फूल गोभी (PHOOL GOBHI) : कुछ ही दिनों में चर्बी गायब & Dinner Plan

Click here to read BENEFITS of CAULIFLOWER ya PHOOL GOBHI in ENGLISH

Hi everyone, main hoon Dr Shalini  aur main hoon ek naturopath, MD in naturopathy. Naturopath apne patient ka treatment hamesha natural cheezon se karta hai. Toh aaj main lekar ke aayi hoon ek topic hai woh hai sabzi PHOOL GOBHI, yeh PHOOL GOBHI ya CAULIFLOWER demand mein nahi tha, mujhe kissi ne bola nahi but main yeh topic iss liye abhi discuss kar rahi hoon because mera experience ek din pehle ka hai ki yeh market mein bahut hi cheap rate pe mil raha hai.

 

Kal maine yeh 10 rupees ka 1 and ½ kg khareeda, main Delhi mein hoon aur jab maine yeh facebook pe dala toh kai logon ka response aaya ki kayi jagah per yeh 10 rupees ka 4kg bhi mil raha hai. Toh agar itni cheap cheez mil rahi hai aur yeh full of vitamins, minerals hai aur aapko bahut benefits de sakti hai iss season mein toh mujhe laga iss topic pe baat karna bahut important hai taki aap weight loss toh karein, inch loss toh karein lekin kafi saari bimariyoon se bacche. Aur bahut saari health benefits  inke andar hoti hai jo main day to day life mein apne comments box mein ya apne patients se sunati hoon ki woh suffer kar rahe hain, toh bilkul iss liye main iss topic pe discuss kar rahi hoon.

 

Toh aaj main baat karoongi PHOOL GOBHI ke benefits ke baare mein aur iss se kaise slim hote hain uss ke baare mein aur jinko slim nahi bhi hona hai woh isska benefit kaise le sakte hain, kaise body pain jayega, kaise aap apne body mein blood barahenge aur isske saath saath main kuch recipe bhi share karungi taki aap iss cheez ko aap raat mein bhi le payein, kiss time le payein ,aur iss se kaise weight loss karein. Toh main kuch recipe bhi share karne wali hoon yahan per but pehle main aapko health benefit bata deti hoon ki kiss tarah se aap bimariyoon se bach sakte hain iss se.

 

 Sabse bari baat PHOOL GOBHI ke ander hemoglobin bahut hota hai, iron bahut hota hai jabki yeh white hai toh aisa feel hota hai ki iss ke ander woh cheezein nahi payi jaati hoogi. Basically PHOOL GOBHI ke ander VITAMIN C aur COPPER hota hai. Yeh dono hi cheez aapke iron aur aapke hemoglobin ko badhane mein bahut jyaada help karte hain. Copper ka kaam hi hai ki agar woh aapke body mein hai toh aap doosri koi bhi cheezein khayenge toh body ke ander hemoglobin absorbant power ko woh badha deta hai aur Vitamin C ka kaam hai ki woh ek tarah se anti wrinkle, anti ageing, antibiotic aisa work karta hai aapke body mein ki agar woh hai aapke body mein toh aapko bimariyoon se larne ki shakti dega jo ki sardi ke din mein sabse baari problem hoti hai.

 

Jab winters aa jate hain toh subah uthate hi morning sickness bahut jyaada rehti hai. Aap yeh gaur karna agar raat ko aapne PHOOL GOBHI dinner mein  khayi hai toh subah subah morning sickness nahi hogi aur aapko pata nahi hoga exactly ki aapne toh sabzi khayi hai toh uss pe dhyaan bhi nahi jata hai  jo raat bhar mein yeh gobhi kar deta hai aapke liye. Iss mein VITAMIN B FAMILY hai, B6 hai, B3 hai, B9 hai jo ki ek female body ke liye bahut important vitamin maani jaati hai. B6 kissi ko bhi jarurat parta hai, male ho ya female ho ya badhta baccha. B9 bahut important hai ki jinko conceive karna hai unke body mein ho hi B9 taki woh improvement form mein ek bacche ko janam de sakein. Woh aapke genital pe bhi bahut accha kaam karta hai, male ya female ho. Toh yeh B group se bahut related hai.  

 

PHOOL GOBHI  mein VITAMIN A hai, VITAMIN A jyaada nahi hai iss ke ander lekin itna jaroor hai jiss se aapke skin aur eyes sahi rahe.  Aur sabse baari baat yeh hai ki bahut digestive cheez hai , aapke intestine ke liye bahut accha hota hai. Toh jo log bahut jyaada pareshaan hote hain acidity ya constipation se uss ke liye yeh vardaan hai. Agar aap bahut jyaada joojh rahe hain acidity ya constipation se toh aap issko bilkul consume kijiye, bilkul khayiye, kissi bhi form mein khayiye lekin ek cheez sabse jyaada PHOOL GOBHI mein dhyaan rakhne ki baat hai woh yeh hai ki isski sabzi aap baasi nahi kar sakte  matlab ek din purana nahi hona chahiye.

 

Agar PHOOL GOBHI ka sabzi purana hota hai toh ek tarah ki gas develop kar jaati hai jo sometime aapke acidity jinko problem hai unke liye acchi nahi hai lekin agar aap issi ko doosre form mein baasi karke khaate hain ya purana karke ya phir issko mature karke khaate hain jo kehte hain log khaas karke Italians kehte hain ya Europeans kehte hain mature karna cheezon ko jo hum picklings bolte hain toh uss form mein yeh bahut bahut accha hota hai aapke body ke liye. Aap agar bolenge pickle ki recipe, toh main bilkul share karoongi, aap nahi bhi bolenge tab bhi main share karungi because maine woh video already bana liya hai.

 

Yahan pe main jo aapse share karne wali hoon woh ek bahut hi healthy dinner hai jo main aapke saath share kar rahi hoon aur uski recipe bata rahi hoon aur woh dinner aap agar ek week karte hain ya phir 4-5 days bhi karte hain toh aapki inch loss bahut acchi ho sakti hai. Woh infact agar dinner ki jagah aap breakfast mein bhi lenge toh woh aapke ander bahut accha result dega.

 

Ingredients & Recipe

Iss mein maine use kiya hai 150gm PHOOL GOBHI, fresh and light blanched, boiled aur 100 gm Soyabean Bari. Agar na ho toh Tofu le lein aur woh bhi na ho toh Black Chana le sakte hain, ½ tsp Salt liya hai yahan per, salt agar aap boil karne mein bhi use kar sakte hain aur salad mein dalne per bhi. Yeh hai DIY Maggi powder, agar yeh nahi hai aapke paas toh aap slimming powder jo maine bataya hai aap woh bhi le sakte ho. Yeh hai Red Bell Pepper, yeh main color add kar rahi hoon issi liye maine dala hai, jo jo cheez available ho woh aap bilkul daliye.  Green onion hai, thora sa Tomato chopped liya hai skinless and seedless, isske alawa maine liya hai Yellow Bell Pepper, bahut acchi cheez hoti hai avoid karne layak nahi hai aapko bilkul khana chahiye aur Mushroom liya hai 3-4 maine slice karke. Yeh bahut important hai taki aap breath accha kar sakein, Mushroom aapko saans lene mein bahut accha banata hai. Toh bilkul khayiye aur mushroom pe main video banane wali hoon coming days mein.

 

Iss PHOOL GOBHI mein maine Coriander Leaves bhi liya hai yeh flavor ke liye bhi accha hai saath mein aapke body ko repair bahut fatafat karta hai. Toh raat ke dinner mein coriander hona chahiye. Aur yeh full recipe hai jo ek din mein jo kuch bhi body ko jaroorat hoti hai usske hisaab se maine banaya hai ki yeh raat mein sone se pehle jo kuch bhi body repair ke liye jaroorat hai woh aapko mil jaaye.

 

Yahan per jo main le rahi hoon woh yeh tight PHOOL GOBHI ya Cauliflower hai, bahut easily market mein mil raha hai aaj ki date mein. Yeh aap dekh sakte hain ekdum clean, lekin isske peeche jo dandi rakhi hai woh bhi main nahi fekungi, woh bhi bahut important hai, usske bhi benefits main abhi share karne wali hoon. Bahut important hai aap logon ka yeh jaan na kissi bhi recipe se jyaada kyunki sab samajhdaar hain aur bahut din se khana bana rahe hain toh kuch special nahi bata dungi lekin yeh jaan na bahut jyaada important hai ki yeh aap apne life mein kyun jorein aur kiss kiss problem se bachein aur kyun yeh stem khana chahiye aur fenkna nahi chahiye kyunki main dekhti hoon mostly log iss cheez ko fenk dete hain lekin nahi fenkana chahiye.

 

Aapki zindagi ko badalne ke liye yehi sab kura jo aap fenk dete hain bahut kaam aata hai. Sometime log hanste hain lekin yeh hansne wali baat nahi hai, aapke liye yeh sab saari cheezein jaroori hain toh please ignore mat kijiye insab cheezon ko. PHOOL GOBHI jo hai aapke life ko change karne ke liye,  aapke look ko change karne ke liye, aapke hairs ko change karne ke liye plus bimariyoon se bachne ke liye, infact infertility se bhi yeh kahin haad tak yeh aapko bacha deta hai, bahut haad tak bacha deta hai. Iss sardiyoon mein aap jyaada intake karke dekhiye, yeh aapko khud pata chalega ki kiss haad tak yeh appko change kar sakta hai, badal sakta hai. 

 

PHOOL GOBHI aapke life ko aur impotency ki jinko problem hoti hai woh bhi bachte hain. Arthritis wale kha sakte hain bahut easily, Diabetes wale, sab kha sakte hain toh coming days mein main phoolgobhi ki, Mumbai jate hi yahan per thora sa problem hai, main bahut saari recipe aapse share karne wali hoon isski.

 

Jo Menopause mein hain ya phir jo PCOS ke ander hain ya Thyroid ki problem hai bahut thyroid wale bhi kehte hain ki woh phoolgobhi nahi kha sakte hain, aisa nahi hai, bilkul kha sakte hain. Main jo process bata rahi hoon uss mein bilkul kha sahte hain.

 

Paani boil kar raha hai, usske ander PHOOL GOBHI ke tukre daal dijiye thora sa salt daal ke, main yahan per, yeh 1 and ½ litre water mein maine 1/2 tsp salt add kiya hai, normal salt hai, iodized namak hai, woh daal karke maine iss mein phoolgobhi daal diya. 5 minute full flame mein rakhenge then gas band kar denge aur usske baad ussko 5-10 minute rakhna hai aur yeh ubal ke tyaar ho jayega jitna humein jaroorat hai. Woh water mein jo nikalne tha woh nikal gaya toh yeh menopause ki jinko problem hai, hot flash ho jaati hai woh bhi kha sakte hain. Period ke time mein yeh bahut acchi cheez hai khaane ke liye, joki pucca period hai agar aapko date chal rahe hain.

 

Bleeding ho rahi hai uss time mein agar dinner mein yeh bana kar khate hain toh aap pehle hi apna tummy ko measure kar lena jab start ho jiss din date aapki aur after 5 days agar aap measure karoge toh bahut baara difference dikhayi dega. Jinka dikhne layak hai 5 inch tak dikh jaata hai agar kum hai toh minimum 1 inch toh jaata hi jaata hai within 5 days agar paancho din dinner mein yeh khaya toh. Jinko nahi bhi period hai woh bhi khayenge toh unko fayeda karega, period wale ko bahut jyaada fayeda hota hai. Issi boiled water mein phir se 5 minute ke liye yeh dandi daal di hai aur 5 minute full flame per fir gas band karke aage 5 minutes chhodenge.

 

Main iss dandi ki benefit bataa rahi thi jab maine kaha ki issko fekenge nahi. Jinko bhi jo kehte hain ki main conceive nahi kar pati hoon, jinka bhi egg chota hota hai ya egg ka size baara hota hai ya fallopian tube mein problem hai ya uterus adopt nahi kar pati ya jaldi abortion ho jaata hai, sabhi case mein yeh dandi bahut fayeda karti hai. Jinka weight stagnant ho jata hai unke liye yeh beech wala part jo hota hai yeh bahut jyaada important hai.

 

PHOOL GOBHI ke ander hota hai Glutamine (Click to buy), yeh main Glutathione ki baat nahi kar rahi hoon dark circle wala. Glutamine hota hai iss lakri ke beech ke part ke ander toh issko kabhi nahi fenkna chahiye. Chaaro taraf ka hissa aap kaat ke hata dijiye aur beech wala hissa boil karke aap bilkul kha sakte hain, toh yeh barbaad nahi hai.  Yeh chaaro taraf ka maine hata diya hai, yeh lakri jo hard part hoti hai woh aap kha nahi sakte aur beech wala hissa bahut important hai. Jinka weight stagnate kar jaata hai, ruk jaata hai uss ke liye yeh vardaan ke samaan hai. Iss mein bahut jyaada Glutamine paaye jaati hai, infact PHOOL GOBHI ya cauliflower mein hi nahi jo baigani rang ka purple color ka jo cabbage hota hai uss mein bhi aur green cabbage mein bhi yeh hota hai aur lettuce ke ander, salad leaf ke ander, iceberg ke ander sab ke ander jo yeh stem paye jaate hain sab mein Glutamine paayi jaati hai aur inhi sab cheezon se extracted hoti hai ya phir yum se extracted hoti hai Glutamine.

 

Dandi mein yeh karna beech mein jo threads hote hain, fibre hota hai woh bus nikaal dijiye aap aur woh aapke khane layak ho jaata hai. Boil karte hain toh thyroid patient ke liye bhi yeh utna hi important ho jaata hai kyunki water mein jo extract nikalne hote hain woh nikal jaata hai.

 

Toh yahan per yeh mera total jo nikla hai yeh kareeban 50-60gm hai aur maine issko blanch, boil kar liya, blanch nahi kiya hai kyunki issmein threads hote hain pura boil kiya hai jaisa ki maine bataya, phir 5 minute gas band karke chorenge aur yeh khane layak ho jaata hai. Kai log PHOOL GOBHI ke dandiyoon ko khub masale ke saath banate hain lekin agar aap benefit exactly isska paana chahte hain toh yeh aise bhi kha sakte hain jis tarah se process main bata rahi hoon.

 

Aur agar aaapko CONCEIVE karna hai toh yeh ek bilkul vardaan hai aapke liye. Isska aap paani phenk dijiyega, isska paani nuksaan karega, aapke hormone ko kharab karta hai isska water. Toh yeh cheez dhyaan rakhna hai ki isska water nahi lena hai kyunki issmein phoolgobhi bhi ubali thi khali dandi agar hai aur le rahe hain toh aapko yeh dhyaan rakna hoga ki aapko thyroid na ho.

 

 Yeh cheez bahut jyaada dhyaan rakhni paregi, agar Thyroid nahi hai tab aap kha sakte ho, thyroid ho tab aap nahi kha sakte. Iss dandi se aap bahut saare recipe bana sakte ho, pickles bana sakte ho isski, salad bana sakte ho jaisa ki main khati hoon. Mere liye iss mein curry banna jaroori nahi hai aur bahut delicious hota hai yeh jo dandi hoti hai, bahut delicious hoti hai.  Sometime fibre ho toh kaat te samay hi fibre alag kar dijiye aur body ka jo jinko arthritis ki problem hoti hai woh jab issko lete hain toh maine jaise bataya ki next day flexibilities barh jaati hai kyunki glutathione ka kaam hai body ko lacheela banana.

 

Toh jo aunties hoti hain ya phir bahut age hai aise situation mein jab yeh raat ko kha ke sote hain, sone  ke ek ghante baad body repair hona shuru hota hai, uss time yeh stem jo hota hai chahe coriander ka ho, yeh sab stem bahut teji se aapke body ko repair karta hai. Toh yeh repair karke aapko flexible bannata hai.

 

Yahan pe main mushroom le rahi hoon lekin puka ke nahi le rahi hoon, mushroom normally main aise hi prefer karti hoon. Yeh boiled water hai issko bahar bartan mein nikaal liya hai usske ander mushroom chorungi aur 5 minute mein yeh apne jitna cook hona hoga utna ho jayega. Usske baad hi issko use kar sakte hain. Kuch log kuccha mushroom khate hain lekin main kabhi kabhi aisa karti hoon. Toh yahan per Soyabean bari le rahi hoon nahi ho toh aap 50gm chana le sakte hain, boiled chana le sakte hain, 50gm Rajma le sakte hain, Tofu le sakte hain. Yeh boiled stem iss mein daal diya, issi mein main daalungi phoolgobhi jo boil PHOOL GOBHI hai aur saare jo kaate huye, ab bell pepper kya hota hai na ki bell pepper ko kabhi bhi boil maat kijiyega woh kaccha hi rahega iss mein thanda effect nahi hota hai toh yeh aap raat ko bhi kha sakte hain. Agar koi salad khana chahta hai toh onion aur bell pepper raat ko bhi khaya ja sakta hai. Ussmein thandi effect nahi hoti hai. Aisa nahi hai ki woh din mein hi khayenge.

 

PHOOL GOBHI bhi daal liye iss mein, bahut easy hai yeh. Inn saari cheezon ko mix karna hai aur yeh aapka ban jaata hai. Bahut jyaada iss mein technique nahi hai jo maine kaha tha ki recipe mein koi technique nahi hai. Dill maine dala hai, Dill ka fayeda kuch din mein main aapse share karne wali hoon.

 

Soya patta ya Dill khana chahiye har uss mahila ko ya male ko khana chahiye jinko bhi life mein thori sib hi lethargicness hai ya phir female ke liye toh vardaan ke samaan hai aur nursing mother hain unke liye bhi yeh recipe hai. Soya leaf doodh ko barahta hai. Aapke bacche ke doodh ko bahut poshtic banayega.

Yahan per main DIY maggi masala daal rahi hoon, maine jaise ki kaha aap slimming wala jo flax seed ka hai woh bhi daal sakte ho woh bhi bahut effective hai, jo maine slimming powder bataya tha, agar aapko nahi malum hai toh main bilkul phir se woh recipe de dungi. Yeh aap dinner mein chaar din, paanch din ya che din khayiye inch loss bahut accha hoga.

 

Lunch mein maine Noodles bataya tha Agar Agar ka, woh lijiye aur aapki life ko aap dekhna ki kiss tarah se change hoga. Sirf weight loss ki baat yahan pe nahi karungi main, aap khud neeche comment box mein likhoge jo mera experience hai ki aap bahut halka feel kar rahe hain aur yeh full hai kyunki iss mein protein hai, vitamin hai, minerals hai roughage hai aur bahut delicious hai, bahut hi jyaada tasty hai.

 

Aur kissi bhi disease mein chahe aapko diabetes ho ya kissi bhi tarah ki problem ho aap issko kha sakte hain. Stone hai tab bhi kha sakte hain har tarah se har problem mein kha sakte hain. Toh jab yeh khate hain toh next day ki feeling baari acchi hoti hai jo bahut important hai aaj ki date mein ki jab subah uthte hain toh morning sickness na ho dard na ho body mein aur aap bahut light feel karein aur aapko kissi tarah ki problem feel na ho rahi ho ki life itni bojhil kyun ho gayi hai. Toh bilkul issko try karke dekhiye. Gobhi ko jab bhi banayiye, lunch, dinner kabhi bhi banayiye lekin ussko baasi mat kijiye, bus main yeh kahungi jinko bhi acidity ki problem hai woh barh jayegi. Aur taaza gobhi jo hota hai woh aapke acidity ko kum karta hai aur purana gobhi acidity ko barha deta hai.

 

 Toh mera next jo PHOOL GOBHI per video hai woh hai isska pickle, aisa pickle jo brain ko tez banaye, aapka weight loss mein bhi fayeda hoga, body pain mein bhi fayeda hoga, bahut delicious hota hai. Aur pickle hote huye bhi iss mein kissi tarah ki khatayi nahi dali hui hai lekin khane mein phir bhi khatta lagega aur aapke body ke swelling ko mitayega aur jinko bhi citric allergy hai unko bhi save karega. Toh bilkul wait kijiyega mere naye video ka issi channel pe next video main dalungi aur gobhi ko bilkul follow kijiye kissi bhi tarike se aur agar aapko aur recipe chahiye hoga toh bilkul batayiyega . Aur gobhi per meri yeh information acchi lagi ho toh mere video ko like zaroor karein, thumbs up zaroor karein. Issko share karein taki doosroon ko help mil paye. Playlist mein add karein taki baad mein issko dekh sakein. Subscribe kijiye mere channel ko agar nahi kiya hai toh taki future ke upload ka update aapko mil sake. Toh phir milti hoon main apne next video pe kissi recipe, information, skin care ya hair care ke saath tab tak ke liye bye.

2 Comments

  1. SEEHRAA December 3, 2016
  2. Priyanka Arya November 29, 2016

Add a Comment