URIC ACID: 90% ठीक करें सिर्फ 45 दिन में – हिंदी में

Click here to read this article in ENGLISH | URIC ACID: CURE 90% JUST IN 45 DAYS

CURE URIC ACID FAST 

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main lekar ke aayi hoon most painful disease, bahut hi jyaada dard hota hai iss mein, URIC ACID. Jinko bhi Uric acid ho jaata hai woh aisse situation pe hote hain jahan per nahi woh kissi bheer mein, parties mein, logon ki beech mein haans sakte hain aur na hi roo sakte hain. Subah ho ya sham yeh takleef bahut hi jyaada painful hoti hai. Jahan yeh shareer ke ander dikhayi deti hai aur feel hota hai logon ko, barh jaane ke baad yeh sharer ke bahar taka aa jaati hai aur boil ka, ek jakam ka roop le leti hai.

 

Toh Uric acid ko pehchaane kaise?  Yeh main pehle bataungi aur Uric Acid hota kaise hai yeh bhi aapka jaana bahut jaroori hai. Toh pehle main bata rahi hoon ki Uric acid hota kaise hai?

 

CAUSES OF URIC ACID:

Aapko yeh pata hoga ki jab bhi hum khana khaate hain, hamare body mein jaata hai, ussko digest karne ke liye ya body ko absorb karne ke liye aapka ek accha metabolic rate hona chahiye. Metabolism jo hoti hai woh kai prakar ki hoti hai, Carb ki, Sugar ki, Starch ki. Aur Carb aur Sugar ek hi hota hai, Protein ki. Aisse situation mein jinko bhi Uric Acid hona hota hai ya ho jaata hai unnki Sugar metabolism aur Protein metabolism dono hi bahut kum ho jaati hai. Yeh depend karta hai ki kitni kum hai ussi hisaab se percentage Uric Acid barhti hai.

 

Toh agar Uric Acid Barh rahi hai, it means aapke Blood mein heat bahut hai, Toxins bahut hai, Acid bahut hai. Crystal ka roop le leti hai agar aap ussko dekhenge toh woh crystal numa hoga, lambi lambi seekein jaissi hoti hain, transparent jo haddiyoon ke beech mein jum jaati hai. Aur agar woh barhti jaaye toh haddiyaan terhi bhi ho jaati hai aur sometime Gout ho jaata hai. Logon ka yeh kehna hai ki Uric Acid hi Gout hai lekin woh Gout nahi hai.

 

Jab Uric Acid bahut barh jaayega aur haddiyaan terhi hone lag jaayegi tab woh Gout kehlata hai, lekin agar Gout ho gaya hai toh yeh bhi maan ke chaliye ki aane wale waqt mein yeh acid barhate barhate skin ki upari layer pe jakm karega jissko boil bolte hain aur woh sarne lagti hai skin. Aur bahut painful hota hai aur yeh pair (legs) ya haath mein hi hoga koi aur jagah mein hone ki sambhavna bahut kum hoti hai.

 

SYMPTOMS OF URIC ACID:

Next hai Uric Acid ko pehcnaane kaisse? Jinn hone blood test nahi bhi karaya hai agar aapke kandhe mein bahut jyaada dard hota hai, right side ke kandhe mein, jaisse cramp aa gayi, subah uthe aur ek pull ho gaya hai, aissa dard hota ho. Agar aapke pair( leg) ke neeche aissa feel hota ho ki talwe mein ki gitti chubh rahi hai, koi kankar ya pathar chubh raha ho chalte samay, ankle zameen pe rakh na payein ya haatheli mein aissa feel ho ki kissi ne keel mar di hai, beech ke centre point mein, aisse situation mein aap thora sa satark ho jaayiye ki aapko Uric Acid hai.

 

Uric Acid hone se jo sabse khatarnaak baat hoti hai, logon ko maloom nahi sometime woh shanti se baithte hain. Diabetes toh hota hi hai lekin iss mein Stroke ka khatra bahut jyaada hai. Aapko Cholesterol nahi hoga phir bhi Heart Attack aa jayegi. Sunna hoga kai baar ki Cholesterol ki problem nahi thi achaanak se uneasy feel kiya aur Heart attack aa gaya. Aur uss mein sambhalna bahut mushkil ho jaati hai. Kyunki B.P high ho jaati hai, Uric Acid mein B.P ko control nahi kar sakte. B.P high ho jaati hai aur Heart stroke aata hai aur uss mein bahut chances hote hain death ke.

 

Diabetes aisse hoti hai, insulin resistant, wahi jo maine bataya. Sugar metabolism bahut low ho jaati hai Uric Acid mein. Saath mein Protein metabolic rate bhi bahut kum jaata hai. Toh aayiye ab Uric Acid ke cure pe chalte hain. Aapko pehchanne ka tareeka bata diya hai ab Uric Acid ko theek kaisse karein uss pe chalte hain aur ussko dhyaan se suniyega aap.

 

CURE OF URIC ACID:

Yahan per main sabse pehle Protein metabolic rate ko high karne ki baat karungi ki hum digest kaisse karein Protein ko kyunki aap agar apne life se sugar aur protein hata denge toh aap jee nahi sakte hain, yeh ek basic cheez hai. Protein mein chahe aap vegetarian ho ya non-vegetarian ho, jo seeds hoti hai Rajma, beans saari kuch protein hoti hai. Aap jo daal khaate hain, daal diet batati hoon main, woh bhi protein hi hai. Lekin Uric Acid jab hota hai tab woh cheez strictly maana ho jaati hai. Kyunki  uss se sirf  body pain nahi barhega agar aap uss ko lete hain toh Heart stroke ka bhi khatra rehta hai.

 

Aisse situation mein humein woh cheez chunni hai jo ussko barhaye kyunki ek tareeka hota hai exercise lekin females jo over weight hain woh exercise nahi kar sakti. Toh pehla ingredient jo main baar baar kehti hoon chunne ke liye, BLACK KISHMISH, SULTANA bhi kehte hai kai jagah issko. Aur yeh jaroor dhyaan rakhiyega ki isske ander seed jaroor ho. Yeh khol ke dikhaya hua hai, yeh dekhiye iss ke ander kitni baari baari seed hoti hai. Yeh seed hi aapke life mein, Uric Acid mein miracle karti hai. Aur yehi aapke zindagi ko badal sakti hai aur yehi Protein metabolic rate ko high karti hai aur Sugar metabolic aur Carb metabolic, teeno pe kaam karti hai. Toh yeh aapke liye bahut important hai ki aap black wali kishmish, kahin se bhi dhoondhein, aap description box mein likhte hai, mujhe seed wali nahi mil rahi hai, main kya karoon. Yeh meri problem nahi hai, agar aapko apni problem theek karni hai toh aap world ke kissi bhi kone mein dhoodhyiye jiss mein seed ho.

 

 Kai baar log seedless sale kar rahe hote hain lekin jinnko Uric acid hai unn ke liye yeh black kishmish ka beej, jinnko Grape seed kehte hain, Grape seed extract bhi milta hai. Agar aapko  yeh nahi mil raha ho toh aap khayiye grape extract ka capsules aate hain. Lekin woh bahut mahange hote hain. Agar yeh 80 rupay ka 200gm mil raha hai black kishmisk toh woh 2500 ka ek bottle hota hai. Toh woh bahut costly affair hai iss liye main nahi batati hoon. Jab easily agar aapko available ho toh bilkul aap yeh lijiye taki aapka dono metabolic rate high rahe, Sugar bhi aur Protein bhi. Toh jo aap intake karte hain, jiss mein bhi protein hota hai chahe woh green protein ho ya phir seed (plant protein mein doo aate hain ek seed hota hai aur doosra green protein hota hai). Yeh dono hi digest kar paao aur agar non-vegetarian ho toh bhi aapko woh digest ho sakey.

 

Isske baad jo next hai woh bhi aapka protein metabolic rate ko barahane mein bahut madad karta hai woh hai PINEAPPLE SHAKE, iss mein CHIA SEEDS bhi hai. Toh aap yeh dekhyiye ki yeh jo protein shake banaya tha iss mein chia seeds bhi daala hua tha. Chia seed ki baat kar rahi hoon yahan per main Sabja ya Basil seeds ki baat nahi kar rahi hoon. Toh Chia Seeds bahut important hai ki aap lein.

 

Sabse behtar tareeka yeh shake hi hota hai, isski recipe ka link description box mein milega. Bilkul jaa ke dekhiye, ussko ghar mein banayiye aur daily morning jaisse iss mein bataya hua hai waisse lijiye. Aur bahut fark parega. Yeh jo kuch bhi main bata rahi hoon, main dawa aapko jitna bhi kar rahi hoon yahan per, main 100%, jaisse main Asthma ka kehti hoon poora theek nahi hota lekin Uric Acid poora theek hota hai aur mere pass 50 se uper patient aaye hain jinka maine bilkul theek kar diya hai. Toh iss liye main bol rahi hoon jo main bata rahi hoon ussko agar aap follow karenge toh aapko result khud milega aur bahut lamba samay nahi leta hai 1 se 1-1/2 mahina ya doo mahina aapko bilkul theek hone mein.

 

Next ingredient hai METHI, aapka FENUGREEK SEED.  Bahut important hai aapke life mein, aisse paani mein bhigo kar raat bhar, kaho, sprout karke khao, salad mein khao, jaisse bhi khao, aap issko daily ka rakho. Kaisse detail mein khaana hai usska video hai, toh usska link description box mein milega, bilkul jaa ke dekhiye. Aapke pass agar season hai toh Green methi khayiye nahi milta hai toh Kasuri methi lekin jinko Acidity hai woh Kasuri methi thora sa avoid kijiyega. Agar ussko khaane mein bhi daalenge toh acid ho jaayega kyunki yeh bahut garam hota hai. Toh aisse mein Green methi leaf bhi aap le sakte hain, aaloo ke saath ya parathe bana lo usske saath. Lekin agar aap seed lete hain toh woh sabse accha hota hai because woh bheega hota hai paani mein toh usska garam taseer khatam ho chuki hoti hai. Aur aapke life ko aapke pain ko bilkul change karega yeh. Toh try jaroor kijiye.

 

Next ingredient hai ILAICHI, GREEN CARDAMOM. Agar aapko chai peene ki aadat hai toh bilkul aap cardamom daalke peejiye chai. Adrak ki jagah agar Green cardamom daalte hain, choti wali ilaichi jo hain, usske daane pe gaur kijiyega, agar woh sookha hua brown color ka hai toh woh result nahi dega. Bahut healthy seeds hone chahiye  aur stichy seeds hone chahiye. Toh woh aap jaroor dekhiyega aur woh aapko bahut fark parega aapke Uric Acid mein. Yeh Sugar aur Protein dono metabolic rate ko high karta hai.

 

Isske baad hai next ingredient SUPARI. Jo paan mein log khaate hain ya gutka mein para hota hai. Yeh aapko puja ki dukaan mein mil jayega ya paan ki dukaan pe mil jaayega, kaata hua. Toh woh aap apne life mein add kijiye jo bhi khaana banate hain uss mein ek doo tukra jaroor daal dijiye. Jiss se ki uss khaane ke protein pehle se hi bond tuti rahe aapko usska fayeda toh miley, usska extract toh aapke pait mein jaaye but woh aapko store na ho, acid ke roop mein aapke bones mein ya aapke joints mein store na ho. Aapke khoon ko garam, utna jyaada acidic na banaye aur detoxification hoti rahe.

 

Next ingredient hai PAAN KA PATTA. Paan ki dukaan mein jaayiye bahut easily mil jaata hai. Usska patta layiye, jo bhi salad khaate hain uss mein kaat ke daalo aur ussko khao. Bahut important hai aapke life ke liye Paan ka patta. Jinko stone hai, Uric Acid ki wajah se stone bhi hota hai main batana bhool gayi. Jinko stone hai Kidney stone hai, kidney fail bhi ho jaati hai. Creatinine barh jaata hai yeh dhyaan rakhiyega. Aisse situation mein bhi aapko Supari aur Ilaichi aur Paan ka patta bahut important hai.

 

Uss ke baad ka ingredient hia LAHSUN, desi wala lahsun chahiye. Main baar baar bolti hoon Garlic woh wali chahiye jo sarak ke kinare koi pooch nahi raha hota hai. Aur woh capsules jitni baari hoti hai, choti hoti hai. Woh dhoondho kahin se bhi kyunki aaj ka riwaaj aissa ho gaya hai ki logon ko easy chahiye hota hai baara baara lahsun lete hain. Woh Lahsun 2-3 subah subah paani ke saath lo taki aapka Blood pressure bhi control mein rahe aur jo acid bann rahi hai woh detox ho paye. Lahsun ko kaat karke mat khaana woh acid ko barahyegi main form bhi bata de rahi hoon. Agar woh aap chutney mein lete hain ya kissi cheez mein lete hain toh woh mat kijiye agar Uric acid hai. Toh specially ussko theek karne ke liye ya B.P ko theek karne ke liye lahsun hamesha capsule form mein khaya jaata hai. It means muh mein daaliye aur paani pee lijiye, ander jaa ke dissolve hoga woh aur woh apna kaam easily kar paayega.

 

Isske baad hota hai GREEN ONION. Green Onion protein bhi hai but metabolic rate ko bhi high karta hai. Aapne dekha hoga Thai’s, Vietnamese, Chinese, Korean, yeh saare log bahut jyaada protein based food khaate hain. Sea food bahut hota hai ya protein jyaada hoti hai. Aisse mein innke plate mein aap Green onion jaroor dekhenge,  jaroor daalte hain. Green onion protein digestion ko bahut high kar deti hai. Toh aap bhi Green Onion ko pakka ke nahi jo bhi salad lete hain ya aisse bhi khaana khaate ho toh uss mein issko ek hissa banao.

 

Next hai aapka PALAK. Palak, Uric Acid mein extremely mana hota hai ki nahi khaana hai. But season hai, log khana chahte hain toh main sirf formula bata de rahi hoon. Palak maine yahan pe dikhaya hai. Lekin yeh unn ke liye bhi hai jinko Thyroid hai, jo log bhi jinn ko bhi mana hoti hai, aissi cheezein unn ke liye yeh hai ki aap garam paani kijiye, bilkul boil kijiye, uss mein palak daaliye, palak daalne ke baad gas band kar dena hai, dhak ke 5 minute rakhiye, usske baad ussko nikaaliye, wash kijiye and then ussko use kijiye. Jiss mein bhi aapko use karna hai jo bhi dish mein use karna hai. Direct palak use karne se Uric Acid nahi hoti hai jinko unnko bhi ho jaata hai. Plus jinko Thyroid nahi hai unnko bhi ho jaata hai. Agar aap iss tarah se khayenge, khaane ka formula palak ka yehi hai. Usske uper ki acid hamesha kai acid ko janam deti hai, Acidity bhi ho jaati hai logon ko.

 

Toh yeh dhyaan rakhiye ki issko khaana kaisse hai. Direct aap nahi lenge. Lekin main yeh bhi batana chahungi ki Uric acid jissko 7 se uper hota hai, 7 se up ho woh Palak na khayein, Tamater na khayein, Arhar dal na khayein, Protein ki koi cheez na khayein infact Chicken se bhi dur rahe thora. Jyaada din nahi 10-15 din, yeh saari cheezoon ko follow karne ke baad aap le sakte ho aur aapko apne pain mein khud anter nazar aayega. Kyunki jaaise hi crystal dissolve honi shuru hogi inn sab cheezoon ke intake ke baad aap free ho jaate hain cheezoon ko khaane ke liye. Lekin jab tak crystal hai aur yeh saari cheezein lenge toh woh provoke kar dega uss bimaari ko toh fir aapka uthna-baithna bhi mushkil ho jaayega aur aap toilet mein baithne layak bhi nahi hote, ghutna bhi nahi mor sakte.

 

Yeh meri plate hai, mujhe ek time per Uric Acid tha aur 6 se uper tha. But woh theek ho chukka, usske baad mere iss plate mein aap dekhiye, Dill hai, Soya patti hai, Iss mein hai Dhaniya patti, iss mein hai Pine apple. Jab ki main protein based khaana kha rahi hoon. Yeh Tofu hai uper seka hua jo hai, tawa pe seka hua Tofu hai, Tamater hai, Gajar, gajar bahut accha hota hai protein metabolic rate ko barahne ke liye, Green chilly hai. Toh yeh saari cheezein maine add ki hai jab mera Uric acid jaa chukka hai tab bhi. Kyunki protein kabhi bhi store ho sakta hai, jinnko nahi bhi hai, halka body pain bhi hai. Aap protein ko avoid nahi kar sakte. Lekin aap kuch cheezoon ka aissa jor sakte hainjiss se bahut easily aapka protein digest ho jaye aur aapke pait mein na para ho kyunki Protein digest karna, Carb digest karne se bhi jyaada tough kaam hota hai. Toh aap apne intestine ko itna supportive rakhiye taki protein digest ho aur usska benefit aapko mil sakey.

 

 Yeh main unn logon ko bhi bata rahi hoon jo Gym jaate hain, male ya female aur regular basis per aap protein shake le rahe hain. Aap yeh dhyaan rakhiyega ki aap agar gym nahi jaa rahe hain aur protein shake le rahe hain ya gym mein utni exercise nahi kar rahe jitna protein shake le rahe hain, aapka intake 30 gms ya 45 gms se uper hai aur aisse situation mein agar daily 2-3 hours ka workout nahi hai toh Uric Acid ka khatra hamesha aapke sir per mandrayega aur yeh bahut tough hota hai. Aisse hi log kehte hain ki mujhe gym karke ghutno mein dard ho gaya, mujhe gym karke kandhe mein dard ho gaya, nahi woh gym se nahi hota, aapki Uric Acid barhni shuru ho jaati hai. Aisse situation mein bilkul jaroori hai, bahut important hai ki aap protein metabolic rate ko up kijiye. Protein shake le toh rahe hain usske saath hi usske digestion ka bhi formula maloom hona chahiye.

 

Ab aate hai Sugar metabolic rate ko barahne ka tareeka lekar ke. Yeh dekhiye yeh BEET ROOT hai. Vegetable mein ek aissa sabzi jismein chinni, sugar ki matra bahut high hoti hai even yeh logon ko slim kar deta hai, healthy kar deta hai aur bahut swasth banata hai aur Uric Acid se fight karne ki isske ander shakti hoti hai. Bahut highly power hota hai isske ander. Jabki iss ke ander chinni bahut hai. Lekin khaane ka tareeka, jinko bhi Uric Acid hai unnko yeh subah subah khaana parega. Subah subah kaat ke doo tukra, it means kareeban 50 gms ka ek tukra subah early morning jab jaagte hain, methi lete hain, methi ke baad aap issko jaroor lijiye. Aur yeh aapke Uric Acid mein sugar metabolic rate ko barahane mein bahut jyaada help karne wala hai.

 

Next ek plate dikha rahi hoon main aapko, yeh mera plate hai. Iss plate mein dekhiye Carb use hua hai, gehoon ka atta hai jiss mein chinni bahut hoti hai, aisse situation mein issmein Garlic hai, iss mein Onion hai, joki sugar metabolic rate ko high karti hai. Saath mein hai Tamater, Dhaniya patta, Dill, Green chilly ka salad type ka hai. Iss mein Tamater jo hai uss mein skin nahi hai aur seed bhi nahi hai. Toh yeh hamesha dhyaan rakhiye ki agar Sugar metabolic rate ko high karna hai aur kuch aissa khaana hai toh usska situation aissa hona chahiye.

 

Sugar metabolic rate ko high karne ke liye aur Protein metabolic rate ko high karne ke liye ek cheez bahut important hai woh hai LEMON, lekin jinko citric allergy hai woh direct Lemon nahi kha sakte. Toh bahut important hai ki uss ka juice boiled ho, garam ho, ek ubaal aa gayi ho. Toh yeh dhyaan rakhiyega ki agar issko khaana bhi hai toh maine isska formula bataya tha. Aadha nimbu kaato, ussko gas pe paka lo uss ke baad hi khao. Lekin yeh dhyaan rakhna ki pakna utna chahiye jitna mein carbon form na ho. Chimte se pakariye, gas ke uper rakhiye, woh ubal jaaye usske baad uss mein Black salt daal ke haldi daal ke chus sahte hain. But iss ke ander Koyla matlab carbon nahi hona chahiye ki jaal gaya itna, nahi toh acidity bahut jyaada barh jaayegi. Aur koyla bhi Uric Acid ko bahut jyaada provoke karta hai. Toh iss cheez ka dhyaan jaroor rakhiye. Uss se better hai aap spoon mein nichor karke garam kar lijiye.

 

Next ingredient hai HALDI, kacchi haldi miley toh bahut acchi baat nahi milti hai toh aap HALDI POWDER, TURMERIC POWDER bhi le sakte hain. Bahut important hai, jinnko Uric Acid hai, usska Orange tea ya Yellow tea peena. Toh yeh dhyaan mein rakhiye.

 

 Doosra maine Pickle ka ek recipe bataya tha woh bhi bahut important hai. Uss mein maine yeh RED CHILLY use ki thi, jo Uric Acid waloon ke liye bahut accha hota hai. Aur iss season mein aapko mil bhi jaayega. Toh bilkul miley toh pickle recipe ka link description box mein hai, bilkul dekhiye aur uss ko follow kijiye. Aapko Uric Acid hai usske baad bhi woh pickle, usski khaatayi aapko nuksaan nahi karegi. Kyunki uss mein koi bhi tarah ka extra acid ya phir amchur ya nimbu ka ras nahi mila hua hai. Toh jinnko citric allergy hai unn ke liye bhi woh achaar hai. Jo citric allergy ko control karta hai. Toh bilkul dekhiye uss video ko aur follow kijiye.

 

Iss ke alawa jo next hai aapka who hai PUMPKIN. Pumpkin bahut important hota hai, meetha hota hai uss ke bawjood Uric Acid ko control karne ke liye. Toh bilkul lijiye. Lekin isska jo bhi recipe banayiye, main aage share karne wali hoon, kafi busy ho gayi hoon main aapne patients mein toh thora mushkil ho raha hai mujhe videos banana. But coming days mein main share karoongi isski recipe. Uss mein chinni nahi hona chahiye, chinni agar kar denge toh yehi Pumpkin aapko swelling, cough sab kuch kar dega kyunki yeh thaanda hota hai. But agar aisse khaate hain toh isska bahut jyaada health benefit hai.

 

Next ingredient hai KARELA/ BITTER GUARD. Bitter guard ke baare mein, karele ke baare mein full video hai toh usska link description box mein milega. Yahan pe main Uric Acid ki baat kar rahi hoon. Toh kissi bhi form mein bhaji ho, sabzi ho, achaar ho, juice ho, kissi bhi form mein abhi sardi ke din mein karela bahut benefit karne wala hai, thaand mein karela bahut jyaada accha result deta hai. Toh karele ka benefit jaroor dekhiye. Aur ussko follow kijiye. Green juice part1 bhi aapko abhi bahut fayeda dega. Seriously sabse jyaada result abhi hi dega toh usska bhi link aapko description box mein mil jayega. Aur jinko Uric Acid hai unn ke liye abhi yeh vardaan ke samaan hai. Toh bilkul bhaji banayiye, sabzi banayiye lekin rakhiye. Issko banake fridge mein rakh dijiye aur daily thora thora aap khaana jo khaate hain uss saath kha sakte hain.

 

Usske alawa iss poore cart ko dekhiye, iss mein jo bhi samaan hai, kaccha Kela, kissi bhi tarah ki Turai jo jo alag alag aati hain snake guard, sponge guard, yeh saare jitney bhi hain aapko fayeda karenge aur Turai jissko kehte hain, Zucchini hoti hai, Lauki hai, yeh sab saari cheezein aapko fayeda karne wali hai. Toh bilkul apne life mein add kijiye day to day. Koi punctual rule nahi hai. Lekin issko follow karna bahut important hai taki aap Uric Acid ko cure kar sakein.

 

Isske baad jo hai aapka yeh poora jo aap dekh rahe hain ek bunch, yeh maine iss liye dikhaya hai ki iss mein jo kuch bhi hai woh Potassium ko provoke karta hai. Body mein jab Potassium kum jaati hai toh toxins barhne lagta hai aur Uric Acid form hone lagti hai. Toh aisse situation mein Potassium ko bhi barahyiye. Main yeh video ko thora short kar rahi hoon kyunki already bahut lamba ho gaya hai aur agar main poora detail mein bataungi toh aapko bhi pata hai yeh 2-2 ½ ghaanta khichega. Toh yeh series hi bann sakti hai. Ikatthe main itna lamba video nahi bana sakti hoon. Lekin beshaak Kaccha Kela, pucca Kela, kissi bhi form mein Kela ya seb (apple) jaroor lijiye.

 

Tarbooz ya Water melon bhi bahut important hai  aur iss ke alawa jo bahut important hai woh hai Nariyal paani. Lekin jinko bhi Sodium high hai, swelling bahut jyaada rehti hai body mein, aur thaand hai toh Nariyal paani mat lijiyega agar dhoop nahi hai, kyunki Sodium bahut jyaada hota hai Nariyal paani mein.

 

Main kuch photographs dikha rahi hoon yeh Delhi meet n greet ki photographs hain. Main actually yeh dikha iss liye rahi hoon because main aap logon se apne liye wish chahti hoon. Main isska poora detail banaungi video meet n greet exactly kaissa hua tha. Bahut hi maaza aaya tha hamein. Lekin mera Birth day hai 27th December ko aur shayad yeh main ek din pehle daal rahi hoon 26th ko yeh video toh bilkul mujhe wish kijyega. Salman Khan ke saath main share kar rahi hoon main apna birthday. Aur bahut saare wishes chahiye mujhe 2017 ke liye ki mera saal bahut accha jaye mera baccha bhi swasth rahe aur main bhi swath rahoon. Aur yeh wish jaroor kijiyega ki main aap logon ke liye aur bhi acche topics pe video bana sakoon aur ek sabse baari cheez jo hoti hai chunauti ki mere video se aapko result mil sakey jo mera sabse baara concern hota hai ki jo main daaloon usska fayeda bhi ho woh sirf view karke khatam na ho jaye. Toh yeh wish jaroor kijiyega ki jo daaloon usska result jaroor ho.

 

Aur Uric Acid pe meri yeh video aapko acchi lagi ho toh iss video ko like jaroor karein, thumbs up karein. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

One Comment

  1. Mohit Trivedi March 4, 2017

Add a Comment