UNDERARMS WHITENING PACK: GET RID OF DARK UNDERARMS

Click here to read this article in English | Underarms Whitening Pack | Dr. Shalini

 

See below the article to know about the Measurements of the Ingredients.

 

Hi everyone, main hoon Dr. Shailini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main lekar ke aayi hoon UNDERARMS WHITENING PACK. Isska result bahut hi accha hai. First application mein hi isska result dikhne lagega aur bahut marvelous result dikhta hai.

 

Yeh Underarms Whitening Pack jo main bana rahi hoon, iss mein sirf ek cheez ka dhyaan rakhna hai ki agar chote bacchoon ko laga rahe hain, jo 10 saal se neeche hain toh uss mein jo Essential Oil iss mein add karoongi, woh aap add nahi karenge, baaki har umar ke bacchoon ko lag sakta hai. Infact jo 6 mahine ke hain unn per bhi yeh Pack use kiya jaa sakta hai. Jo chote bacche hotey hain unnhe patches aa jaate hain, kai log kehtey hain Itching ho rahi hai body mein bacchoon ko ya Eczema type ka kuch ho gaya chote bacchoon mein toh unnko bhi lagaya jaa sakta hai bahut easily.

 

Shuru karein apne pehle ingredient se:

 

INGREDIENTS & PROCEDURE OF PREPARING THE PACK:

 

Pehla ingredient iss Underarms Whitening pack ka hai DHANIA KI PATTI, DANDI SAHIT. Jitni green hogi utni barhiya hai. Wash kar lijiye aur ussko chop kar lijiye. Dhania ki patti mein sabse baari baat yeh hoti hai ki woh kissi bhi tarah ke blackness ko hata deta hai. Agar sirf Patti use kartey hain toh kai baar woh Til /Mole ko bhi light kar deta hai. Toh regular application of Coriander Leaves hamesha best hota hai because iss mein bahut jyaada natural Vitamin E aur C paaya jaata hai joki skin ko improve karta hai. Jab aap khaatey bhi hain Dhainia paata, jaissa main apne diet mein batati hoon raat mein khaane ke liye kyunki iss ke ander Repairing System bahut high hai.

 

Next iss Underarms Whitening Pack mein main use kar rahi hoon jo woh high in Astringent hota hai, open pore ko band karne ke liye bahut acchi cheez hai, CUCUMBER. Kheera hai yeh, mere pass green hai, aapke pass normal white wala ya jo desi Kheera aata hai green white ki dhaari hoti hai, sab chalega. Koi bhi chal sakta hai, mere pass yeh tha iss liye main yeh English Kheera use kar rahi hoon.

 

Lekin yeh cheez sab mein dhyaan rakhiyega ki Skin remove mat kijiyega aur na hi teeta hatayenge Kheera ka, jo karwapan hota hai.

 

Agla ingredient iss Underarms Whitening Pack ka hai NIMBU. Bahut important hai. Agar blackness hatani hai toh Lemon bilkul use kijiye aur Zest ke saath use kijiye. Ussko bilkul chilka fenkna nahi hai kyunki Nimbu ke rus mein kissi bhi cheez ko kaatne ki agar taakat hoti hai toh Nimbu ke chilke mein repairing system bahut high hoti hai. Iss liye Nimbu ke chilke ko value dijiye, agar Nimbu nichoor ke rakhtey bhi hain toh usska chilka sookhaya kijiye.

 

Next ingredient Underarms Whitening Pack ka hai ORANGE. Orange bhi bahut important hai. Aur yeh mere pass Nagpur Orange hai lekin aapke pass kissi bhi tarah ka orange hoga, sab chalega. Yeh main specially iss liye leti hoon kyunki skin isski orange hoti hai jisski khushboo bahut tez hoti hai, issi liye main leti hoon, accha lagta hai mujhe.

 

Issko bhi skin sahit kaatna hai. Juice bhi lena hai hamein. Isska juice bhi bahut important hai, isske ander bhi Vitamin C aur A paayi jaati hai, plus, Zinc paaya jaata hai. Zinc jiss bhi cheez mein hoga ya Potassium aur Phosphorus jiss bhi cheez mein hoga woh aapke skin ko improve bahut karegi. Agar intake bhi karte hain toh haddiyaan bahut mazboot hoti hai aur body ki swelling jaati hai. But yahan application mein Zinc bahut important hai.

 

Agla ingredient iss Underarms Whitening Pack ka AALOO hai. Aaloo ka starch bahut important hota hai. Toh Aaloo liya hai yahan per.

 

Next iss Underarms Whitening Pack mein use karenge APPLE. Main yahan pe Green Apple le rahi hoon lekin aapke paas Desi Red Apple ya kissi bhi tarah ka Apple hoga woh bhi chalega. Uss mein Vitamin A bahut hota hai jo skin ko bahut accha kar deta hai.

 

Phir main iss Underarms Whitening Pack mein add karoongi PUMPKIN. Jo mana hi jaata hai ki Beauty ke field mein Pumpkin ek chamatkari cheez hai. Toh Pumpkin ko use karne se kissi bhi tarah ke dark patches hotey hain woh hatt jaatey hain. Yeh infections hatata hai, iss liye bahut important hai.

 

 Iss Underarms Whitening Pack ke saare ingredients ko Cut kar lenge. Yeh cut karke rakhna zaroori hai. Video maine hata diya kyunki video bahut lambi ho rahi thi. Toh iss ko in short mein bata diya hai ki kaat kar issko rakhna hai then issko mixy mein BLEND karna hai.

 

Toh inn sab ko mixy mein ikkathe daalenge. Yeh maine ek batch dikhaya hai lekin itna mat karna kyunki mujhe 2 batch finally karna hi para tha. Bilkul bareek honi chahiye yeh cheez. Aur iss ko WATER ka support zaroor dijiyega. Toh iss mein kareeban mere 150ml Paani lag gaya tha.

 

Ab aagey ka process yeh hai ki ek Catora lijiye, uss ke uper Channi rakhiye, usske uper ek kapra rakhiye, mulmul ka aur usske uper yeh Blend kiya hua jo Chutney hai ussko daal denge. Yeh Strain iss liye kar rahi hoon main ki yeh kyunki agar yeh juice agar bahut din tak rakhna hai toh agar pulp ke saath rakhenge toh yeh sarr jayega. Iss cheez ka dhyaan rakhiyega. Freezer mein yeh 6 mahine rahega, burf agar jama dete hain toh. Naya fridge mein 1 ½ mahine rahega aur jinnka bahut purana fridge hai unnka 1 week rahega. Toh sab ke fridge mein alag alag thandak hoti hai toh uss hisaab se main bata rahi hoon. Toh karna yeh ki thori si bottle mein bahar rakhna baaki 1 liter tak banana. Yeh meri approx. 400ml tak bann kar tyaar hui thi.

 

Ab jo yeh Dry Pulp hai, issko aap sukha lo aur issko kissi bhi Scrub mein use kar saktey hain, fenkna mat bahut accha Exfoliate hota hai, agar Cleansing Milk mein mila karke aap usse scrubbing karein aur natural cheez hai toh rashes nahi aati hai.

 

Yeh mera 400ml ke kareeb ready hua tha jissko main soda bottle mein bhar le rahi hoon, jo maine banayi thi Soda Orange Drink, agar aapne nahi dekhi ho toh woh Slimming wali, bilkul market ke soft drink ki tarah thi jiss se bilkul acche se stone jaati hai aur bahut saari bimariyaan. Toh link description box aur pin post mein hai, agar aap dekhna chahein toh bilkul dekhiyega.

 

Yeh Bottle mein maine bhar liya hai. Yeh jo quantity maine batayi hai, yeh kareeban 400 banni, aap jyaada rakho.

 

Ab next hai main iss Underarms Whitening Pack ka BASE POWDER bata rahi hoon.

 

Toh yahan KAOLIN CLAY use kar rahi hoon. Bahut accha hota hai Kaolin Clay, spread honey ke liye face per. Oil balance bhi karta hai.

 

Plus, MULETHI hai, joki har tarah ke infections ko hatata hai. Mulethi daalna iss liye important hai yahan per kyunki Underarm mein bahut saare infections ho jaatey hain. Aur infection bahut jyaada barhta hai toh blackness bhi aati hai, rashes aatey hain, cut lag jaatey hain, jalan hoti hai ya phir bahut jyaada waxing karane ki wajah se bhi infections barhtey hain, blackness aati hai, wahan ki skin dead ho jaati hai.

 

Next ingredient hai CHANDAN POWDER. Yeh Chandan powder jo hai yeh bahut accha powder hai. Maine pehle bhi isske baarey mein baat ki thi. Market mein bahut tarah ki Chandan Powder aati hai lekin jo sasti wali hoti hai woh kissi layak nahi hoti hai. Chandan bahut mehengi cheez hai. Agar aapko mil rahi hai sasti mein toh usska koi result nahi hai, woh apne satisfaction ke liye khareedenge. Main aapko description box aur pin post mein link de doongi Chandan powder ka, kyunki yeh mera bahut mehenga Chandan powder tha, issko aap kha bhi saktey hain.

 

Jo main aapko link doongi woh application wala hoga kyunki maine directly jaari booti ke dukaan se khareeda tha aur isska result bahut accha hai. Aur woh Chandan powder ka bhi result bahut accha hai, who maine kaafi saarey patients ko recommend kiya tha. Chandan Powder hamesha fresh aur barhiya quality ka lagana chahiye kyunki aapko agar result chahiye toh woh bilkul paisa barbaad hai aur yeh kareeban mere khayaal se 25gms, 450-545 rupay ka hai, lekin bahut acchi quality hai. Toh yeh bilkul lijiye agar aapko chahiye ho toh.

 

Yeh teen ingredients hain aur kaafi din chalega yeh, banaya hai ikaathe. Measurements aapko mere Website pe milegi, link description box aur pin post mein milega. Toh issko mila denge. Main aksar video mein yeh batai hoon ki Measurements, Do’s & Don’ts, har cheez aapko Website pe milegi toh aapko bilkul jaa kar dekhna chahiye. Aap bahut confuse ho jaatey hain. Link aapko description box aur jo meri pehli comment hoti hai usske ander di rehti hai.

 

Toh inn sab ko mix karenge aur phir ek tight jar mein bhar ke rakh lenge. Quantity maine thori banayi hai, aapko jyaada bana kar rakhni ho toh aap ussi hisaab se multiply kar lena. Jar hamesha dark color ka hona chahiye. Local dekho agar crockery store mein mil jaata hai toh theek hai warna yeh jar ki link main aapo de doongi, agar aapko lena hoga toh. Plastic ka hoga dark jar tab bhi chalega. Yeh glass ka hai. Color brown ya Blue ho toh better hota hai. Yeh jyaada din tak tikti hai with result.

 

Ab main aapko Underarms Whitening Pack ka paste banana bata de rahi hoon. Thora sa yeh Pack lenge aur isske uper woh Juice jo banaya hai woh daalenge. Yeh Juice multipurpose hai. Jaisse yahan per Pack banana ke liye lagayi jaa rahi hai, lekin maan lijiye aap kahin bahar se aatey hain aur mann nahi kar raha hai Pack aaply karne ka toh simply aap Cotton mein lekarke Rub kar saktey hain Underarm pe ya phir Thigh ke neeche jo black ho jaati hai. Tab bhi usska result hoga, 5 minute chorna aur usske baad wash kar lena.

 

Ab iss Underarms Whitening Pack ki quality ko barhane ke liye yahan per main add karoongi ESSENTIAL OIL. Main nahi daal rahi hoon, lekin aap daal saktey hain Essential Oil 2-3 tarah ka. Sab ka naam main mention kar doongi Website pe.

 

Yahan per main daal rahi hoon ORANGE EXTRACT, jo banaya tha, Infused Orange. Jo daal saktey hain woh daaliye. Improve ho jaati hain cheezein aur baaki Non- Alcoholic bataoongi. But usska result thora kum hota hai jo non-alcoholic hoti hai. Jo Alcohol wala hota hai usska result bahut accha hota hai.

 

Ab inn sab ko MIX karna hai aur uss ke baad ussko APPLY karna hai. Thaande kapre se poch liiye Underarm ya Under Thighs aur phir iss Underarms Whitening Pack ko apply kijiye. 10 minutes tak rakhna hai. Yeh ghol ki consistency aissi hi honi chahiye, bahut garha nahi hona chahiye. Apply kijiye aur jab woh 2-3 minute mein sookhta hai toh ek baar brush aur chalayiye. 2-3 baar apply kijiye aur jab woh bilkul sookh jaaye toh 10 minutes mein WASH kar dijiye. Aur aapko ussi samay ek bahut accha result dikhayi dega.

 

Aur issko jyaada ghol kar bottle mein rakhiye aur fridge mein rakh dijiye taaki aap iss Whitening Pack ko baad mein bhi laga sakein. 2-3 din ka agar ikaathe bana lenge toh bhi chal jaata hai, fridge ke ander sarta nahi hai, lekin uss se jyaada mein ferment ho jaayega yeh.

 

Aur isska jo bacha hua Waste Product rakha tha, ussko aap Dry karenge ya aur bhi Pack ka jo main batati hoon, ussko aap dry kartey hain, face wala jo sabzi pees ke banta hai, usske liye Cleansing Milk bahut accha hota hai. Lekin abhi tak mujhe se koi Cleansing Milk ki demand kar nahi raha hai. Agar aapko Cleansing Milk ki recipe chahiye hogi kyunki garmi bahut hai, skin mein pasina aa raha hota hai, skin mein bahut saari cheezein ho rahi hoti hain, toh woh chahiye toh zaroor aap mujhe comment box mein likhiye. Aur comments agar bahut acche matra mein aayenge, 200 se uper aayenge, main chahti hoonki 500 se uper aaye kyunki 200 mujhe samajh mein nahi aati baat. Toh agar acche comments aayenge toh main bilkul Cleansing Milk ka video bana doongi taaki aapko uss roughage ke saath ek support bhi mil jaaye aur aap Exfoliate apne body ko nahane se pehle kar sakein. Aur bahut sasti banti hai.

 

Bilkul iss Underarms Whitening Pack ko use kijiye Underarm pe aur Under Thighs pe, bahut accha result milta hai. Aur meri yeh video information aapko acchi lagi ho toh mere video ko like zarror karein. Issko Thumbs up zaroor karein. Isse apne social media pe, friends & family se share karein taaki zyaada se zyaada logoon mi madad ho paaye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai toh taki future ke uploads ka updates aapko mil sakey.

 

Aur Bell button zaroor dabayiye taki notifications aapko timely jaa paaye. Aur jitney bhi details iss video mein nahi mil rahi hai usski jaankari paane ke liye aapko mere Website pe jaana parega, www.drshalini.com, jisska link aapko description box mein milega. Jo bhi product aapko yahan per nahi dikh rahe hain usska link aapko description box aur mere first comment pin comment mein milega toh bilkul wahan per jaa kar click kijiye. Toh phir milti hoon main apne next video pe kissi recipe, information, skin care ya hair ke saath. Tab tak ke liye BYE

 

Home-made Most Effective UNDER-ARM PACK to remove BLACKNESS of Under-Arms

 

2 SOLUTIONS & its INGREDIENTS:

 

DRY INGREDIENTS:

 

Kaolin Clay : 2tbsp or 25 gm

Mulethi / Liquorice :  1.5tbsp or 20 gm

Chandal / Sandalwood : 1tsp or 5gm

 

WET INGREDIENTS (TONIC):

 

Potatoes : 1 medium or 75 gm

Pumpkin : 100gm

Lemon (with skin) : 10gm

Orange (with skin) : 100gm

Cucumber (with skin) : 100gm

Apple (Red/Green) : 75gm

Coriander Stem + Leaves : 75 gm

Water : 150 ml

 

ESSENTIAL OILS:

 

Lavender Oil : 2 drops

 OR Rosemary Oil

OR TeaTree Oil

Note: 2 drops any of them

Orange Infuse Serum: 5 drops (optional)

 

You can also go to my YouTube Channel Recipe with Dr Shalini and watch other Healthcare, Skin and Hair related Videos

2 Comments

  1. Shweta June 13, 2017
  2. Shweta June 13, 2017

Add a Comment