Q & A FOR PREGNANCY WITH 40 BEST FOODS FOR HEALTHY PREGNANCY

Click here to read this article in English | Q & A For Pregnancy With Tips | Dr.Shalini 

 

Hi everyone, aaj main lekar ke aayi hoon Q & A FOR PERGNANCY . Pregnancy ka video nahi bana rahi hoon lekin questions bahut saarey aatey hain, iss liye lekar ke aayi hoon Q & A Pregnancy  aur mere phone pe aapke jitney bhi Questions hain ussko main koshish karoongi jyaada se jyaada questions ka answer dene ki. Aur jo basics hain, jo aapko problems ho rahi hain, woh kuch baatein main yahan per karoongi toh shaayad aapko kuch thora bahut bhi fayeda miley toh bahut accha lagega mujhe. Toh chaltey hain questions pe.

 

Q) First question hai, Food for conceiving. Kaun sa khaana khaayein jiss se conceive easily kar paayein?

 

A) Toh sabse pehli cheez hai ki aapke body mein Folic Acid bahut acchi honi chahiye. High Folic Acid wali cheez bahut important hai conceive karne ke liye. Folic Acid boltey hain lekin hai yeh Vitamin B9. Toh aap net pe thora research kar saktey hain, B9 likhne se jo bhi food aata hai, woh bahut important hai. Jo listing nahi hai net pe unn mein se kuch cheezoon ka main naam lena chahoongi yahan pe, jissko aap khaayenge toh aapke garbh mein ek healthy bacha tahar sakta hai.

Sabse pehli cheez toh main CURRY LEAVES bolti hoon. Bahut important hai conceive karne ke liye.

 

Q) Fallopian tube mein blockage hai, usske liye kuch batayein?

 

A) Main usske liye detail video zaroor banaoongi lekin filhaal main aapko ek cheez bata rahi hoon, jo video bana hua hai ussko follow karo, Curry Leaves. Mai aapko bataoon, mere score barhtey jaa rahe hai. Abhi main 53 babies ki mother hoon already except my child because of these Curry Leaves and some Herbs. 9 saal- 10 saal jinnko ho jaatey hain woh bhi conceive kar rahe hain. Aur jab batate hain toh bahut accha feel hota hai, koi 6 month pregnant hai, koi 7 month pregnant hai, kushi hai mujhe innsab baatoon ki. Aur jo mere poorane patients hain, unn mein 10-11 aisse hain jinnko baby ho chuka hai aur healthy baby hai. Toh bahut saari betiyoon ki bhi mummy hoon main. Toh aap jaake Curry leaf ke video ko dekho aur unnke comments ko dekho. Logoon ne khud likhe hain, uss pe trust karo.

 

Fallopian tube jab blockage aati hai toh simply samjho ki jahan pe zygote formation hota hai, sperm jaati hai, egg ussko le leta hain then zygote formation hota hai aur phir Falliopian tube se hota hua woh uterus mein jaake place kar jaata hai toh baccha wahan se grow karna shuru karta hai.

 

Falliopian tube mein blockage cyst bhi ho sakti hai. Falliopian tube mein swelling bi ho sakti hai. Mostly swelling hi rehti hai joki Leucorrhea ki wajah se ya sexual irritation ki wajah se ho jaati hai, ki aap sexually satisfied nahi hain ya phir thaanda lag jaata hai. Toh 2-3 reason hai. Cough bahut jyaada hai toh bhi rahega. Jyaada Citric cheezein khaaoge to bhi hoga. Bahut saarey technical test hotey hain jo blockage ke liye kiye jaataey hain, ya toh aap surgery karwa lo ya saloon injections lo.

 

 But main motto kya hai? Aapka wahan se swelling hatana, uss system ko clean karna. Toh system jab Curry Leaves se clean ho sakta hai aur woh Dhania patta ka jarr wala video dekho, aapko description box mein link milega. Toh unn sab ko follow karo aur dekho ki usska kitna accha result hota hai. Jab yeh mil sakta hai toh aap kyunk technical cheezoon pe jaake dher saarey steroids aur chemicals apne body mein daaloge. Jab ki mujhe pata hai aur mera personal experience hai ki aissa hota hai. Try karo. Discourage kyun hona. Ek mahine mein nahi hoga toh doo mahine mein hoga waisse bhi aap saaloon se wait kar rahe ho. 2 mahina curry leaf pee loge toh na toh aapka time jaata hai aur nahi Curry leaf khareedne mein bahut paissa. Toh woh bahut easily follow kar saktey hain aur jo milega woh vishwaas nahi hoga aapko. Ek baar try karo.

 

Q) Ek question hai, ma’am mujhe baccha chahiye. Yeh comment aksar video mein 3-4 rehta hai.

 

A) Main bacha kaisse doongi. Baccha toh aap hi payeda karoge aur baccha payeda karne ke liye agar aapko koi problem nahi hai jaissa ki aap likhtey ho ki husband ka sab kuch theek hai. Toh sabse baari problem yeh hai ki aap baccha payeda karne ke liye sex kar rahein hain. Iss liye baccha nahi ho raha hai. Jab tak aapka ovum nahi aayega, sirf sperm se baccha nahi hoga. Aapke ovum ko aaney ke liye ek barihya, healthy sex life bahut important hai. Aur usske liye woh time bhi toh hona chahiye na ki jiss mein baccha ho. Jiss din first day period hoti hai, usske 13th day peak hoti hai, 4 din idher aur 4 din udher, it means you have only 9 days. 9 din mein jo karna hai kar lo. Usske idher bhi karoge toh kuch fayeda nahi hai udher bhi karoge toh kuch fayeda nahi hai. Uss 9 din mein aap kitney excited rehtey hain? kitna accha time gujartey hain apne partner ke saath? kitna life ko enjoy kartey hain? yeh bahut important hai. Ovum agar healthy nahi hai tab bhi conceive nahi kar saktey hain. Agar sperm patla hai tab bhi conceive nahi kar saktey hain. Toh uss 9 din mein kum se kum Coriander root paani peeyo. Erectile dysfunction ka juice de do husband ko.

 

Q) Twins baby ka koi upay batao?

 

A) Main aissa kya bata doon, jiss se 2 sperm ander jaake zygote formation karein? Aissa possible nahi hai. Yeh tab hota hai jab 2 sperm ek speed mein jaa rahe hotey hain. Jaatey hi formation kar lete hain, dono ko jagah mil jaati hai. Tab aissa hota hai. Tab yeh possible hai ki dono alag bacche ya gender alag alag ho. Isske liye koi dawai khake koi situation nahi bana saktey ki egg itni mazboot ho jaaye ki 2 sperm ko le paaye. Aur agar aissa ho sakta hai toh still I am not aware. Ho sakta hai ki future mein main bata paaoon. Lekin abhi filhaal mujhe aissa nahi maloom hai. Maine aissa kuch apne study mein nahi parha hai.

 

Q) Ma’am kya kya khaayein ki pregnant hoon?

 

A) Woh maine bata diya ki Folic Acid high rakhoge aur agar Fallopian tube mein swelling nahi hai toh bahut easily aap conceive kar loge.

 

Q) Ma’am pregnancy ka diet dijiye.

 

A) Pregnancy ke baarey mein baat karna aur usske tri mesters ke baarey mein baat karna thora sa tough hota hai. Mere pass bahut saarey pregnancy ke patients hain aur sabka case alag hota hai. Kissi ko ESR barha hota hai toh Jaundice honey ke chances hotey hain. Aur kissi ko Diabetes honey ke chances hotey hain. Kuch hotey hain jo theek hotey hain. Cramps bahut jyaada hotey hain. Kissi ko Vomitting ke chances hotey hain. Bahut jyaada critical situation hota hai. First Trimester ki baat kar rahi hoon main. Bahut Jyaada critical situation hota hai. Aisse mein main ek common video banaoongi kyunki aap mujh pe bahut jyaada trust kartey hain aur main jo bolti hoon woh follow kartey hain. Toh kuch bhi uper neeche ho yeh main nahi chahoongi. Kyunki har body aur usska situation alag hai. Har bacche ka response alag hai. Toh yeh thora sa problem hai issi liye main wait kar rahi hoon ki kuch accha lekar ke aaoon aur main bata paaoon aap logoon ko. Jiss se ki aapko result miley. Maine bahut projects banaye, main apne personal experience se hi banati hoon. Mujhe jab tak experience nahi hai main nahi bata sakti. Main yehi chasme ke liye bhi bolti hoon hamesha, log boltey hain ki eye sight ke liye dijiye ki jaldi se aankh sahi ho jaaye. Agar aissa jaadu aata hota toh main pehle apna chasma hata leti.

 

Q) 6th– 7th month mein cramp bahut aata hai, kya karna chahiye?

 

A) 6th-7th month mein cramp iss liye aata hai kyunki baby ka size baara honey lagta hai aur aapki body uss type kin ahi hoti ki ek bacche ko rakh rahi hain toh saath mein aapka stool bhi clear ho sakey. Issi liye cramps aaney lagti hai. Cramp iss liye bhi aati hai kyunki woh jagah dab rahi hoti hai bacche ke size se. Depend karta hai person to person ki usske bacche ka growth kaissa hai? Agar bacche ka growth bahut accha hota hai toh 6th month se hi start ho jaati hai. Aur bacche ka growth kum hai toh 7th month se growth start hoti hai toh tab se cramps start ho jaata hai.

 

Iss time mein kya khaayein? Season agar Phool Gobhi ka hai toh jyaada khaao. Phool Gobhi khaane se iss problem mein bahut farak parta hai. Phool Gobhi ki smoothie, main bata doongi. Aur agar Phool Gobhi ka season nahi hai toh Baigan khaao. Baigan ke uper ka green part ko kaat kar fenk dena. Uss se aapko swelling ho jaayegi, dard barh jaayega. Aur agar digest kartey ho, acidity nahi hoti hai toh Daal khaao. Moong aur Arhar daal khaao. Masoor jo red wali hoti hai aur Urad se thora sa parhej karein toh better hoga. Aur yeh cramps dheere dheere aani band ho jaayegi.

 

Q) Pregnancy mein depression bahut jyaada hota hai

 

A) Jitna ho sakey depression se dur raho, kyunki jo aap soch rahe hotey ho wahi build ho raha hota hai bacche ke ander. Yeh science hai yeh wahem nahi hai. Agar uss 9 mahine mein agar aap apna dhyaan nahi rakhenge toh jaisse hi baccha payeda ho jaayega usse aur aapko bahut problem hoti hai.

 

Bacche ka dimaag tez karna ho pait ke ander toh BANSHLOCHAN lein, Baans ke rus se banta hai woh. Woh aapko jaari-buti ke dukaan mein milegi. Online bhi dhoondhna. Main link description box mein daal doongi. Agar mujhe mil jaati hai acchi quality ki toh main daal doongi. Woh bahut important hai, uss mein Calcium bahut hota hai. Bacche ko Depression ki bimaari kabhi nahi hogi. Pregnancy ke ander jissko mitti khaaney ka mann hota hai, banshlochan usske liye bahut accha hai. Bacche ki haddiyaan mazboot hogi. Brain bahut sharp hoga aur baccha apni poori life mein Sleeping disorder ka shikaar nahi hoga. Woh ek balanced zindagi jeeyega. Aur during pregnancy aapki spinal cord mein bahut takat hogi. Aap ussko Google karo ki har desh mein ussko kya kya naam se bulatey hain. Yeh ek bahut accha upay hota hai. But usska addiction nahi hona chahiye. Jyaada kha loge toh daant ghisne ke chances hain. Ek sahi aupaat mein daily 10-20 gm tak maximum khaayein. Bansholachan ko Tabasir bhi boltey hain.

 

Toh yeh saarey rule follow kijiye. Aur comment box mein aur iss se related jo bhi question hain usska answer de sakti hoon. Specially Pregnancy ka video thora tough hota hai. Main koshish kar rahi hoon tri-mester wise banana ki, weekwise banana ki. Lekin problem yehi ho raha hai ki main sab ko common cheezein kaisse bataoon. Toh main try kar rahi hoon. Aap comment box mein jo bhi pregnancy se related, conceive karne se questions hain poochiye taaki Q & A ka series toh main bana hi paaoon.

 

Phir milti hoon main apne next video pe. Jinn honey subscribe nahi kiya hai, subscribe kijiye.Main bahut acche- acche youtube video banati hoon, health se, slimming se related video. Issko share kijiye apne friends and family se, social media mein taki bahut logoon ko madad mil paaye. Playlist mein add kijiye taki baad mein aap issko dekh paayein. Phir milti hoon apne next video pe kissi recipe, information, skin care ya hair ke saath. Tab tak ke liye BYE. 

 

 

 

Add a Comment