PREPARE FACE PACK FOR ANTI AGEING AT HOME

Click here to read this article in English |Face Pack for Anti Ageing | Dr. Shalini

 

Hi everyone, main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment natural tareeke se karta hai. Toh aaj main lekarke aayi hoon most wanted ek new topic, ANTI WRINKLE, ANTI AGEING, SPOTLESS PACK SCRUB AND TONIC. Yeh bahut simple recipe hai. Bahut asaani se banegi aur kuch hi ingredients se bann jaati hai, but isska result bahut marvelous hai.

 

Anti-Ageing ya Spotless ka matlab yeh nahi hai ki sirf bahut age aur 30+ ho, 40+ ya 50+ tabhi apply kar saktey hain, young girls ya boys bhi apply kar saktey hain agar unnko Spots bahut jyaada hai face mein. Anti-ageing Pack banne mein jyaada time nahi lagta hai. Sirf Anti-Ageing Scrub ko banne mein 2 din lagti hai. Baaki saari cheezein turant use honey layak ho jaati hai. Scrub ke liye aap wait kar saktey hain because woh wastage se bana hua hai. It means ki jaissa ki main hamesha batati hoon ki main kuch bhi waste nahi karti toh iss liye ussko dry honey mein time lagta hai.

 

Aur yeh Anti-Ageing Scrub aapko waissa kar dega jaissa Botox ka injection lene ke baad ho jaati hai. Bahut hi jyaada healthy skin ho jaati hai. Aur bahut hi jyaada marvelous look aa jaata hai. Toh aayiye ingredients dekhtey hain.

 

INGREDIENTS & PROCEDURE OF PREPARING THE PACK:

 

First ingredient hai POTATO, AALOO. Bahut hi high in Starch hota hai jo aapki skin ke liye bahut accha hota hai. Yeh dhyaan rakhna hai ki Starchy Potato lena hai. 2-3 tarah ki Potata aati hai. Bahut jyaada juicy Potato nahi lena hai. Jo juicy hota hai woh thora acidic hota hai. Aap mein se kai aisse jaantey honge ki Aaloo suit nahi kar rahi hai. Toh woh juicy hoti hai iss liye.

 

Next ingredient hai SWEET POTATO, SHAKARKANDI bhi jisse kehtey hain. Yeh bahut accha hota hai intake ke liye bhi aur skin ke liye bhi. Har tarah se accha hota hai. Maine pehle bhi discussion kiya tha Weight Loss video mein ki Skin ke liye bhi accha hota hai aur aapke body ke liye bhi accha hota hai kyunki jo bhi Starchy hotey hain uss mein Potassium bahut high hoti hai.

 

But application ke time mein yeh sabse barhiya hai ki agar aapko uper red skin ho, kabhi blackish ya brownish bhi hota hai, toh yeh dhyaan dijiyega. Yeh maine churi se chilne ki koshish ki per red part separate ho raha tha, toh phir maine style badal diya kyunki iss mein jo pinkish look hota hai woh bahut important hota hai application ke liye. Toh issko khurach ke nikalein kyunki India mein aissi mil jaati hai. Aur bahar jissko Orange wali milti hai woh bhi bahut barhiya hoti hai. High in Iron aur Calcium hoti hai. Toh application ke liye woh bhi barhiya hai lekin agar pink miley toh prefer issko kijiyega, agar yeh wali mil jaati hai, ander white aur bahar pink. Toh yeh application ke liye bahut acchi hoti hai. High in Starch.

 

Starchy jo root hota hai waissi koi bhi cheez aap apply kartey hain toh aapke face pe bahut baby look aa jaata hai. Ek plumpy look aata hai, jo bacche ki tarah dikhta hai, moisturize ho jaati hai skin. Aur Skin ke Defects hatne lagtey hain aur Spots hatane lagtey hain. Jo spots mushkil se hat tey hain, ageing spots hotey hain ya tension mein bann jaatey hain, woh spots bahut easily remove honey shuru ho jaatey hain.

 

Aaj ke hectic life style mein abhut problem hota hai insaan ko aapne aap ko cure karna aur cream mein bahut jyaada grease hoti hai toh iss tarah ki cheez bana kar rakhiye toh bahut easy ho jaata hai apply karne ke liye. Sweet Potato yahan skin mein iss liye bata rahi hoon kyunki Anti-Wrinkle ke liye key ingredient yehi hai. Toh issko skip nahi kar saktey hain aap. Toh yeh arrange kijiye, mil jaata hai bahut easily market mein khaas karke jahan puja ka samaan milta hai wahan toh rakhtey hi hain woh, har season mein rakhtey hain, maine dekha hai.

 

Next ingredient hai CUCUMBER. Yahan per main ENGLISH CUCUMBER le rahi hoon. Lekin better hai ki jo market mein faltu wala sabse sasta Cucumber mil jaaye woh aap le lo kyunki koi important nahi hai ki yehi cucumber liya jaaye jo aap kha saktey hain, jiss mein juice ho woh aap lo. Cucumber apne aap mein Astringent mana jaata hai. Toh age barhti hai toh pores open ho jaatey hain, problem barh jaati hai aur skin jhulney lagti hai aisse mein Astringent ka hona bahut important hota hai taki aapke face pe bahut jyaada oil na aaye aur aapke dead skin ko remove kar sakey. Jab tak dead skin remove nahi hogi tab tak baby skin aana thora sa mushkil hota hai. Toh innko WASH kar lenge acchi tareeke se kyunki iss mein mitti rehti hai aur face pack ke liye kaatke hi dhona parega.

 

Coming days mein main ANTI AGEING SERUM batane wali hoon. Toh mujhe yaad dilate rehna. Vitamin A Serum jo bahut accha result deta hai anti-ageing ke liye, skin remove honi shuru ho jaati hai 5-6 din mein.

 

Yahan per jo main next ingredient daal rahi hoon woh hai LEMON. Lemon thora sa lenge, skin ke sahit lena hai, skin ko remove nahi karna hai. Ussko kaatenge aur daalenge. Lemon bahut important hota hai, jahan per starch important hai wahin Lemon bhi utna hi important hai. Aur second reason Lemon daalne ka yeh hai ki Potato oxidise hoti hai toh woh black ho jaayegi but humein iss Anti-Ageing Pack ko kaafi din tak rakhna hai, jaissa ki main 3 months ke liye bata rahi hoon ki aap ikatthe bana ke rakh dijiye freezer mein. Toh Lemon rahega toh Potato oxidise bhi nahi hogi aur aapko proper result de sakti hai. Aur Lemon apne aap mein skin aur spots ke liye bahut accha hota hai. Toh yeh multi-purpose ho gaya aapke liye, bahut accha result dega.

 

Yahan per 50ml WATER add kar rahi hoon. Agar water add nahi hoga toh problem hogi. Aur sabko GRIND kar lungi.

 

Toh main bata rahi thi Serum ke baarey mein, mujhe bilkul yaad dilana. Vitamin A Serum bahut important hai jinnko Wrinkles hai, jinnko Age dikhta hai aur Fine Lines aa gaye hain. Toh coming days mein main bilkul bataoongi lekin busy schedule mein kai baar mind se bahar ho jaati hai baat. Toh mujhe yaad dilate rehna, bahut accha lagta hai aap log mujhe yaad dilaatey rehtey, yeh bana do, woh kar do video ka toh main synchronize rehti hoon. Mujhe pata hota hai ki aagey mujhe kya karna hai.

 

Yahan per main iss Anti-ageing pack ke ingredients ko STRAIN kar rahi hoon, bahut important hai kyunki maine kai baar comment mein dekha hai ki log puchtey hain ya mere personal patients kehtey hain ki face pe apply karna bahut kathin ho jaata hai, yeh baar baar uter raha hota hai, toh kya karein ki yeh chehre pe rukey aur hum doosra kaam saath mein kar paayein? Toh yeh idea mujhe sabse sahi laga. Aur iss se hum 2-3 cheez bana saktey hain ikatthe aur bahut accha result hota hai. Toh maine personally try karke dekha hai 1-2 pateints per bhi aur khud per bhi, toh mujhe isska result jyaada better laga.

 

Juice strain kar lijiye taki iss juice ko aap alag se fridge mein rakh paayiye bottle mein daal karke. Aur yahan pe jo isska Roughage bachta hai, ussko sukha lena hai. Kissi bhi plate mein rakhiye faila dijiye iss roughage ko aur ek kapra rakh dijiye. Koi bhi tarah ka kapra rakh dijiye aur yeh dheere dheere sookh jayega, lekin environment khula hona chahiye, dhoop direct na parti ho. Dry karne ke baad mixy mein ek baar chalana hai. Sirf ek baar button daba ke hata lenge, 2-3 second mein hi. Aur aapka Anti-Ageing SCRUB tyaar ho jaayega aur bahut accha scrub banta hai jo bilkul natural hai. Toh uss se Scrub kar skatey hain ya toh juice mein mila karke ya phir cream mein mila kar. Bahut accha result hota hai.

 

Next main bata rahi hoon, turant benefit paaney ka tareeka. Juice jab nikaaltey hain toh ussko ½ an hour aisse hi chor do usske baad juice uper ka separate kar do aur neeche aap dekhenge aapko pata hi hai, yeh starch aa jayega, Potato mein bhi aayega aur Sweet Potato mein bhi aayega. Toh instant jab banatey hain toh isska fayeda bahut mast utha saktey hain aap. Iss starch mein aap CLAY milayiye. Yahan per main Kaolin Clay mila rahi hoon kyunki maine bola tha ki agar aap khareed rahe hain toh main usska bahut saara pack bataoongi.

 

Aaney wale samay mein main aur bhi Body Mask aur Hair Mask bhi batane wali hoon, kaafi saarey cheez Kaolin se. Toh aap pareshaan mat hoyiyega.

 

Aur ek cheez Kaolin ke baarey mein main aur batana chahti hoon. Mujhe kaafi saarey messages aaye ki mujhe 40 rupees mein 1 kg mil gaya ya 20 rupees mein mil gaya. Toh HARDWARE ke shop se mat khareediye face pe application ke liye. Jo cup-plate banti hai ya jo putti lagti hai white wash se pehle woh na ho kyunki uss mein bhi China Clay use hota hai.

 

Toh agar packet ke uper China Clay likha hai aur 20 rupees mein aapko mil gaya hai ½ kg toh usska gurantee main nahi le sakti ki woh aapke skin pe react nahi karega ya problem nahi karega. Toh yeh dhyaan rakhiye ki food grade lijiye ya cosmetic grade lijiye. FDA approved ho toh jyaada behtar hota hai taki humein darr nahi hoti hai. Main jo use kar rahi hoon yeh maine direct medicine factory se liya tha toh yeh food grade hai. Kha bhi skatey hain issko. Jitney tablets bantey hain sab Kaolin Clay se hi bantey hain.

 

Toh issko lagana hai aur bahut hi patla layer lagta hai aur bahut jaldi acche se dry ho jaata hai. Aap brush se laga saktey hain aaram se aur 1-2 layer laga karke chor denge aur jab wash karenge toh aapko bahut accha result dikhega. Aur yeh bottle aap fridge mein rakh dijiye. Ya phir ice cubes ke tray mein rakh dijiye. Aur jab cubes jum jaayein toh dabbe mein nikaal ke freezer mein hi rakh dijiye. Toh aapko lene mein jyaada asaani ho jaati hai. Mere pass kaafi saarey containers hain toh main bottle bana ke rakh deti hoon. 2-3-5 minute bahar chortey hain toh zaroorat bhar ka juice iss mein se melt ho jaata hai toh woh use ho jaata hai, baaki ice hi rehti hai woh wapas freezer mein rakh dete hain. Toh yeh bahut accha use ho paata hai aur bahut accha result deta hai.

 

Barhiya result ke liye koshish kijiey ki shuruaat mein haftey mein 2-3 din lagayein. Baad mein haftey mein 2 din lagayein aur phir 1 din bhi lagayenge toh chalega. Bahut accha result hota hai. Kum lagta hai, spread acche se hota hai. Agar aapke pass Kaoiln Clay nahi hai toh Multani Mitti ya Besan mein bhi laga saktey hain yeh juice ko mila kar. Na mann karey toh cotton mein bhi sirf juice daal karke aap chehra poch saktey hain agar aapke pass time nahi hai toh. Scrubing kar saktey hain. Koi rule nahi hai ki ek ke baad ek karna hi hai. Aur poora Measurement ki kitna kya daalna hai, yeh jaan ne ke liye aap mere WEBSITE pe log on kijiye. Link aapko description box aur pin post mein milega.

 

Aur Anti-ageing pe yeh Tonic, Pack, Scrub aapko acchi lagi ho toh mere video ko like zaroor karein. Isse apne social media, friends, family se share karein taki jyaada se jyaada logoon ko madad mil paaye. Playlist mein add karein taki baad mein aap issko dekh sakein. Subscribe kijiye mere channel ko aur mere doosre channel, I WANNA BE HEROINE, ko taki mere future ke uploads ka updates aapko mil sakey. Toh phir milti hoon main apne next video pe kissi recipe, information, skin care ya hair ke saat.Tab tak ke liye BYE.

One Comment

  1. shreyoshi May 1, 2017

Add a Comment