All Purpose ALOE VERA Gel Recipe for Face, Hair & Body-Hindi

Click here to read this article in ENGLISH | ‘All Purpose ALOE VERA Gel Recipe for Face, Hair & Body’  

 

Hi everyone, main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se kartey hain. Toh aaj main phir lekar aayi hoon ek natural cheez, ALL PURPOSE ALOE VERA GEL, jissko aap laga saktey hain Face pe, Hair pe, poorey Body mein, har tarah se issko use kar saktey hain. Most wanted yeh recipe hai joki kaafi dinoo se log mujhse maang rahey they. Lekin main nahi de paa rahi thi, maine aapko pehle bhi bataya ki isske ingredient available nahi they. Aur jab tak woh nahi hotey, yeh possible nahi tha ki woh bann pata. Toh mere pass pehle se tha lekin online usski listing nahi hui thi, toh ab ho gayi hai. Iss liye aaj main share kar rahi hoon.

 

Yeh Aloe Vera Gel aap har dhaang se use kar saktey hain, actually jo ingredient daali gayi hai woh food grade ki hi hoti hai, cosmetic food grade ka hota hai. Toh iss mein koi tension nahi hai aur yeh Gel Vegan hai. Matlab jab cosmetic banti hai toh mostly uss mein kuch na kuch non-veg ho jaata hai. Lekin yeh Gel vegan hai toh tension wali koi baat nahi hai, aaram se aap apne fridge mein rakh saktey hain. Bahut easily banta hai, mehnat hai lekin formula jyaada kathin nahi hai.

 

 Aur yeh Aloe Vera Gel mitayega aapke skin ke har problem ko. Aap daily use mein iss Gel ko laa saktey hain ya phir aapko Dandruff ho raha hai ya iss tarah ki koi problem hai ya waisse bhi aapko Hair Gel lagane ka mann hai, har condition mein aap iss Gel ko use kar saktey hain. Condition bhi kar dega baal ke aapke kyunki natural Aloe Vera se bana hua hai yeh Gel. Toh bilkul issko dekhiye aur issko follow kijiye ki kis tarah se maine iss Gel ko banaya hai.

 

PROCEDURE OF MAKING THE GEL:

Start karenge ALOE VERA se. Market se koi food grade ka Aloe Vera aap le lijiye jo khaane ka ho ya ghar mein agar aap already khaatey hain toh woh aap dekh lijiyega. Bahut jyaada patli jo hoti hai woh kaafi karwi hoti hai woh aap kha nahi saktey hain, ajeeb sa flavor hota hai. Toh food grade ka ho yeh aap make sure kijiyega. Agar Aloe Vera ke baarey mein jyaada detail chahiye toh aap comment box mein likhiye mujhse ki sirf Aloe Vera ke uper main video bana doon. Toh bilkul main bana doongi ki kis type ka Aloe Vera aapko lena chahiye.

Toh yeh jo maine kata tha, Aloe Vera juice mein bhi maine aapko dikhaya tha ki kis tarah se green part alag kar dete hain. Tab main bhool gayi thi batana ki fridge mein rakh kar agar aap issko katenge toh bahut easily kat ta hai aur agar fridge mein nahi rakhtey toh thora problem hota hai. Aloe Vera jaisse jaisse garam hota jaata hai, tukre mein bat ti jaati hai. Sliminess barhti jaati hai Aloe Vera ki. Toh yeh maine juice banaya tha aur uss time yeh pieces nikaaley they.

 Toh yeh piece hai joki waste pieces hai woh main Aloe Vera Gel ke Gel mein use karoongi aur baaki jo acche pieces hain usske maine juice bana liye they cubes mein kaat kar aur tab bhi maine kaha tha ki yeh jo wash kar rahe hain, isske paani ko aap cosmetic use mein laa saktey hain, hair wash kar saktey hain, fenkenge nahi. Aur baaki ka juice bann jaayega kyunki woh khaana hai, ussko peena hai, body ke ander daalna hai.

 

Toh yeh water hai, kaafi slimy hai, iss se head wash kar saktey ho aap. Lekin agar Aloe Vera Gel banana hai toh iss paani se bann sakti hai. Toh maine baaki pieces ko kaat karke acche se aur maine bataya tha ki kaisse juice banane ke liye yeh strain kar liya tha usske juice ke time. Juice ki recipe chahiye toh aapko description box mein aur comment ke Pin post mein aapko usska link milega or website link bhi milega.

 

Toh yeh juice banayi thi. Waste hai yeh paani aur usska tukra jo bacch gaya tha ussko peesa hai maine. Aur phir blend kar ke ussko chaan lenge. Paani ke ander hi chaan liya hai maine kyunki yeh ekdum extra hai aur issko apply karna hai lekin bus dhyaan rakhna hai hygiene ka. Thora sa bhi garbar honey se Aloe Vera Gel nahi bann paati hai. Yeh main aapko bata deti hoon. Toh koi bhi particles jo rahey woh uper le lijiye. Aur yeh water mein maine issko dilute kar liya hai.

 

Ab issko ek baar aur strain karenge kyunki iss mein already chunks they. Toh yeh dhyaan rakhiyega ki zara sa bhi chunks rahega toh aapka Aloe Vera Gel kharaab ho jaayega. Toh issko ek doo baar strain karna bahut important hai taki koi bhi uss mein chotey se bhi particles na hoon. Toh yeh uper chaan jaayenge. Usske baad issko boil karna hai, jaisse ki maine batay tha boil karne ke liye. Pehle slow, phir medium and then high. Aur high pe phir woh froth aaney lagta hai. Woh system ko hamesha dhyaan rakhiyega.

 

Main thora jaldi bata rahi hoon, video bahut lamba hai toh aap dhyaan se suniyega ki thora jaldi batana mere liye bahut important hai. Iss paani ko boil karenge, slow phir medium and then high. Direct high pe nahi boil karna hai. Nahi toh saare ikaathe ho jaayenge. Froth bilkul alag kar lijiye isske. Saare froth separate honey zaroori hain taki Gel aapka bilkul clear baney. Froth mein hamesha dust aa jaati hain uper, issiliye froth banti hi hai. Yeh clear ho gaya. Issko tab tak boil karna hai jab tak isski sliminess khatam na ho jaaye, woh depend karta hai 5 minutes, 7 minutes ya 10 minutes, aap apna check kar lena. Usske baad gas band kar denge. Aur iss juice ko bilkul fridge mein rakh karke thaanda karna hai, room temperature se bhi thora thaanda hona chahiye. Tab issko use karenge.

 

 Ab chaltey hain next step per. Next step hai GREEN TEA. Yeh barhiya wala Green Tea hai, yeh Darjeeling Green Tea hai. Aapke pass jo ho, aap sachet wala bhi use kar saktey hain, sachet ko kaat lijiye uss mein se jo nikalta hai. But yeh jyaada beneficial hai agar skin pe use kar rahey hain toh. Garam paani karenge aur usske baad usske ander yeh Green Tea daal denge. Yeh kholtey hue paani mein maine daala aur issko chor dena hai jitna bhi yeh infuse ho sakey. Boil nahi karenge, paani jitna jyaada strong ho jaayega, Aloe Vera Gel bond tutne ke chances bahut high ho jaatey hain. Toh issko khud infuse honey dijiye jitna yeh ho sakta hai apne aap se.

 

After 5 minutes yeh hai. Infused water nikal chuka hai. Issko strain karna hai aur uss ke baad issko bhi chill kar lena hai. Fridge ke ander rakhna hai. Garam kuch bhi use nahi karna hai. Yeh aapko bilkul dhyaan mein rakhna hoga ki iss mein se koi bhi cheez garam nahi hona chahiye. Aur koshish kijiye ki agar thaand ka din hai toh room temperature chalega kyunki thaandi hoti hai warna bilkul chilled hona chahiye tabhi Aloe Vera Gel ki clearity aati hai. Aur yehi Tea, Gel ko bahut accha banayega. Aur bahut benefit hai Green Tea ka aapko maloom hai skin aur hair pe. Toh bahut saare skin care aur hair care ki cheezein banti hain, yeh aapko basically maloom hai. Toh iss liye maine issko ek basic ingredient rakha hai. Aloe Vera aur Green Tea.

 

Yeh Aloe Vera thaandi ho chuki hai. Yeh maine kal banayi thi. Kal ka video tha jo abhi tak dekh rahey they. Ek din baad yeh poori chilled ho chuki hai. Toh usske baad main iss Gel ko bana rahi hoon. Process start kartey hain Aloe Vera Gel banana ka.

 

Toh pehle main Paani le rahi hoon aur uss mein main Aloe Vera juice mila rahi hoon. Paani jo hai yeh bhi boiled and chilled hai. Yeh dhyaan rakhiyega, kaccha paani use mat kijiyega. Ya phir Distilled Water use kar saktey hain. But mujhe exactly nahi pata aap kahan se lekar aayenge woh distilled water ya Spring water. Issiliye main Boiled water bata rahi hoon.

 

Ab hai Key Ingredient jiss se Aloe Vera Gel banna hai. Woh ingredient hai yeh, yeh hai CARBOPOL ya CARBOMER ke naam se yeh aata hai aur yeh actually Sea weed hai. Jiss tarah se Agar Agar hai ussi tarah se yeh hai. Yeh sea weed hai aur uss se yeh extract kiya jaata hai. Food grade hota hai toh iss mein koi problem nahi hai. Skin ke liye bahut bahut bahut acchi hoti hai. Aur jitney bhi duniya mein Aloe Vera Gel bante hain sab Carbopol ya Carbomer se hi bantey hain. Yeh actually edible hota hai lekin mujhe isska koi khaas detail nahi pata hai toh main mana hi karoongi ki khaana mat issko. Lekin kahin na kahin mention maine kai jagah dekha hai ki issko khaatey hain kuch bimariyoon mein. Lekin jab tak mujhe poora na pata ho main yeh advise nahi karoongi khaane ka. Agar Agar tak aap simit rahiye. Baki aaplication ke liye theek hai kyunki yeh bhi Sea weed husky hai usska.

 

Toh yeh paani mein jaayega aur mix karenge issko. Actually iss extract ka jo powder hai woh bahut halka hai. Iss wajah se issko ghulne mein bahut problem hoti hai. Issko iss liquid mein kareeban 8-10 hours ho sakey toh 12 hours bilkul aapko rakhna hai. Barah ghantey tak rakhenge toh result bahut accha aayega. Toh issko 12 ghaantey rakh dijiye aur beech beech mein ho sakey toh saaf chamach se, yeh dhyaan rakhiyega woh metal ka chamach na ho plastic ka ho, sheesha ho, lakri ho, uss se issko mix kartey rahenge beech beech mein jab bhi aapko dhyaan aata hai. Taki iss mein koi chunks, bits na baney. Aur aapka jo Aloe Vera Gel ho woh bahut clean and clear ho, final result usska bahut jyaada clear ho. Aur yeh jitney bhi cheez hain ussko beech beech mein torte rahiyega. Abhi main tor bhi doongi toh doobara yeh bann jayega. Lumps na baney iss liye beech beech mein aap issko gholtey rahna. Aur yeh husk dheere dheere paani absorb kar ke poore paani mein set ho jaayega 12 hours hotey hotey. Lookwise yeh liquid hi dikhna hai. Issi liye tension lene ki baat nahi hai.

 

Video mein jitney bhi ingredients main bata rahi hoon, sabke link aapko description box mein milenge. Aap link ko click kijiye aur direct aap amazon pe chale jayenge aur wahan per aapko mil jaayega. Yeh abhi filhaal ek vendor ke pass hai. Ho sakta hai ki video agar popular hoti hai toh aur milna shuru ho jaaye. Yeh bahut mushkil se ikaatha kiya hai toh wahan per hai. Aur jo India mein nahi hain woh koshish kariye ki bahar mil jaaye uss naam se. Agar milta ho toh bahut accha rahega aapke liye. Aur mere liye bhi bahut easy ho jaayega.

 

After 12 hours, aapko kuch aissa dikhega yeh. Yeh poora mix ho chuka hai, baar baar chalane ki wajah se. Lekin iss mein abhi particles bahut saare hain. Ab issko active karna hai aur abhi main aapko 100ml bana kar dikha rahi hoon. Maine sabko jamaya nahi aur yeh dekhiye bartan ko bilkul saaf rakhna yeh bahut jyaada dhyaan rakhna hai ki aapka jo bhi ho sheeshe ka ho metal ka na ho, plastic ho ya lakri ho.

 

 Isske baad iss mein jo activate karega, actually basic yeh hai ki jitna bhi duniya mein jo bhi liquid ho, khaane ka ho ya kahin bhi kuch bhi rakha ho, usski ph value balance karni bahut important hoti hai, agar skin accha karna ho ya pait thaanda karna ho. Khair yeh edible nahi hai toh main woh baat nahi kar rahi hoon. Yeh hai TEA- TRIETHANOLAMINE boltey hain issko. Aur yeh kissi bhi product ke ph value ko balance karta hai. Toh yeh aap jab le lenge toh main isska kaafi saara cheez bataoongi aagey main kaafi saari cosmetic aapse share karne wali hoon ki kis tarah se banta hai. Toh aapke normal har use mein aa jayega. Toh aap issko lijiye aur yeh Gel ka basic hai.

 

Abhi main add karne jaa rahi hoon iss liquid ke ander. Abhi aap dekho iss mein maine issko daala aur mix karoongi toh yeh liquid hi rahega lekin dheere dheere jaisse jaisse isska ph value balance hoga, yeh jumta jayega apne aap. Aapke aankh ke samne main iss bowl ko pakr nahi rahi kyunki main dikhana chahti hoon ki isski density kitni heavy hoti jaayegi dheere dheere. Yeh jumta jayega. Aur abhi yeh translucent hai, dudhiya color ka hai lekin jitna mix karenge yeh transparent banega. Toh yeh cheez dhyaan rakhiyega ki bahut jyaada heavy whisk nahi karna hai. Thora thora milatey jaayenge, yeh jumta jaa raha hai. Aur isska ph value balance hotey hi yeh solid form mein aana shuru ho gaya.

 

Jaissa ki aap Gel dekhtey hain market mein, yeh bilkul waissa hi bann ke tyaar honey wala hai. Toh yeh kaafi jum gaya hai aur ab issko mix karna shuru karna hai. Toh yeh jitna milatey jaayenge aap yeh solid hota jaayega. Yeh iss mein ample amount mein daal diya hai aur measurement aap website pe dekhiye, jyaada bhi nahi hona chahiye aur kum bhi nahi hona chahiye. Yeh kaafi solid ho gaya hai. Ab issko transparent karne ke liye issko liquid ki zaroorat hai. Taki iss mein add karke mix karein. Toh Green Tea jo maine fridge mein rakha hua hai woh lekarke aaoongi aur woh iss mein add karke issko mix karoongi aur yeh Aloe Vera Gel form mein jaisse jaisse liquid add hota jaayega yeh change hota jaayega, glossy hota jaayega.

 

 Toh yeh requirement ke anusaar aapko milana hai. Isska ek perfect measurement nahi hai, jitney mein yeh glossy ho jaaye utne der tak milana hai. Yeh mix karna maine start kiya hai. Ashcharya janak baat yeh hai ki yeh jo aapko dudhiya dikh raha hai, jab isska result aayega tab aapko aissa feel hoga jaisse ki aap jo market se khareedte hain wahi same cheez hai. Issko mix kartey jaayiye. Aur yeh apne aap hi translucent hota jaayega aur finally transparent ho jaayega, bilkul glossy color ka ho jaayega.

 

Aur yeh dekhiye maine market wala bowl mein rakha hai aur woh mila kar aapko dikha rahi hoon. Yeh aissa hi bann jata hai finally. Jab aap apne bowl mein yeh karna shuru karenge toh finally aapko aissa hi feel hoga ki aapne market wala rakha hai aur aap ussko mila rahe ho. Aur maine pyaali badal di hai, actually jo mera tha woh kuch aur tha aur yahan per kuch aur hai. Iss tarah se change ho jaati hain cheezein. Iss tarah se badal jaata hai yeh. Aur ab iss Gel ke ander, jab yeh Aloe Vera Gel itna glossy ho gaya hai toh iss Gel ke ander aur Green Tea mat milayiyega nahi toh phir woh watery honey lagega aur bond tutne ke bahut chances hotey hain. Toh jitney mein yeh Gel iss tarah ka dikhne lagey itna hi mila kar rakhna hai. Aur yeh cheez bilkul dhyaan rakhna hai ki agar iss Gel ko kissi bhi dust mein ya kissi bhi acidic cheez ke contact mein aap lekar ke aayenge toh yeh wapas se waissa hi ho jaayega jahan se shuru kiya ha.

 

 Woh main dikhana chahooongi ki jo market wala bann chuka hai woh wapas se waisse hi bann jayega jo mere ghar wala tha. Toh yahan per main Lemon use kar rahi hoon kyunki abhi mere pass yehi example hai ki mai dikha paaoon aapko ki wapas se yeh kaisse change ho jaayega jahan se start hui thi wahin badal jaayegi. Toh yeh dhyaan rakhna hai ki iss mein acidic cheez nahi aani chahiye. Jiss tarah se kai log shikaayat kartey hain ki Agar agar mera jum nahi raha hai. Usski karen yehi hoti hai ki ya toh cheeni mein aapke dust hota hai ya phir aapke kissi bhi cheez mein ya bartan mein kuch na kuch problem zaroor hoti hai tabhi agar agar jumta nahi hai.

 

Sea weed ke extract ki yeh problem hai ki khaatey se react karke bond tut jaayegi usski. Toh yeh dekhiye. Aur yeh same experiment aap market wale per bhi kar saktey ho. Usska bhi result yehi hoga. Woh wapas se wahi ho jaayega jo mere pyaali mein starting mein tha. Yeh granulated ho gaya hai wapas se. Yeh liquid mein mix hai toh jyaada dikh raha hai. Abhi dikhati hoon aapko, yeh dekho. Jahan se start kiya tha wahin per yeh end ho jaayega. Toh yeh aapko dhyaan rakhna hai ki cheezein bahut clear honi chahiye aur kissi bhi acidic cheez ko iss Aloe Vera Gel ke contact mein lekar nahi aana hai nahi toh react kar ke isski bond tut jaayegi aur aapka Aloe Vera Gel water ho jaayega.

 

Baki iss Aloe Vera Gel mein apne aap mein bahut saara value hai. Toh acidic cheez ko bilkul uss se dur rakhiye aur bina acidic cheez ke bhi yeh Gel apne aap mein application mein lekar aa saktey hain. Skin ke kaafi saare recipe main iss Gel ke baad aapko batane wali hoon. Toh jissko bhi iss Aloe Vera Gel ko banana hai bilkul banayiye. Aur main yeh kahoongi ki aap 100gms ke kareeb shuru mein try kijiye aur ussi ka measurement maine aapko diya hai. Toh aap jab banayenge toh aapko bahut proud feel hoga jaisse Protein Laddu mein ya aur bahut saare Teas mein hota hai ki result marvelous aata hai. Mann karta hai nikaal kar kha lein. Yeh issi tarah ka bann ke tyaar hota hai. Issko fridge mein aap rakh dijiye. Aur coming days mein main bahut saari cheezein batane wali hoon isske aagey ka. Aur jab tak isski recipe aur follow mein nahi banti, jaisse Dark Circle wagarh ka, jo maine Gel commitment kiya tha bilkul bataoongi isske saath.

 

Lekin waisse bhi yeh Aloe Vera Gel apply kar saktey hain aap jab aapka mann karey face pe, body pe, baalo pe joki maine shuru mein bhi kaha. Bus dhyaan rakhna hai, main baar baar ek hi cheez keh rahi hoon jaisse maine Rasgulla recipe mein kuch dhyaan rakhne ki baat ki thi, dust aur khaatey ke contact mein lekar iss Gel ko mat aayiyega nahi toh nahi jumega.

 

Baki bahut hi jyaada mazedaar project hai yeh. Jab aankh ke saamne yeh jaadu hota hai toh bahut maaza aata hai ki jo market mein hum lete they woh humne ghar mein bana liya. Aur pure cheezoon se bana liya aur itna khoobsoorat dikhta hai, itni acchi khushboo aati hai aur hum issko use karenge aur humein pata hai ki humein nuksaan nahi karega.

 

Toh bilkul try kijiye meri iss recipe ko aur agar meri yeh Aloe Vera Gel ki recipe aapko pasand aayi ho, isska information aapko pasand aaya ho toh mere video ko Like zaroor karein. Thumbs up karein. Mere video ko share karein apne har social media per aur apne family friends se taki doosroon ko madad mil paaye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai toh taki future ke upload ka update aapko mil sakey. Aur mere doosre channel ko bhi subscribe kijiye jiss mein deti hoon aksar apne daily updates ki aksar main kya khaati hoon, main kaisse rehti hoon. Toh bilkul jaa ke dekhiye uss channel ko aur ussko subscribe kijiye. Log on kijiye mere website pe detailed written recipe aur information ke liye taki aapke liye jyaada aaram ho. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

 

Ingredients:

  1. Water: 70 ml
  2. Aloe Vera Juice: 30 ml (For Aloe Vera Juice Recipe & Video Click Here)
  3. Carbopol: 1/2 tsp (Click here to buy)
  4. TriEthanolAmine (TEA) : 1/2 tsp

 

HOW TO USE:

You can apply on Face or Hair or Body as same as you use any GEL.

 

SHELF LIFE:

1 month in Refrigerator

 

Note: Always prepare small batch of this gel as it has no preservative (No preservative added) 

 

2 Comments

  1. Megha June 9, 2017

Add a Comment