RAPID WEIGHT LOSS WITH COCONUT

Click here to read this article in English | Rapid Weight Loss With Coconut | Dr. Shalini

 

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main jo topic lekar aayi hoon yeh kaafi high demanded topic hai. Bahut log jaanna chahte hain COCONUT kyunki jo South Indians hain unnka toh basic food hai woh lete hi hain aur Coconut ka bahut awareness hai aaj ki date mein ki Coconut se log weight loss bahut easily karte hain.

 

Aur kuch logon ki yeh question hai aur maine yeh sunna bhi ki main toh bahut easily consume karti hoon Coconut ko ya usske Oil ko lekin mera Weight loss nahi hota hai. Toh DO and DON’T’s lekar aayi hoon ki exactly issko lena kaisse hai. Kaun kaun product le sakte hain aur kitni khoobsoorati se aur kitna tasteful hone ke baad bhi aapka yeh weight loss kar sakta hai kitna benefit hai isske ander. QUICK WEIGHT LOSS WITH COCONUT AND ITS DO’s AND DON’T’s. Toh yeh dekhenge ki Coconut ko khaana kaisse hai aur kaisse nahi khaana hai, kisse problem ho jaayegi.

 

 Toh start karti hoon main Coconut ki tree se ki yeh dikhta kaisse hai. Sabko maaloon hai ki Coconut ka tree iss tarah ka hota hai. Kaafi lamba tree hota hai. Aur uss mein Nariyal ka paani sabse pehle aata hai, woh Green Coconut ka paani jo famous hai South mein bhi aur har jagah. Log pait thaanda karne ke liye peete hain. Lekin isska timing yeh hai ki yeh aap 12-1 baaje se pehle hi pee sakte hain kyunki yeh high in Sodium hota hai. Beneficial bahut hai per Sodium bahut high hota hai toh tension hoti hai Water Retention ki. But Coconut jo Brown wala Coconut hota hai, usska paani aap nahi pee sakte hain. Agar usska paani aap peeyenge toh Sodium itni jyaada high hoti hai, no doubt tasty hota hai, lekin Sodium itni high hoti hai ki aapko turant Water Retention ho jaayega.

 

Isske alawa aap normal yeh jo Green Coconut hota hai yeh Protein ko digest karne mein bahut madad karta hai kyunki main hamesha bolti hoon ki jo Tropical Fruit hotey hain jo tropical jagah pe, jaisse samudra ke kinare phalte hain, woh iss tarah se kudrat ne banaya hi hai ki jo samudra mein milne wali cheez, samudra mein jitni machli hoti hai woh high in protein hoti hai, toh uss se jab aap khaana kha lete hain toh kudrat ne aapko side mein diya hai Pineapple, Coconut, Banana, yeh sab Protein metabolic rate ko bahut high kar deta hai ki aapne samudra se nikaal ke kuch khaaya aur ussko pachaane ke liye samudra ke kinaare kinaare jo pair( tree), podhe hain wahi ussko digest karte hain aur usske metabolic rate ko bahut barha dete hain.

 

Aap bachpan se sunnte aaye honge ki Coconut ki jo malai hoti hai, Green Coconut ki jo malai hoti hai uss mein fat hota hai toh paani pee lo aur uss cover ko log fenk dete hain. Kai log malai nahi khaate ki mote ho jaayenge. Jabki ulta hai. Aap Coconut ka paani peeyenge toh Sodium high honey se ek baar ko Water retention ho jaayega aur aap mote ho jaayengebut agar sirf malai khaayenge aur uuska paani nahi peeyenge toh aapka weight loss nishchit hai ki hona hi hona hai. Jo bhi khaana khaaya hai turant digest hoga. Ek ajeeb si feeling aane lagti hai aura pit bilkul khaali ho jaata hai. Aap ek baar try karke dekhiyega ki kitni high ho jaati hai aapki metabolic rate.

 

 Issiliye Coconut khud bhi kehta hai ki mujhe bahut pyaar se apnayiye aur woh bhi aapko bahut khush dekhna chahta hai iss liye woh khush rehta hai. Agar aap Coconut ko zara sa bhi ignore kar dete hain toh woh dukhi ho jaata hai. Yeh doo photograph mujhe mili toh maine laga diya, its quite funny but haan ussko accept kijiye aur dekhiye Coconut ka feyeda aur usska fayeda. Main aapko bataoongi ki kaisse Coconut ko use karein aur aap bhi khush rahein aur Coconut bhi.

 

Jo bhi Kidney ke ya Bladder ki disease se suffer kar rahe hain unnke liye Coconut bahut acchi cheez hai, kissi bhi form mein jo bhi khayein, usska water lein jo time bataya maine uss time ya raw Coconut khaayein ya coconut ka milk consume karein kissi form mein ya Coconut ki cream consume karein, oil consume karein. Har tarah se Kidney aur Bladder jo infection hota hai ussko theek karta hai. Infact ek jagah per jaa kar agar Nariyal paani aap peete hain matlab Green wala toh woh jinko chote stone hotey hain woh bhi tutna shuru ho jaatey hain. Kuch process ke saath, akele Nariyal paani aapka stone nahi tor sakta hai. Lekin kuch process ke saath jaisse Raw Karela juice aur Nariyal paani dono 50-50 ml mila kar agar aap peeyenge toh jo 3-5 mm ke stones hotey hain woh break ho jaatey hain aur urine ke through bahar aa jaatey hain.

 

Agar koi Dialysis pe hai toh unnko bahut fayeda karta hai Coconut. Aap Coconut ka cream le sakte hain apne khaane mein jo bhi khaana khaate hain uss mein 1 tbsp Coconut ka cream lijiye.

 

 

Agar koi Gall Bladder disease hai jaisse infections lag jaati hai, kai baar aissa hota hai ki aap bathroom jaate hain, nahi hota hai, baar baar feel hota hai, nahi hota hai, aisse mein bhi Coconut milk ya phir Coconut ka pure jo aap banayenge woh tail, oil bahut fayeda karta hai.

 

Coconut milk apne aap mein bahut acchi cheez hai. Main coconut ka milk aapko banana bataoongi. Usska poora process bataoongi ki yeh kaisse banega aur saath mein cream kaisse banega woh bhi bataoongi aur coconut ka oil bhi bataoongi. Lekin yeh aaj nahi bata rahi main aapko. Aaj sirf main isska benefit bata doon kyunki agar main woh bataoongi toh video bahut lamba ho jaayega. Toh woh series mujhe continue karni hi paregi.

 

Coconut ke milk ko bahut easily consume kiya jaata hai aur bahut tasty hota hai coconut ka milk. Log mostly coconut milk mein smoothie banate hain. Jaisse maine Almond milk ka bataya tha, aap replace kar sakte hain sometime. Dono ko mila ke le sakte hain. Bahut aache salads bante hain jo Pineapple daal ke banaye jaate hain. Jiss se aapka metabolic rate high ho jaata hai. Main yeh batana chahoongi ki coconut milk kya karta hai? Aapke life ko kiss tarah se change karta hai?

 

Jo maine Citric allergy ki baat  ki thi ki citric allergy hone se Protein resistance ki problem ho jaati hai, body protein ko respond nahi karti hai aur aap protein nahi khaayenge toh weight loss ya muscles build nahi ho sakta hai aur aisse situation mein regain ki sambhavna rehti hai. Yeh males mein nahi hota hai. Bahut log mere ko comment box mein likhte hain kai female ke neeche likh dete hain, do exercise aur yeh sab faltu cheezoon se kuch nahi hota hai. Mere pass unn ke liye bhi question hai, jinn hone 2-3 delivery pass ki hui hai woh kiss tarah se exercise karenge overweight mein jinka uterus problem hai ab,hi pain hota hai woh kiss tarah se exercise karenge? Not possible. Unn ke liye yehi upay hai ki woh sahi diet per aayein, weight loss kerein aur body jab loose hoti hai toh woh last option banta hai ki unnko Gym jaana hi parega. Toh woh toh main bhi bolti hoon ki gym jaana parega. Lekin initially aap nahi kar sakte yeh cheez.

 

Aisse situation mein aapko coconut bahut bahut help karta hai. Aur jinnko bhi zara sib hi water retention ki problem hai woh Cocoa powder add kar ke coconut milk le sakte hain. Actually coconut milk bahut good source hai aapke fat ka aur good fat hai jo Triglycerides aur aapke good Cholesterol ko barhata hai aur Triglyceride se larta hai. Aur coconut ka jo cream hota hai woh toh aapke liye fiesta hai, uss se toh bahut acchi acchi ice-creams bann jaati hai. Bahut tasty tasty ice-cream banti hai jissko imagine bhi nahi karte aap. Main itne din se ice-cream ke liye ruki hui thi kyunki mujhe coconut ka video banana tha, iss liye maine ice cream video nahi daala tha. Ab main ice-cream video aapko jaroor dikhaoongi kyunki kuch ingredient ke mail se hi mujhe ice-cream aapko bana ke dikhana tha. Toh definitely woh main share karoongi kuch din mein hi.

 

Ab aate hain coconut oil pe. Basically market mein jo coconut oil milta hai ya jo organic hai jo bhi hai  aapko milta hai, agar accha milta hai toh bilkul lijiye. Coconut oil bahut accha fatty acid mana jaata hai, jo aapke body ke liye bahut accha karta hai. Kyunki woh cream se bhi jyaada pure hota hai. Jo aapke body ko bahut strong banata hai ander se aur weight loss bhi bahut accha hota hai. But market mein kaisse nikalta hai? Yeh jo aapka sookha hua coconut hota hai ussko woh mill mein chalate hain, bahut pees karke, nichorte hain aur phir oil nikalti hai ya kolhu ka bail hota hai woh kolhu ke ander nariyal ko daalte hain aur woh phir ghoomta hai bail aur tab nikalti hai uss se nariyal tail.

 

Market mein jo, I don’t know organic wali ho sakta hai acchi ho, samne nikaalte hon different dhaang se lekin mostly sookhe nariyal se nikalta hai, kaccha nariyal se bahut kum nikalta hai. Maine kuch ek doo video dekhe hain Kerela ke jinn mein woh kaccha nariyal ka use kar rahe hain oil nikaalne ke liye. Aur woh bahut healthy fat hota hai. Aur aap ghar mein nikaal sakte hain. Isska recipe main bilkul share karoongi ki ghar mein nariyal ka tail kaisse nikaalein aur seriously yeh jo hota hai, yeh real fatty acid jo aapke weight ko bahut acche se loose karta hai aur aapko bahut healthy banata hai, kyunki yeh kacche nariyal se nikala jaata hai.

 

Ab aate hain isske intake pe, 1 tsp 3 times in a day khaana chahiye. Jab aissa maine apne personal patients ko bataya jo mere patients hain toh unn mein se kuch ne mujhe bola ki haan haan hum khaate hain per mera weight loss nahi hota hai. Shyaad humein suit nahi karta hai yeh cheez iss liye humara weight loss nahi hota hai. Procedure dekhiye, unn se jab maine poocha kaisse khate ho? Toh unn hone kaha hum nariyal tail mein khana banate hain. NAHI, Yehin pe galti hai. DESI GHEE, Gai ka ghee aur Nariyal tail dono hi 70 degree se jaisse hi uper jaata hai woh FAT hai. Teesri cheese CHEESE, jo cheese aap khatey hain woh slice wala ya mozzarella, mozerella cheese agar aap kacchi kha lein toh weight loss hoga, jaisse hi ussko pizza banate hain waisse hi woh weight gain ka reason bann jaata hai. Kyunki phir woh doosra form ho jaata hai fat ka joki digest nahi hota hai, jumta hai. Iss cheez ko hamesha dhyaan rakhiye.

 

 Iss liye jab bhi aap Nariyal tail khaayein, usska niyum yeh hai ki aap jo bhi sabzi banate hain ya daal banate hain uss mein 1 tsp daal lijiye. Jab woh garam hota hai, nariyal tail kabhi dekha hoga haath pe bhi rakhoge toh haath ke temperature se woh pighalna shuru ho jaata hai. Aisse situation mein jab aap garam cheez mein, garam sabzi, parathe, kissi cheez pe daal dete hain ussko toh woh melt ho jaata hai. 70 degree se uper usski garmi jaayegi, woh fat mein badalna shuru ho jaayega. Toh aap ussko kadhai mein daal kar tadka nahi laga sakte hain kyunki kadhai mein toh woh 200- 300 degree tak pahunch jaata hai aur aapke pass usska koi benefit bachta nahi hai siway isske ki woh fat bann jaye. Aapko bhale tasty lagta hai lekin usska use koi nahi hai. Toh yeh aapko dhyaan rakhna parega ki nariyal tail jab bhi khaana hai aapko bane hue khaane mein ya parathe mein ya roti mein laga kar khana hai ya waisse hi kuch log issko dessert mein daal ke khaate hain. Thora sa paani ke saath agar issko fet lenge toh cream jaissa flavor ho jaati hai isski. Toh waisse kha sakte hain aap issko. Lekin issko aap garam karke nahi kha sakte.

 

Desi ghee ka bhi same formula hota hai ki aap uss mein tadka nahi laga sakte. Koi garam cheez mein daal ke khaoge toh tremendous weight loss hai aur jahan ussko garam kar diya toh ulta ho jaayega. Toh dhyaan rahe Clarifying butter aur Nariyal tail dono hi 70 degree se neeche rahe toh hi behtar hai aapke liye.

 

Ab ek nayi cheez pe aate hain jo aapko maloom nahi hai. Yeh bahut ashcharya janak cheez hai. Yeh hai Nariyal ka chilka. Uper ka nikaal lete hain, issko khopri bhi bolte hain log. Issko Thailand mein, wahan per bahut famous recipe hai. Chilke ko ubaal kar ke woh iss se Gelo nikaalte hain bahar, jiss tarah ki Gelatin hoti hai ya Agar Agar hota hai waisse nikal jaata hai. Joki high in Ascorbic acid hota hai, bahut jyaada Vitamin C hoti hai. Aur bahut Immune system ko strong karta hai aur iss se jyaada weight loss kissi cheez se nahi hota hai. Ussko bhi woh log Kanten ya Konjac hi bolte hain, jo mithai hoti hai uss mein Gur mila kar banate hain. Iss chilke ko woh tor kar paani mein daalte hain dho karke, raat bhar ussko bheegne dete hain then 3-4 ghante ubaalte hain ubaalne ke baad chilka alag karke fenk dete hain. Paani chor dete hain aur woh paani room temperature pe jumke Gelo jaissi ho jaati hai. Gello ko mould mein daal kar barfi jaissa kaat kar ussko bechte hain. Yeh bahut ashcharya janak cheez hai aur yeh maine 3-4 saal pehle TV per dekhi thi. Lekin haan usska result bahut accha hai. Aur uss se weight loss bahut accha hota hai aur jo Thai log hain unnka yeh regular mithai hai, regular sweet hai.

 

 Jiss tarah se Agar agar ki main baat karti hoon, yeh aap log try kar sakte hain, isski recipe main nahi doongi kyunki bahut lengthy hai aur main aapko ek idea de rahi hoon, maine bana ke nahi dekha na maine taste kiya hai, mere ek jaan ne wale ne bataya hai ki usska nutty flavor hota hai. Woh Thailand se laute the toh maine kaha yeh khaya hai kya? Toh unnhone mujhe bataya. Toh aap try kar sakte hain, ho sakta hai you tube pe usski recipe mil jaaye. But haan uss se weight loss bahut accha hota hai yeh baat main jaanti hoon. Woh Protein mein bhi kaafi high hota hai. Nariyal waisse bhi Protein mein bahut jyaada high hota hai toh aapke liya bahut accha hai, milk mein jo Calcium aur Protein milni chahiye nariyal ke har product mein mil jaati hai aapko easily. Aur aaj yeh tha ek information, baaki isski jitni bhi woh batayi hai maine milk ke baare mein, cream, oil sab ka recipe main share karne wali hoon toh aap pareshaan mat hoiyega isske liye.

 

 Aur aap issko dhyaan se dekhiye aur samajhne ki koshish kijiye aur apne life mein add kijiye aur iss nariyal pe aapko yeh information acchi lagi ho toh mere video ko like jaroor kijiye , thumbs up karein. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE

 

 

 

Add a Comment