TRUTH ABOUT CHIA SEEDS, SABJA & BASIL SEEDS

Click here to read this article in English | Truth about Chia Seeds, Sabja Seeds & Basil Seeds

 

Hi everyone main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment hamesha natural cheezoon se karta hai. Toh aaj main lekar ke aayi hoon ek aissa topic jo main pichle 3 mahine se dekh rahi hoon apne facebook group pe ya phir mere video ki neeche, ek bahut baari conversation ka hissa hai kyunki mera CHIA SEED video bahut jyaada hit hua tha, mere har diet plan mein main boliti hoon ko Chia seeds khayiye. Toh confuse rehte hain kyunki market mein Chia seed bol kar jo mil raha hai woh kya cheez hai aur really mein jo Chia Seeds hai ya nahi hai, iss pe bahut jyaada conversation hai. Aur bahut jyaada batein ho rahi hain. Aur pehchann ne mein bahut jyaada dikaat hai. Iss liye main aaj yeh topic lekar ke aayi hoon aur mujhe bhi full idea nahi tha iss baat ka, abhi mujhe 2-3 din pehle yeh baat exactly pata lagi hai ki exactly yeh hai kya.

 

 Mere pass yeh jo dabba aap dekh rahe hain yeh mera pantry ka dabba hai. Aur jo yeh white color ka Chia Seeds jo aap dekh rahe ho yeh maine kareeban aaj se 7-8 months pehle khareeda tha Iherb.com se aur wahan se maine liya tha 2200 rupees ka ½ kg aur mujhe custom kareeban 1000 rupees ka laga tha. Toh bahut mehenga para. Toh maine kabhi yeh white color wali dikhayi nahi kyunki yeh India mein available nahi thi jiss mein grey, white and brown mix hota hai. Iss mein black nahi hota hai. Aur jo black wala hota hai woh India mein bahut easily milta hai, bahut easily aap consume kar sakte hain aur Chia Seeds ke naam per online har jagah milta hai. Toh maine uss ke baare mein aapse discussion kiya. Lekin exactly aapke agar country mein kya mil raha hai aur isska kya benefit hai yeh main aapko aaj batana chahungi.

 

Toh bilkul dekhte hain issko. Chia seed ko lekarke India mein hi nahi poore world mein confusion hai. Aap iss drink ko dekhiye, iss drink ke uper likha hai Chia Seeds. Aur yeh ek fruit punch hai jiss ke ander unn hone seed mix ki hai aur ussko sale kar rahe hain. Doosri drink dhikhaungi, same waissa hi hai usske uper likha hua hai Basil seeds aur uss mein bhi fruit punch hai aur usske ander bhi seed hai. Teesri mein phir Chia seed hai. Aur bottles dekhiye, design ek hi hai lekin Basil and Chia ke naam se mil raha hai, company alag alag hai.

 

 Toh main aapko exactly yeh batana chahti hoon ki yeh jo cheez hai yeh India ki problem nahi, poore world ki problem hai ki log confuse bahut jyaada rehte hain kyunki dono swollen hota hai. Halki si design mein anter hoti hai. Haan yeh jaroor hai ki isska plant alag hota hai. Lekin 99% innka jo kaam hota hai woh same hota hai. Bus jab aap ussko raw khaate hain toh raw form change ho jaati hai usski. Raw form mein yeh black wala thora sa garam hota hai lekin jab paani mein daalte hain toh dono ka ek hi system hota hai.

 

 Isska result jaanne ke liye basicaaly aapko main apne ek patient ka video dikhana chahungi lekin uss se pehle yeh high in demand hai toh main yeh cameraman ki photo pehle dikhana chahti hoon. Yeh sweet si cameraman ka naam hai Sanjana aur yeh bhi high demand hai ki yeh most obedient patient hain mere Rahulji unnki daughter hai. Aur woh apna review diye toh unn hone kaha ki bilkul mera naam lena ki main bahut obedient aapka patient hoon. Toh main le rahi hoon aur innka video review dekhiye aap.

 

PATIENT’S REVIEW:

 

Hi, Mera naam Rahul hai. Main basically jo Chia Seed ke baare mein jo khud ka experience hai woh main aap logon se share karta hoon. Yeh Chia Seed main pehle leta tha yeh wali jo 50 rupay mein milti hai 100gm. Yeh main Big Basket se leta tha. Yeh wali Chia Seed. Yeh aissi dikhti hai. Aur usske baad phir main ek mall mein gaya toh mujhe yeh wali Chia Seed dikhi, maine socha ki imported wali hogi acchi hogi. Toh phir maine yeh wali Chia Seed use karna shuru kiya Yeh dekhiye iss mein jo hai 2-3 color ke dane hain. Black, bhura, Whitish, aisse 2-3 mix hai. Aur yeh aisse dikhta hai. Dono mein mera experience aissa hai ki yeh mall wala jo hai yeh paani mein jyaada swell nahi hota hai aur iss se mujhe constipation mein bhi kuch fark nahi para aur na hi kuch weight loss mein help hua. Balki jab main yeh  big basket wala leta tha toh constipation mein mujhe acchi help hoti thi aur weight loss mein bhi acchi help hoti thi.

 

 Main aapko thora sa demo dikhata hoon ki paani mein daalne ke baad swell kaise hota hai yeh. Yeh maine paani mein daala hai aur issko mix kar diya.Isska properties dekho aur abhi main big basket wala mix kar raha hoon. Abhi dono ka fark dekhyiye. Big basket wala jaldi se swell hona shuru ho jaata hai, yeh dekhiye phoolna shuru ho gaya hai halaki doosra wala abhi tak neeche hi baitha hai. Toh yeh mera khud ka experience hai ki yeh big basket wala black Chia Seed lene se mujhe accha feel hota tha. Doosra wala lene se mujhu koi bhi fark nahi para hai. So yeh mera khud ka experience hai, aap agar khud dekh pao toh yeh dekhiye yeh swelling chalu ho gaya hai, phoolna shuru ho gaya hai, yeh dekhiye kitni jaldi phoolta hai aur doosra wala abhi tak waise ka waise hi hai. Toh yeh difference hai. Aur iss mein jo hai safeed safeed jo dane hain yeh aakhiri tak aisse hi rahenge, yeh swell nahi honge. Pehle wala ka dana swell hoga aur doosre wale ka kuch hoga kuch nahi hoga. Aur woh bhi dhaang se nahi hoga. Yeh dekhiye. So mera khud ka experience hai ki jo big basket wala hai mujhe suit hua hai aur jo mall wala hai yeh mujhe accha nahi laga hai.

 

Jo White Grey Chia Seed thi woh unnko pasand nahi aaya aur jo black thi uss se unn ko result mila. Toh really mein uss Chai Seed ke ander tha kya woh exactly dekhiye, jo black wali Indian Chia Seed thi Uss mein hi White wali mix thi yeh aur mix hone ke baad jab unn hone milaya aur mujhe ek photograph unn hone bheji  ki yeh photograph dekhna. Iss photograph mein aap dekhiye Basil Seed bhi mila hua hai, Jo swollen hai, uper hai woh black wali hai aur baki jo swell nahi hai woh white wali neeche hai. Mix kara hua hai isske ander. Main kissi company ki burai nahi kar rahi hoon yahan. Unn hone mix kiya kyunki iss packet se complete result mil paye lekin really mein yeh hai ki jo black wali hai, jo poori swell hoti hai usska result bahut bahut bahut jyaada accha hota hai.

 

 Jo aapko local bahut sasta milta hai. Jo imported wali hai woh long run mein aapko bahut fayeda karti hai, dekhiye yeh white wali saari uper  aa gayi hai. Aur jo black wali hai woh swell ho karke neeche hai. Side se bhi main aapko dikhati hoon, yeh antaar aapko dikhayi dega ki yeh mix hai. Toh agar basil bhi hai toh jo company pure karke bhi bechti hai woh bhi confused hain ki Basil kya hai aur Chia Seed kya hai. Doo origin mein hone wali cheez, ek doosre desh mein hoti hai aur ek India mein hoti hai, isske bawzood jab issko alag alag aap bhigayenge toh usska look kuch iss dhang ka hoga.

 

 Yeh mera apna personal photograph hai. Yeh dekhiye yeh white wali kum swell hogi aur black wali jyaada swell ho jaati hai. Yeh main aapko karke dikha rahi hoon. Maine doo glass ke ander 70ml ke kareeb paani liya hai. Aur isske ander main utna hi Chia Seed daalungi, ¼ tsp se bhi kum main dono black wali aur white wali daal rahi hoon. Aur main aapko yeh dikhana chahti hoon ki yeh kitna swell hota hai, kitna water absorb karta hai. Jo water jyaada absorb karega woh aapko Constipation se release karega. Agar pait mein, intestine mein bahut jyaada problem hai toh black wali aapko bahut acchi result degi. Jo bhi hai yeh Basil Seed hai ya Chia Seed jiss naam se bhi aapko market mein milti hai. Black wale ka bahut accha result hoga.

 

 Lekin agar aap afford karte hai ya aisse country mein rehte hain jahan per aapko doosre color ki bhi yeh milti hai toh Chia Seed ke ander Amino acid bahut jyaada hota hai jo doosre color wala hota hai. Toh long run mein muscles build up karne mein aapko yeh black wala saath nahi dega, aapko yeh different color ka jo grey brown hai, yeh muscles build up karne mein aapko saath de sakta hai per weight loss karne mein nahi dega. Aap iss Chia ko kha kar tabhi weight loss kar sakte hain jab aap Gym jaa rahe hon, jo different color wala hai, jo imported wala hai, woh Gym product hai kyunki woh SUPER BIO FOOD hai. Aap ussko khayenge, body mein bahut strength hogi, aapko instant energy hoga, aap exercise karenge aur muscle develop ho jaayegi. But jo idher black wala hai, extra swollen hai, jinko weight reduce karna hota hai, jo Gym nahi jaate hain, aap yeh saste product pe hi agar switch karenge toh bahut teezi se Weight loss hoga, miracle dhaang se Weight loss hota hai.

 

 Aur jo imported Chia Seed hai , aap lete hain uss pe paisa kharch karte hain per uss se nahi hoga. Agar aap house wife hain, aapka wajan 100 ke uper hai 80hai toh wahin per problem aati hai ki kuch log jo review dete hain mujhe. Kehte hain maine khaya mujhe nahi hua, kuch log kehte hain maine khaya mera 5 kg chala gaya. Yeh wajah yeh hoti hai ki aapne apne dhaang se cheez ko select ki hai. Aur woh select kiya gaya jo seed hai aapka woh different dhaang se react kar raha hai aapke body mein kyunki woh doo alag cheez hai. Yeh Chia Seed hai aur woh Basil Seed hai. But kaam dono ek hi aata hai. Sabja ke naam se India mein jo milta hai, black rang ka exactly woh Chia nahi hoti hai, yeh mujhe bhi kuch din pehle hi pata laga hai. But usska result bahut bahut accha hota hai.

 

 Dry powder khayenge toh jukaam-khaansi aapka theek kar dega yeh black wala. Soak karke khayenge toh intestine ki saari problem aapki theek kar dega. Aur bahut accha kar dega aapke pait ko. Intestine, pancreatic juice release karne mein Chia aur Basil dono hi bahut accha hota hai. But dry black wala jo hota hai woh kahin haad tak agar bahut din se agar cough and cold hai toh usska powder banna karke agar aap kissi cheez mein mix karke khaate hain toh mucous se bahut control aati hai. Yehi wajah hui ki jab aapne iss seed ko apne Protein laddu mein daal rahe hain toh aapka mucous bhi control ho raha hai. Yeh concept maine doo din pehle samjha ki mucous bhi control hota hai iss liye Protein laddu aur accha aapko result de rahi hai.

 

Iss baat ke liye main apne aap ko mahan nahi kahungi, mahan aap log hain jo itna jyaada challenge mujhe dete hain ki mujhe roz kuch naya seekhne ko mil jaata hai. Main peeche par jaati hoon cheezoon ke.  Toh aap yahan per dekh rahe hain ki doo alag cheez hai, doo alag dhaang se usska result dikhta hai. Bus yeh hai ki agar aap Black wala khaate hain toh aapko Water retention nahi hoga, Bloating se bahut jyaada help milegi aur agar aap Chai Seed khaate hain toh long run mein agar aap ek athlete ho ya phir agar aap bahut jyaada mehnat karte hain ya phir aap office going person hain toh aap dono ko mix karke khayiye. Taki aapka mucous bhi control rahe, aapko extra strength miley aur aap jyaada accha work kar payein.

 

Toh jo Rahulji ne next packet dikhaya tha, jo woh kehte hain ki unnko result nahi deta hai, issliye ki unn ko isski aadat bahut jyaada hai. Issi liye unnko lagta hai ki unnko result nahi deta hai. Lekin agar dono Chia Seeds  ko woh mix kar dein aur ek saath mein khayein toh ek ka result hoga ki unnka Constipation theek hoga, body bahut acche se work karegi, intestine bahut accha rahega aur Second jo swell nahi hota hai unnko internal Immune system ko bahut strong karega aur long run mein woh young bhi dikhenge aur muscles build up hoga toh toned ho jaayegi body.

 

Toh koi bhi product yahan per kharab nahi hai. Lekin knowledge kiss tarah ki hai aur result kiss tarah ka hai, iss pe depend karta hai. Toh aap bilkul dhyaan dijiye ki aap jo Seed le rahe hain woh kya hai aur jo bhi le rahe hain woh bura nahi hai lekin mix karke lena hai. Tabhi aapko best result mil payega aur magical result mil payega. Jo exactly aap Chia Seed se umeed kar rahe hain woh result aapko mil payega.

 

Yahan pe main aapko information dena chahti hoon jo Hair tonic maine aapko bataya tha woh Hair tonic video load ho chuki hai “I wanna be heroine” channel pe. Toh bilkul jin hone subscribe nahi kiya hai, aap jaa karke wahan per subscribe kiiye.

 

Aur 27th se main Weight loss challenge star karne wali hoon, 7 days ka toh bilkul uss mein participate kar sakte hain aap. Kuch log mujhe keh rahe hain ki Diwali ka time hai toh pehle kar lo ya baad mein. Toh main koshish karungi ki Diwali ke baad karoon taki jo weight put on ho, woh bhi aap control kar payein. Lekin abhi date maine 27th hi rakha hai. Kuch main koshish karungi ki woh aage barh sakta hai toh bilkul barahungi ussko ek doo din, Diwali ke baad karne ki. Lekin tab tak Skin care aur Hair care ke liye bilkul aap I Wanna Be Heroine channel ko subscribe kijiye. Aur bilkul jaa kar dekhiye ek din ke ander kiss tarah se aap Dandruff se chutkara paa sakte hain. Woh tonic kaisse banegi. Bilkul jaayiye aur dekhiye uss video ko. Aur subscribe nahi kiya hai toh channel ko subscribe kijiye.

 

Aur jo maine aaj Chia Seed aur Basil Seed pe difference batayi hai aur usska benefit bataya hai ussko bilkul follow kijiye. Ussko dhyaan se dekhiye aur koshish kijiye ki dono ka agar aap fayeda utha sakte hain toh bilkul uthayiye.

 

Aur Basil aur Chia Seed ka confusion aur benefit agar aapko samajh mein aaya ho aur yeh video pasand aayi ho toh iss video ko like jaroor karein, thumbs up karein. Issko share karein taki doosroon ko bhi madad mil paye. Playlist mein add karein taki baad mein aap issko dekh sakein. Subscribe kijiye mere channel ko agar nahi kiya hai, taki future ke upload ka update aapko mil paye. Toh phir milti hoon main apne next video pe kissi recipe, information, skin care ya hair care ke saath. Tab tak ke liye BYE.

 

 

 

 

One Comment

  1. neelam April 19, 2017

Add a Comment