti hoti hai. Jaisse agar aapko bukhaar ho jaata hai ya body ache hai ya kissi tarah ka accident ho gaya hai ya cancer hai aisse kissi bhi problem mein agar Moringa kissi bhi form mein lete hain toh bahut beneficial hai. Main mostly Moringa ki leaf ko prefer karti hoon, sabzi bhi hai lekin woh ek tough topic hai ki sabzi banao aur khao, patta hota hai supplement mein milta hai market mein ussko easily kha sakte hain. Aisse situateion mein jo Chemo se gujar rahe hain, unn ke liye bhi bahut fayedemand hai, bahut easily recover karte hain uss ke reactions se. Agar kissi tarah ka accident ho gaya hai, cut gaya, pimples hai, acne hai ya phir kissi wajah se jal gaya, burn ho gaya hai, aisse saari cheezoon mein Moringa ki leaf ya Moringa direct ya Moringa ka flower aapko bahut fayeda karta hai.

 

Phool ka tea bana ke aap pee sakte hain, leaf aap direct paani mein ghol kar pee sakte hain. Aur Moringa aapko sabzi milti hai toh usski curry bana ke kha sakte hain ya soup bana ke pee sate hain.

 

Moringa aapko sirf Chemotherapy mein hi nahi help karta hai, Free Radicals se bhi bachata hai. Free Radicals jo hote hain jo Cancer ko janam dete hain, aisse radicals se bhi aapko bachata hai. Aap normally aisse radicals se bach nahi saktey, aapke ird gird TV hai, cable hai, mobile hai, internet hai. Itni saari cheezein hain ki aap unnse toh bhaag nahi sakte behtar hai aissi cheezein khaayein jisse inn sab ki reaction aapki body mein na lagey. Free Radical hamesha Cancer ko hi janam nahi deta hai, Acidity, upach jitney bhi Indigestion ki problem hai ya phir aap jo Migraine ki problem hoti hai ya phir Insomnia hai, yeh saare cheezein bhi kahin na kahin connected hoti haiya toh aapke chumbakiye shakti se ya phir magnetic field aapka alag ho jaata hai tab bhi problem hoti hai aur ya phir free radical ke beech mein rehte hain aap toh aisse situation mein. Inn saare cheezoon mein aapko Sehjan/ Moringa/ Moringa jo hai bahut jyaada help karta hai.

 

Regular consumption hona chahiye aur jab aap kha rahe hote hain tab yeh wholesole aapke body mein dikhayi deta hai. Aap dekhna jo South Indians hote hain jo mostly Moringa ka consumption karte hain sambhar mein daal karke,  unnke aap takat ko dekhna, aap south Indian movie dekhenge, aapko ashcharya hota hai dekh karke ki woh bahut jyaada strength lagate hain har cheez mein aur bahut easily kar paate hain yeh saari cheezein. Toh kuch cheez jo woh khaate hain aur uss mein fayeda hai toh uss ki copy karne mein koi harz nahi hota hai. Toh issko bilkul copy kijiye aur Moringa ko apne life style mein add kijiye. Jaanti hoon jyaada tasty nahi hota hai, mujhe bahut pasand hai, bahut logon ko nahi accha lagta hai. But Moringa ko aap consume karte hain toh aapke life mein ek bahut bhaari change aata hai.

 

Moringa Diabetes ke symptoms pe ya main Diabetes pe bhi bahut accha kaam karta hai. Type 1, Type 2 dono pe kaam karta hai. Aur agar aap Moringa ka soup na lein paayein toh Moringa ke leaf ko Moringa bolte hain. Moringa bhi bahut easily mil jaati hai. Aap woh le sakte hain Diabetes mein. Lekin yeh jo mera personal  experience hai ya mere patients ka jo experience hai uss mein Sehjan/ Moringa bahut hi accha relief deta hai.

 

Cardio vascular activity jo system hota hai aapka uss se Trigylcerides, Heart ki beat har ek cheez aapka Cholesterol sab kuch uss mein related hai. Aisse situation mein Sehjan aap khaate hain aur apne lifestyle mein add karte hain aissi cheezein jo karela hai, Sehjan hai, Turai hai, Lauki hai, aissi cheezein jab add hoti hai aapke life mein, Parwal jo bahut ignored vegetable hai, toh yeh agar aap add karte hain toh appko bahut bahut fayeda hota hai.

 

Infact Sehjan se Brian activity bahut high hoti hai. Brain Activity high hone ki teen chaar cheezein hain ek hai Sehjan, Kathal, Sarsoon. Agar aap apne barhte bacchoon ko jo school mein, jo kaafi saare parents jo mere patients hain apne bacchoon ki shikaayat karte hain ki kelne mein toh bara mast hai but parhte time soo jaata hai. Jaisse kitaab kholte hain waisse hi neend aa jaati hai. Toh yeh jo brain ki activity hai jab stress parne pe need aati hai, sleeping mode mein chala jaata hai dimaag, aisse bacchoon ko aap Sehjan ya phir Sehjan ka leaf denge agar unnke life style mein add karenge, Sarsoon ka tail aur Sarsoon ka powder yeh link se hat rahi hoon main lekin yeh poora whole package hi hota hai, ki aap bacchoon ko dete hain ki aap Sehjan mein hi sarsoon daal kar sarsoon ke tail mein aap banayiye, Kathal ki sabzi  khilayiye, aisse mein unnko bahut fayeda milta hai aur within 1-2 week agar regular de rahe hain unnko hafte mein 2-3 din toh aap yeh cheez dekhenge ki baccha parhne mein mann lagane lag jayega ussko apne aap hi concentration pe apne aap hi attraction hoga kyunki yeh main aapko bataoon jo meri age hai iss age mein parhna itna asaan nahi hota hai.

 

 Aap entertainment toh kar sakte hain lekin book kholte hi neend aayegi pchaas tarah ki life ki baatein yaad aayegi ya koi depression ho raha hoga. Even then main study kar paati hoon ya concentrate kar paati hoon toh mere life mein aisse hi kuch GREEN BIO SUPER  FOOD hain jo bahut jyaada help karte hain mujhe taki mujhe parhene mein mann lagey warna parhai kissko pasand hai. Mujhe bhi pasand nahi hai koi khaas, but parhte issliye hain ki concentration bahut acchi ho jaati hai. Aur jo word ya sentence hum dekh rahe hote hain woh apne aap dimaag mein chapne lagti hai. Tabhi parhai mein mann lagta hai warna kissi ko duniya mein na lagey chahe woh scientist bhi kyun na ho. Toh yeh saari cheezein add karna bahut important hai agar Brain Activity ko bahut accha rakhna hai toh.

 

Moringa Liver ke function ko bhi bahut accha kar deta hai. Aur aapko problem nahi aati hai. Jinnko bhi Liver ke kharaab hone se ya Liver weak hone se ya Fatty Liver ki problem hai jissko, kai logon ko fatty liver ki problem hoti hai aur woh mujhe comment box mein comment karte hain, aisse situation mein bhi Sehjan ya phir usska powder bahut important hai unnke life mein.

 

Simply agar aap soup bhi banana chahte hain toh bahut easy recipe usski hoti hai. Simply aap Sehjan lijiye, usske saath pyaaz, lahsun, adrak jo bhi hai kaatiye aur agar aapko spicy pasand hai toh spice lijiye halka sa salt aur ussko steam kijiye, cooker mein daaliye aur woh bann ke tyaar ho jaata hai.

 

Agar aap non-veg khaate hain toh mutton ya chicken ya phir fish add kar sakte hain. Mutton main mostly mana karti hoon lekin fish aap add kar sakte hain aur bahut delicious lagta hai. Chahe to aap Moringa ko sambhar mein bhi daal sakte hain. Aur waisse bhi soup bana kar kha sakte hain. Aur bahut jaldi ek ya doo siti mein aapka bann ke tyaar ho jaata hai aur bahut hi jyaada delicious hota hai. Aur health benefit free gift hai hi Moringa ke saath. Agar aap regular basis per karte hain toh jyaada bana karke rakhiye, hafte mein 2-3 din toh bilkul lijiye ya apne bacchoon ko dijiye. Moringa se bahut bahut improvement milegi.

 

Iss ke baad main baat karti hoon Moringa ke Flower ki jo bahut important hai unn logon ke liye jo conceive nahi kar paate hain ya male mein jinnko sexual problem hai. Aisse mein yeh flower aapki bahut madad karta hai. Aapke sperm count ko barhata hai ya female ke uterus ko bahut healthy banata hai ki woh conceive kar payein. Agar egg ki problem hai, egg mein mostly yeh dekha gaya hai ki bahut saare injection, aisse aisse injections ke naam likh dete hain jo seriously mujhe nahi maloom hai lekin woh injection lene ke baad bhi baby ka conceive nahi ho raha hai.

 

 Aisse mein aap yeh koshish kijiye ki Moringa flower, Pumpkin flower, yeh saare jitney flower hote hain, Lauki ka phool, Saunf ka phool, jo bahut important hai, Saunf ka phool sabse jyaada important hai. Yeh saare lekarke, sookha kar aap rakh lijiye ya online bhi inke flowers milte hain, Hibiscus flower, online milte hain. Aap yeh lijiye, issko sookhayiye, issko rakhiye aur usska tea bana kar twice a day lijiye. 50ml hot water daaliye cup mein jaisse green tea daalte hain, uss mein daal dijiye 1 tsp mixed flower aur dhak dijiye, jab woh infuse ho jaaye, chaniye aur ussko peejiye, din mein 2 baar, subah ya sham khaane se pehle ya baad aissa koi rule nahi hai. Aur dekhiye aapke life mein change aayega within 1 or 2 months ho sakta hai ki aap conceive kar lein, agar aapko problem hai. Aur aap agar ultra sound karana chahte hain toh uss mein bahut change milega.

 

Aur male hain toh woh Sehjan ka phool, Saunf ka phool aur Banana blossom, jo Kele ka phool hota hai ussko boil karke peeyenge toh testerone mein bahut change aati hai. Sexual attractions barh jaate hain aur sex ka flow barh jaata hai, matlab counts barh jaate hain. Jo week ya month hota hai woh thora jaldi ho jaata hai. Toh yeh aap bilkul try karke dekhiye. Aur yeh 1 ya 2 cup mein ya 1 ya 2 din mein hi aapko change gradually dikhayi dene lagega. Aissa nahi hai ki aap ek mahina peeyenge tab aapko sexual feeling jaagegi uss se pehle aap issko try karte rahenge. Aissa nahi hai. Aap jaisse hi issko lena shuru karenge waisse hi within 1 or 2 days aapke feeling mein change aani shuru ho jaayegi. Aur aap bahut motivated rahenge  yeh tea lene ke liye. Uss ke baad aapko kehna nahi parega. Toh aap try karke dekhiye, yeh Sehjan ka phool, Erectile dysfunction ke liye bahut acchi cheez hai. Agar soup mein, tea mein aap milana chahein toh Bhindi ek bahut acchi cheez hai. Bhindi mila sakte hain lekin Bhindi ka uper ka bud nahi kaatna hai, ussi mein sabse jyaada power hota hai. Bus beech se slit kijiye poora kholiye mat, boil kijiye saath mein banana blossom ke saath mein iska flower aur saunf ka flower aur aapko fayeda mil jayega.   

 

Iss ke baad main baat karoongi jo main bahut der se bol rahi hoon, Moringa leaf, Moringa ka jo patta hota hai usski baat karenge. Moringa ke patte mein bahut jyaada high level pe Vitamin A hota hai jo aapke aakhoon ke liye accha hai. Vitamin C jo Anti Biotic, Anti Bacterial hota hai, aapke body ko bilkul change kar deta hai. Anti Wrinkle hota hai. Anti Wrinkle, Anti Ageing, main bahut baar bata chuki hoon, isska matlab yeh nahi hota hai ki aap dekhne mein sirf khoobsoorat lagenge, isska matlab yeh bhi hota hai ki aapki body ander se jo body mass hai, aapke tissues hai, aapke cells hai, aapke bones hai, woh saare recover honge aur aapko ander se young banayenge. It means aapka body young behave bhi karega. 

 

Plus Moringa mein Vitamin E hai, Vitamin E aapke skin pe, hair pe hi nahi kaam karta, aapke muscles pe kaam karta hai. Toh jinki bhi age ho jaati hai, jo 30 plus hote hain, dheere dheere kaafi saare Vitamins and Minerals deplete hone lag jaate hain aisse situation mein jab Vitamin E hota hai toh absorption ko barha deta hai. Jo bhi aap khaana khaate hain ussi se lene ki koshish karta hai, taki aapko bahar se lene ki zaroorat na parey aur takleef na ho kyunki Vitamin E ki kaami se muscles cramp bahut jyaada aate hain. Toh jinnko bhi sharer charhti hai unn ke liye Moringa leaf bahut accha hota hai. Yeh aapko bahut easily Amazon ya Ebay pe mil jayega. Bahut mehenga nahi hota hai, 300-400 rupay ka 250 gm mil jaata hai. Kai log ½ kg bhi bech rahe hote hain itne mein. Lekin aap bilkul lijiye aur yeh bahut hi beneficial hai.

 

 Jinnko Calcium ki kaami hoti hai please 500mg ya 1000 mg calcium khaane sebehtar hai ki aap Chia seeds pe jaayein, Moringa leaf pe jaayein. Aap dry fruits pe jaayein, jo nuts kha sakte hain. Calcium lene ka yeh sab tareeka jyaada behtar hai aapke liye. Ilaichi khayein. Taki aapke body mein ek sufficient matra mein ek quantity mein calcium ho aur aapke body ache na ho jinnko bhi calcium deficiency hai. Kyunki direct calcium ka consumption bahut tough hota hai, sometime stone ka karein bann jaata hai, constipation ka karein bann jaata hai aur fatty liver ka karein bann jaata hai. Aur aapke intestine ka real jo work hota hai pancreatic juice ka ussko block karne mein calcium ka bahut bara haath hota hai. Agar natural Calcium pe jaana chahte hain toh woh ek bahut accha tareeka hota hai. ¼ tsp of real lime stone, jo paan ki dukaan pe milta hai, ussko paani mein gholiye, chor dijiye, uper ka paani pijiye, toh bhi jinnko 1000mg kaha gaya hai calcium lene ke liye unn ke liye bahut hai. Uss se jyaada lene ki zaroorat nahi hoti hai. Toh yeh hamesha dhyaan rakhiye ki natural cheezoon se calcium aa jaaye toh jyaada behtar hai.

 

Moringa leaf mein Potassium bahut accha hota hai. Jissko bhi Water Retention ya Bloating ki problem hoti hai usske liye balance hona bahut important hai. Aur ek cheez main batana chahoongi, jinnko Creatinine bahut high hota hai, woh Potassium jyaada hone ki wajah se hota hai, waisse mein doctor high potassium cheezein mana kar dete hain khaane ke liye ki Kidney kharaab ho jaayegi aur Dialysis pe jaana parega. But aisse mein Moringa leaf bahut help karti hai jabki uss mein potaasium balance hai agar extra hai aapke body mein jiss ki wajah se kidney acche se work nahi kar rahi hai toh aisse situation mein Moringa ya usska Patta aapko bahut help karta hai.

 

Jaissa ki shuru mein bhi maine aapko bataya ki main Micro Bio Super Food per jyaada kaam karti hoon because aaj kal ke zamane mein itna time nahi hota logon ke pass ki woh poore 3 time bahut barihya se khaana bana ke khayein. Apne bacchoon ko dekhna hota hai ya apne career pe hote hain ya kuch log mujhe yeh bolte hain ki unnki raat ki duty hai aur over night jagna parta hai to aisse mein problem hoti hai. Aisse logon ke liye jitney bhi Micro Bio Super Food hain, jo bhi high protein vegetables hote hian woh kaam aate hain. Aisse supplements, actually leaf sookha diya ya powder supplement help karti hai.  Aur supplement ka matlab chemical nahi hota hai. Kuch logon ko yeh galat fehmi hoti hai ki supplement ka matlab chemical hota hai.

 

Toh Moringa leaf high in Protein hai. Aur jitney bhi patte jo high in protein honge woh aapko bahut help karte hain aapke life mein, aapke body building mein toh madad karte hi hain, bahut easily digestive hote hain. Isske liye aapko roughage ki zaroorat nahi parti hai. Jaisse kuch din pehle main aapko Soya bean ka bata rahi thi toh uss din maine kha tha ki seeds jab aap khaate hain toh ussko digest karne ke liye roughage ki zaroorat parti hai.

 

Toh jitney bhi aapke Green Micro Bio hote hain jaisse Wheat Grass, Barley Grass, Alfa Alfa, Moringa leaf, Spirulina, Broccoli ke powders aati hai market mein, aapko aata hai Beetroot ka , Carrot ka , yeh jitney bhi hote hain yeh high in protein hain aur carb bhi utne hain jitney sufficient aapko chahiye. Vitamin aur Minerals lais hote hain uss mein toh ussko digest karne mein aapko problem nahi aati hai, aapko yeh nahi reh jaata hai ki issko hum digest kaisse karenge aur yeh hamare body mein jakar ke react karega ya constipation ka karein banega. Yeh bilkul bhi aapko constipate nahi karta hai aur bahut easily digest ho jaata hai. Aur aapke muscles ko bahut develop karta hai. Aur bahut jaldi hi aapke body mein absorb hota hai aur bahut accha result deta hai.

 

Ab main aati hoon ki yeh lena kitna chahiye. Bahut easily hai, aap le lijiye online bahut milta hai, market mein mushkil hai thora milna. Online khareediye, aapko twice a day khaana hai, ek time mein aap 1tsp or 5 gm , issko toll nahi sakte hai, issko 100ml paani mein millana hai aur paani mein milane ke baad ussko 30 minutes chorna parega. Kyunki jitney bhi dry cheezeiz hoti hain unnko infuse hoke extract usska paani mein gule taki aapke body mein bahut easily dilute ho paaye. Dilute form mein ho jaayega toh absorption bahut high hogi. Toh yeh aapko dilute form mein lena hai, twice a day le sakte hain. Dopahar mein 11 baje aur sham ke 4 baje.Yeh dhyaan rakhna hai ki raat ko nahi lena hai. Green protein jo hota hai woh after 4 aap nahi le sakte hain, after 6 garmi ka din hai toh. Aur before 8  subah nahi le sakte hain. Yeh dhyaan rakhna hai protein hone ke bawzood kyunki yeh Green Protein hai toh issko kissi bhi halat mein day time lena parega. Taki isska reaction aapke body mein na ho aur sabse baari baat hai ki 3 se 5 din aap use karenge toh uss mein hi aapko inch loss nazar aane lagegi, bahut teezi se aur weight reduce hone ke bhi bahut high chances hote hain bahut fast weight reduce hota hai kyunki yeh metabolic rate bahut high kar deta hai.

 

Toh bilkul use kijiye issko aur Moringa per aur Moringa leaf per meri yeh information acchi lagi ho toh mere video ko like zaroor kijiye. Issko thumbs up kijiye. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

Add a Comment