HEALTHY & REAL FRUIT LOLLIPOP

Click here to read this article in English | Healthy Fruit Lollipop | Dr. Shalini

 

See below the article to know about the Ingredients of the Popsicles.

 

Hi everyone, Main hoon Dr. Shalini Aur aaj main share karne jaa rahi hoon POPSICLES / LOLLIPOP jo hum bachpan se khaatey hain delicious sa bus fark itna hai ki yeh bahut fresh ingredients se banna hua hai toh aapke liye healthy hai. Koi bhi added sugar nahi hai, infact iss mein maine Stevia bhi add nahi kiya hai. Toh jo aapke ird-gird market mein fruit milta hai ussi se assemble karke banaya hua hai. Bahut hi delicious hai.

 

Kissi bhi age ke log kha saktey hain aur sham ke 4 baje tak kha saktey hain. Sabse mazedaar baat yeh hai ki din mein yeh 6 piece tak aap kha saktey hain. Kyunki iss mein jitni quantity aati hai uss se kahin jyaada hum fruits khaatey hain. Toh bacchoon ko iss garmi mein yehi bana ke dijiye. Bahut masti se khaayenge aur khush bhi rahenge aur khaansi bhi nahi hogi. Bus yeh dhyaan rakhna ki dhoop se aatey hi na de dein kyunki jumi hui cheez hai toh yeh thori nuksaan kar sakti hai.

 

Iss video mein thora sa main shikayat bhi kar rahi hoon kuch logoon se. Toh woh beech video mein bataoongi. Toh sabse pehle chaltey hain PEHLA LOLLIPOP banane ke liye.

 

PROCEDURE OF PREPARING THE FIRST LOLLIPOP:

 

Yeh TARBOOJ aapko yaad hoga jinn honey bhi mera grocery haul dekha tha. Yeh maine iss liye liya tha ki agar laal nahi nikla jaissa dukaandar ne kaha tha toh maine kaha tha main badua de doongi. Toh dekhtey hain issko kaat ke. Tarbooj ko dho ke katiyega because isska Skin hum use karenge. Smoothie main bata chuki hoon Tarbooj ke skin ki. Yeh dekho kitna red hai. Skin bilkul fenkna nahi isski, Smoothie bann jayegi, link aapko description box aur meri pehli comment jo hoti hai pin post uss mein bhi milegi, aur I bar mein bhi aap dekh lena wahan bhi milegi.

 

Tarbooj ko kaat ke poora nikaalenge aap. Skin rakh lenge. Beej sahit nikaalna hai, seed separate nahi karna hai. Main aap logoon ko batana chahoongi ki jab bhi koi Fruit khaatey hain aur agar ussko blend kar rahe hain toh usski Beej bhi saath mein Blend kar do. Kyunki usski seed sookhi hoti hai toh aap khaatey hain kyunki kissi mein Omega 3 hai aur Vitamin E hai, 6 hai. Toh jo bhi fruit aur vegetable mein Vitamin A hoga ya Vitamin E hogi woh Oil Soluble hoti hai. Toh jab seed ka support milta hai toh woh body ko lag jaati hai.

 

 Agar seed separate karke fruits khaatey hain jaisse aap salad bana rahe hain aur fruits kha rahe hain tab toh aap seed kha nahi saktey hain, aisse situation mein aap hamesha dhyaan rakhiye ki usske ander thora sa 1-2 boond oil daal lein taaki isske ander ki Vitamin E aur A aapke body ke ander jaaye nahi toh fayeda nahi hoga. Woh pait mein jaayega but body ussko absorb nahi kar sakti jab tak ki ussko support nahi  milega.

 

Toh aap bolenge toh Water melon ka ek bahut tasty sa Salad banta hai, bahut din se log bana rahe hain, kha rahe hain. Maine bhi You Tube pe dekh kar try kiya tha, bahut delicious hai aur uss se Weight Loss bahut accha hota hai, lekin Breakfast mein khaya jaaye toh.

 

Next Ingredient hai ANGOOR/ GRAPES, green wali grapes li hai yahan per. Dhyaan rakhna ki Grapes lambi wali honi chahiye. Yeh kaafi meethi hoti hai. Mujhe Ice Cream ko meetha karna hai toh Natural Sugar main yahan per le rahi hoon.

 

Water melon aur Angoor ka quantity aapko mere Website pe milega, link description box aur pin post mein jo mera pehla comment hai uss mein milega.

 

Inn dono Ingredients ko mixy mein BLEND karenge. Jyaada bana kar rakho. Bilkul Chutney jaissa pees lena. Logoon ko dekha hai maine kaat kar banatey hain ya phir direct blend karke bhi juma dete hain lekin agar aap woh try karenge toh bahut fiber aata hai muh mein. Woh Ice Cream jaissa taste nahi lagta hai. Toh maine yeh dekha hai ki issko agar aap CHAAN do mulmul ke kapre se toh bahut accha taste nikal ke aata hai aur bahut maaza aata hai khaane mein. Garha paste nikal kar aayega aur baaki cheezein uper reh jaayengi. Isse seed ke lakri bhi chaat rahi hai, toh koi tension nahi hai ki seed ka koi bhi part isske ander aayega. Aur saath mein seed ke ander ka jo oil tha woh iss mein blend ho chuka.

 

Toh yeh jab aapke bacche bhi khaayenge toh Hair, Skin, Nail sab bahut acche honge. Toh indirectly Nuts bhi chala gaya ander. Iss liye main keh rahi hoon ki yeh bahut healthy hai.

 

Ab maine yeh nichor toh liya kapre se lekin neeche jo paste reh rahi hai woh bhi aap dekho kaafi garhi paste hai toh ussko bhi chaan lena. Jyaada mat ussko press karna nahi toh phir fiber aa jaayegi.

 

Ab iss juice mein main milaoongi YOUNG COCONUT WATER. Yeh Dabh jisse kehte hain, Green Coconut hoti hai usska Paani milaya hai. Isska bhi measurement aapko Website pe milega. Inn sabko Mix kar denge acchi tarah se. Aur ab yeh tyaar ho gaya. Nariyal ka Paani issko ekdum hi alag flavor de deta hai toh aap ussko skip mat karna.

 

Main yeh bottle mein bhar ke rakh rahi hoon. Actually maine direct bhi try kiya hai aur waisse bhi try kiya hai. Bottle mein jab aap rakh dete hain aur usske baad jab aap ussko jumatey hain toh usska flavor bilkul hi alag aata hai, aur bahut tasty aata hai aur bahut jaldi jumta hai. Toh aap 1-2 liter aap bana lo jo bottle mein rakh sako. Saari quantity aapko Website pe milegi. Ussko apne hisaab se multiply kar lena. Bana lo aur usska result phir dekho, jab jumaayenge toh jaldi-jaldi jumega.

 

Jab chahenge aapko 1 hour mein mil jaayega. Fridge agar 10 saal se uper ka hai tab mushkil ho sakta hai. Purani fridge mein 1 hour tak jum jaata hai aur nayi mein ½ an hour mein jum jaata hai. Ab dekho kitna delicious sa nikal ke aaya hai. Mazza hi aa jaata hai issko khaane mein because Angoor ka meethapan bahut barhiya lagta hai. Aur Nariyal paani acche se incorporate hoke apna flavor de raha hota hai. Aur saath mein Water melon ka juice without fiber aur ek greasiness toh rehti hai kyunki seed isske ander gayi hai.

 

Ab main beech mein shikaayat wali jo cheez lekar aa rahi hoon woh ek comment dekha rahi hoon kissi ka. Inn honey likha hai “kitney dinoo se question kar rahi hoon, aap jawab kyun nahi dete? Main aapki bahut baari fan hoon aur apne fan se aissa behavior theek nahi hai.” Ab aap ek baat batayiye ki daily 1000 se uper questons aatey hain, ek video mein hazaar questions aa jaatey hain, uss hisaab se 2-2 ½ hazaar questions hotey hain. It is not possible ki main har ek ko attend karoon.

 

Sometimes question aisse hotey hain jinnka answer video ke ander hi hota hai toh main answer nahi deti. Sometimes questions aisse hotey hain jissko already main question deke list mein add kar leti hoon aur sometimes question aisse hotey hain jisska mujhe pata hota hai ki main next video mein usska answer de doongi. Itna type karna possible nahi hai.

 

Lekin iss type ka discouragement wala comment jo hota hai ya phir ek comment aur hai jahan ek madam mujhe bata rahi hain ki main tumko Unsubscribe kar doongi. Ek baar unn honey bola ki tum Depress ho iss liye Unsubscribe kar doongi aur ek baar kaha tum ganda naachti ho iss liye unsubscribe kar doongi phir unn honey kaha ki tum paisse kama rahi ho iss liye unsubscribe kar doongi aur phir unn honey kaha ki tum Live Chat mein sundar nahi lag rahi thi iss liye tumko unsubscribe kar doongi. Toh MEERA PATEL aap UNSUBSCRIBE kar do. Roz yeh likh ke koi fayeda nahi hai kyunki aap bahut Depressed person hain. Toh yeh mat kijiye, yeh bahut burra lagta hai aur mere video ki frequency iss liye kum ho gayi hai kyunki subah subah ek video daalo aur wahan good morning ki jagah likha hota hai ki tum paisse kama rahi ho ya aapne jawab nahi diya toh yeh sunn ke samajh nahi aata.

 

Main paisse kama rahi hoon toh aap bhi kaam kar lo, kama lo. Ya phir simple ek tareeka hai jahan per aapko lagey ki mujhe ek bhi paisse nahi milna chahiye, jitney bhi ADVERTISEMENT hain, sabko skip kar dijiye. Mujhe waisse bhi paisse nahi milenge. 2000 se 20000 per 1 Dollar milta hai toh aap skip kar denge toh ZERO ho jaayega. Toh woh aisse bhi help hi hai. Jitney log dekhtey hain, uss mein se 70% Advertisement skip kar ke dekhtey hain. Toh yeh jo hai yeh free ka hi hota hai mostly. Aap ek rupaya bhi nahi de rahe hain. Aap movie star ko dekhne jaatey hain toh usske liye aap ticket pe paisa karch kartey hain, yahan aap mere pe kuch bhi nahi karch kar rahe hain.

 

Toh agar nahi dekhne ka mann hota hai toh bilkul mat dekhiye. Yeh likh kar koi fayeda nahi hai. Jitney log bhi mujhe video ki yaad dilate hain, main unnko hamesha welcome karti hoon. Jitney log bhi batatey hain ki iss matter per batao, mujhe hamesha accha lagta hai kyunki woh mere list ko barha rahe hain. Sab ko appreciate karti hoon. Mere Subscribers ko Thankyou bol rahi hoon. Har ek cheez kar rahi hoon. But isske badle mein aap taken for granted lenge ya yeh sochenge ki aapke dekhne ki wajah se mera ghar chalta hai, aissa nahi hai. Mujhe apne patients bhi dekhne hotey hain, apne bacche ko bhi dekhna hai, toh thora toh human ground pe logoon ko lo.

 

Supplements maine bataye toh aapne yeh keh diya ki mujhe 15 company endorsement ka paisa degi. Thora sochna chahiye aap logoon ko. Yeh sab bahut galat lagta hai. Positive raho aur aapko kahin se bhi yeh lagta hai ki yeh garbar chal raha hai toh bilkul mat dekhiye mera video. Lekin iss tarah ki gandi baatein likhne ka koi fayeda nahi hai.

 

Toh chaltey hain next Popsicle pe.

 

PROCEDURE OF PREPARING THE SECOND POPSICLE:

 

Yeh hai Green Popsicle. Yeh maine banayi hai KIWI se. Iss mein Vitamin C ki matra bahut jyaada hai kyunki maine Kiwi pe kabhi kuch bataya nahi hai toh thora sa gyaan main de deti hoon yahan pe. Kiwi mein Vitamin C ki matra bahut acchi hoti hai. Joki aapko bimaariyoon se bachata hai aur ek cheez aur hai, Hidden Pain ya Hidden fever ho kissi ko toh agar aapko Kiwi milta hai toh bilkul khaayiye. Kaafi log ko sunnti hoon ki thakaan ki wajah se ander takleef ho rahi hoti hai. Aur Kiwi Sexual Problem ko bahut acche se dur karti hai. Toh bilkul issko apne life mein add kijiye. Aur ho sakey toh jab aap Kiwi kha rahe hain toh Skin ke saath khayiye. Toh woh jyaada better hoga aapke liye.

 

But yahan per main Ice Cream bana rahi hoon, iss liye maine Kiwi cheel karke liya hai. Issko simply kaat lenge. Koi rule nahi hai. Bus itna hai ki yeh mixer mein acchi tarah se blend ho jaaye, iss liye kaatna hai. aur isska seed iss liye main separate karna chahti hoon kyunki woh galey mein aata hai. Agar aap direct issko lenge toh ice cream mein mujhe pasaand nahi aaya.

 

Toh yahan per main phir se GREEN GRAPES le rahi hoon, meetha karne ke liye. Aur Kiwi le rahi hoon. Lekin yeh dhyaan rakhiyega ki iss mein extra Water nahi daalna hai. Woh jab Grapes chalega toh apne aap hi ek paste sa ho jaata hai. Yeh jab chanega toh Angoor ka chilka aur Kiwi ka Seed alag ho jaayega. Agar ussko direct daalenge toh woh gaaley mein lagti hai aur Khaansi aati hai.

 

Iss mein main daal rahi hoon PINK SALT thora sa kyunki khaati hai yeh toh woh enhance kar dega flavor.

 

Aur ab daal rahi hoon COCONUT WATER. Inn sab ko MIX kar denge acchi tarah se.

 

Ek cheez maine nahi dikhaya yahan pe, woh reh gaya kyunki baad mein woh experiment kiya tha. Yeh Bottle mein bhar liya tha usske baad. Maine Watermelon ka chilka ko blend karke, usska rus nikaala tha aur iss mein mix kar diya tha taaki thora sa mild ho jaaye kyunki Kiwi khaata jyaada tha. Toh baad mein isska rang alag ho jaayega. Agar sirf Kiwi lete hain toh light green rahega lekin agar Watermelon skin daaltey hain toh yeh color aaya aur issko bhi rakhna hai 1-1 ½ ghantey. Aur agar fridge acchi hai toh ½ an hour mein jum jaayega aapka.

 

Isska taste Watermelon wale jaissa nahi lagta. Thora khaata hota hai aur Namak daala hua hai toh usska khataas enhance ho gaya hai aur Nariyal ka paani hai toh apne aap mein muh mein ek alag dhaang se blend hota hai. Bahut hi delicious aur marvelous. Mere aur mere bete ke saath hota hai, aapke saath bhi hoga hi, aankhein band hoti hain yeh dono ko khaane mein. Baara mazza aata hai. Aissa regret free Lollipop jo mann ko khush kar de. Bilkul try kijiye apne ghar mein aur din bhar mein 4-5 araam se kha saktey hain. Fast mein kha saktey hain. Fast mein khaaoge toh Namak nahi daalna. Agar Namak khaatey hain toh daal lena. Uss mein koi khaas problem nahi hai. Aur bilkul masti mein aap kha saktey hain kissi bhi vrat mein agar salt nahi add kiya hai toh. Aish bhi karenge aur healthy cheez aapke ander jaa rahi hogi.

 

Aur main Angoor ke baarey mein batana chahoongi. Jo log kehtey hain ki Grapes mein bahut jyaada sugar hai toh woh natural sugar hai jo aapke skin pe glow le kar aata hai. Toh cheeni bhi bahut important hoti hai body ke liye.  Toh sometimes yeh bahut acchi cheez hai. Toh bilkul try kijiye apne ghar mein. Aur Measurements aapko Website pe milega. Link aapko description box, meri first comment pin post mein milegi.

 

Website agar jam hota hai, choke hota hai toh 2-3 ghaantey baad click kijiyega. Server mein problem aati hai bahut time. Toh meri yeh Lollipop / Popsicle ki recipe agar aapko acchi lagi ho, information aapko accha laga ho toh mere video ko like zaroor karein. Thumbs up ka button zaroor dabayein. Iss video ko share karein apne friends, family aur social media pe taaki jyaada se jyaada logoon ki madad ho paaye. Playlist mein add karein taaki baad mein aap issko dekh sakein. Subscribe kijiye mere channel ko agar nahi kiya hai toh taaki future ke uploads ka updates aapko mil sakey. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

 

 

Measurements:

1)Watermelon lollipop/popsicle (Red):

  • watermelon 700gm
  • Grapes 200gm
  • Coconut Water 250ml

2)Kiwi lollipop/popsicle (Green):

 

3) Healthy Kala khatta lollipop/popsicle(Dark Brown) (base on youtube 300 comments)

4)………….lollipop/popsicle (yellow) (base on youtube 300 comments)

Self life freezer 600 month, freeze 1 week (coconut water spoil very easily.

Add a Comment