WEIGHT LOSS WITH AJWAIN

Click here to read this article in English | Lose Your  Weight With Ajwain / Carom Seeds | Dr. Shalini

Hi everyone, main hoon Dr. Shalini aur main hoon ek Naturopath. MD in Naturopathy. Naturopaths apne patients ka treatment natural cheezoon se karta hai. Toh aaj main lekarke aayi hoon AJWAIN /Carom Seeds. Ajwain most wanted ingredient hai Weight Loss ke liye. Bahut jyaada famous cheez hai, bahut logoon ko pata bhi hoga. Aur sabse baari baat yeh hai ki Ajwain females ke problems ko kum karta hai. Aur bahut helpful hai sabke life mein.

 

Bus ek hi cheez Ajwain mein garbar hoti hai ki Ajwain bahut garam hoti hai. Issi liye log Ajwain se bhaagtey hain ya Ajwain itna famous nahi ho paaya because Ajwain se Pimples nikalne ka bahut umeed hota hai ya sometimes Carom Seeds pait mein garam kar jaata hai.

 

 Toh aaj main Ajwain ko lena kaisse hai aur isski timings? saara kuch aapko bataoongi. Aur yeh bhi bataoongi ki Ajwain ke bad effects se kaisse bacchein? Aur Ajwain se slim kaisse hua jaa sakta hai? woh bhi bataoongi.

 

Ajwain ka plant bahut normal hai, bahut easily isski kheti hoti hai. Bahut jyaada care nahi karna parta. Lekin agar aap interiors mein rehtey hain aur jinnko mil sakta hai, woh log Ajwain ko ugayiye kyunki Carom Seeds ki green leaves bahut healthy hota hai body ke liye aur usska koi side effect nahi hai. Aap ussko har sabzi- salad mein add kar saktey hain aur bahut fayeda hota hai.

 

Ajwain nikalne se pehle jo flowers aatey hain woh bahut jyaada healthy hotey hain PCOS patients ke liye aur unn logoon ke liye jinnko baby honey mein problem hai, jinnka egg develop nahi hota, usske liye Ajwain, Saunf, Pumpkin aur Drumstick ka flowers bahut important hai. Agar yeh flowers aapko miltey hain toh bilkul innko consume kijiye. Aapke uterus ko bahut mazboot karte hain yeh phool. Toh jab bhi jis season mein aapko dikhe, bilkul lijiye ya phir aap apne gamley mein ugayiye.

 

HEALTH BENEFITS & PROCEDURE FOR PREPARING DIFFERENT TEAS:

 

Ajwain Kidney Disorder ko cure karta hai. Jinnko bhi Kidney mein problem hoti hai ya Urine pass honey mein ya Liver mein. Ek cheez aap hamesha dhyaan rakhiyega Weight Loss honey mein sabse baara problem jo hota hai woh ya toh aapke Intestine se related hota hai ya Kidney se related hota hai ya Liver se related hota hai. Agar iss problem ko aap cure kar lete hain toh phir aapka urine bahut accha pass hota hai. Aur Constipation bhi nahi hota hai. Toh aisse situation mein Ajwain bahut help karta hai. But yeh dhyaan rakhna ki agar Ajwain ki Tea le rahe hain ya Soup le rahey hain ya kissi bhi form mein Ajwain ko kha rahe hain toh woh thaandi honi chahiye, garam nahi honi chahiye. Kidney, Liver ya Intestine mein jab garam jaati hai toh halka sa problem karta hai.

 

Liver ke disorder ko bahut acche se cure karta hai toh aapka Liver ka function bahut accha ho jaata hai.

 

Digestion ko theek rakhta hai. Agar aapko Indigestion ki problem hai toh Bhuna hua Ajwain, Saunf, Kala Namak aur Haldi powders mix karke rakhenge toh yeh fankne se bahut acche se dhakaar aati hai aur aapka saara food digest ho jaata hai. Infact agar aapko Food Poisoning ho jaaye toh aisse situation mein bhi yeh powder bahut help karta hai. Halka Luke warm water ke saath aapko lena hai.

 

Jab Diarrhoea ho jaati hai, lose motions bahut high level pe ho jaata hai tab aisse situation mein bhi Ajwain paani bahut help karta hai. Aap 1-liter water lenge aur uss mein 1tbsp Ajwain daalenge aur ussko thora sa boil karenge, phir thaanda karenge aur 50ml ke kareeb patient ko dena hai. Lekin Diarrhoea ke time thaanda karke dena hai.

 

Jinnko Bhookh nahi lagti unnke liye bahut accha upay hai. Tea lena, thora sa hard hoga but aap le saktey hain. Agar aapko Cough ki problem hai toh garam lijiye aur agar Acidity ki problem hai toh room temperature pe lijiye.

 

Agar aapko Piles hai toh aisse situation mein bhi thaanda lena chahiye infused water ko. Bahut fayeda karta hai. Heat ko woh balance kar deta hai. Pait ko woh clear kar deta hai toh Piles cure ho jaati hai.

 

Flu mein halka luke warm hoga aur woh water aapko bahut fayeda karega. Dawayiyaan chal rahi hain lekin saath mein aapko ek paani chahiye jo aapki jaldi recovery mein help karey. Toh aisse mein Ajwain paani bahut accha kaam karta hai.

 

Jinnko Acidity ki problem hai uss mein bhi Ajwain bahut accha aapko madad deta hai. Lekin paani hamesha thaanda hona chahiye, jaisse ki abhi maine aapko bataya.

 

Jissko bahut poorani Constipation hoti hai, aisse situation mein Ajwain ko roast kar lijiye, roasted Saunf, Roasted Green Cardamom, Agar Mulethi ho sakey, inn sab ko mix karke agar isska Powder aap lete hain toh Intestine bahut jaldi clear hota hai.

 

Asthma mein bahut accha kaam karta hai. Actually Asthma patients ko garam lena chahiye Ajwain Tea. Yeh Asthma aur Cough ke patients ke baarey mein bata rahi hoon. 1-liter water mein 2 tbsp Ajwain milayiye phir ussko boil karke aadha kar lijiye, then ussko garam peena hai. But agar Asthma patients ko Acidity bhi rehti hai toh lukewarm peejiye, thaanda aap nahi pee saktey hain. Yeh aapke Lungs ke flexibility ko barha deta hai. Asthma mein Lungs shrink karne lagti hai. Toh jab aap saans lete hain toh woh ander chali jaati hai lekin jab aap saans chortey hain tab woh bahar nahi aati hai kyunki Lungs swell ho chuka hota hai. Aisse situation mein Ajwain ka Tea aapke Lungs ke Swelling aur usske Allergy ko kum karta hai. Bahut jyaada irritation honey se lungs mein Cough ho jaati hai, jaisse ki bahut saara food habits ya intake kuch bhi aissa honey se cough ho sakta hai, toh aisse mein Ajwain Tea lungs ko clear karta hai.

 

Jinnko Arthritis ki problem hai usske liye Ajwain Tea toh hai hi plus, aap Ajwain ka oil bana lo. Ajwain le lo 1/4th tsp, 2-3 Garlic, 1/4th inch Ginger, 1/4th tsp Methi, inn sab ko aap fry kar lijiye oil mein, mustard oil jyaada better hota hai. Bilkul low heat mein fry hona chahiye, apne aap yeh saarey bhunn ke kaaley ho jaayenge. Chaan lijiye. Aur iss oil ko aap fridge mein rakhiye nahi toh woh bahut jyaada chipchipa ho jaayega. Jab bhi aapko pain hota hai uss samay maalish kijiye. Bahut jaldi usska bahut accha effect hota hai. Chotey bacchoon ke joroon ko mazboot karney ke liye yeh oil bahut acchi maani jaati hai.

 

Jinnko Migraine hai, uss mein bhi Ajwain ya Carom Seeds bahut accha kaam karta hai. Ajwain aapko lena hai 1tbsp, 1 Cinnamon ka stick lena hai, 1 long lena hai aur 100ml water mein ussko boil karna hai aur 50 ml kijiye aur usski Tea banayiye aur chaan lijiye. Aur cotton se ussko lagatey hain toh bahut accha effect hota hai. Saath mein aapko Ajwain ki Tea leni hai. Tea bahut mild honi chahiye jinnko Migraine hota hai. 1tsp Ajwain aap 200 ml garam paani mein just daalenge aur woh infuse ho jaayega aur aapko woh peena hai. Toh yeh hamesha dhyaan rakhiyega ki jo bhi problem hoti hai uss mein infuse honey ka jo time hota hai woh alag-alag hota hai. Kissi mein bahut garhi honi chahiye kissi mein halki honi chahiye.

 

Jinnko bhi Heart Problem hai, jo Cholesterol ya Heart problem mein hain ya phir Heart mein Hole hoti hai jissko kehte hain ki Blood pass karney mein jiss ko problem hoti hai, iss tarah ki problem jinnko hoti hai ya slight pain hai ya attack aa chuka hai, aisse mein Ajwain bahut help karta hai.

 

Aapke Daant ke dard mein bahut madad karta hai Ajwain. Agar Daant mein achaanak se dard ho jaati hai, aisse situation mein Ajwain ko ek potli ke ander daaliye aur ussko garam paani mein bhigoyiye aur uss potli ko Daant ke neeche dabane se bahut jaldi aaram mil jaata hai.

 

Jinnko bhi Irregular Mensus hotey hain, unnke liye Ajwain tea bahut accha hai. Issko lena aisse hai ki 2tbsp Ajwain, ½ liter water mein daalna hai, ussko 250ml banana hai and then aapko 50 ml 5times in a day lena hai agar aapko Irregular period hai ya Monthly cycle mein in between Cramps bahut aatey hain taki jo stomach ache jo Uterus ke pass hai woh reduce hona shuru ho jaaye.

 

Jinnko Excess Bleeding hoti hai woh bhi Ajwain Tea ko pee saktey hain. Aisse samay mein Tea ka anupaat jo hoga woh 1tbsp Ajwain, ½ liter water mein half kar lena boil karke.

 

Jo Breast feeding mothers hain jab who Ajwain ka Tea leti hain, yeh anupaat usska 2tbsp ka hoga aur aapki dudh bahut acchi ho jaati hai.  Aisse mein agar aap 1tbsp Saunf milate hain aur agar aapko Dill seeds mil jaati hai aur Soya ka seed 1tsp add kartey hain aur woh Tea lete hain toh dudh bahut garhi hoti hai, bacha bahut healthy hota hai, ussko koi bhi Cough & cold ki problem nahi hoti hai.

 

Toh yeh aap baar baar dekhiye aur apna notes banayiye taki aapko problem na ho.

 

Jinnko bhi Baby ho nahi raha hai ya phir Uterus mein bahut jyaada problem hoti hai ki doctors yeh batate hain ki Uterus mein Swelling hai aur yeh problem hai ki aap Conceive nahi kar saktey ho, aisse mein aap Ajwain Water le saktey ho. Aapko uss mein Green Cardamom daalni hai, Gulaab ka phool daalna hai, dry bhi chalega, Hibiscus ka flower lena hai, sab online aap le saktey hain, Dill seed mil jaati hai toh woh aur Fennel seeds and Ajwain, aap inn sab ko lekarke ek mixture banayiye aur yeh Tea bahut important hai jinnko Uterus mein bahut jyaada pain rehta hai aur uss se bahut jyaada benefit milti hai aur woh bahut jaldi conceive karney ki situation mein bhi aatey hain. Aur aissi Tea kissi Monthly Cycle mein bhi agar aap lein toh aap Depression mein nahi aatey hain. Aap bahut Cool & Calm rehtey hain aur Bleeding ek sahi position pe rehti hai, problem kum rehti hai.

 

Ajwain sirf females ke liye nahi hoti hai, Males ke liye bhi hoti hai. Agar aapko Sexual Disorder hai toh uss mein bhi aapka ajwain bahut accha kaam karta hai. Aapke Sperm Count ko barhata hai.

 

Yeh maine Coriander root Soup batayi thi, abhi tak maine usski recipe share nahi ki hai. But jaldi hi main aapko poori recipe bataoongi ki actually yeh soup banta kaisse hai.

Actually thori problem ho rahi hai. Meri videos kaafi jyaada copy ho rahi hai. Toh maine complain kiya hua hai You tube se aur unn honey mujhe video ke filming se rok diya hai ki unnke action lene ke baad hi main video bana sakti hoon. Toh ruki hui hoon ki jab action ho jaaye unnpe jo copy kar rahe hain toh usske baad main video start karoongi.

Yeh jo Root ki recipe hai yeh bahut jyaada effective hai aur bahut jaldi asaar karti hai. Aur usska result aapko 2-3 din mein hi dikhne lagta hai apne body per. Aur yeh mere patients pe aajmaya hua hai.

 

Aap Ajwain ko Achaar mein bhi daal kar kha saktey hain. Woh ek bahut accha tareeka hota hai. Kissi bhi sabzi, jo aapke liye beneficial hai uss ka achaar banayiye aur uss mein Ajwain daaliye. Waisse bhi hamare poorane zamane mein jo bhi pickles bantey they uss mein Ajwain / Carom Seeds zaroor hoti thi.

 

Aap Papad mein daal kar kha saktey hain.

 

Aap jab Biscuits laatey honge toh uss mein bhi sometimes Ajwain hota hai.

 

Yeh Digestion ke liye actually bahut accha hai, flavor toh accha hota hi hai. But Digestion itni acchi ho jaati hai ki log jo bhaari khaana kha rahe hotey hain usska side effects bahut kum ho jaata hai.

 

Agar aapka kabhi mann ho bhi jaata hai ki apne diet se hatt ke katchori khaani hai toh aisse situation mein yeh dhayaan rakhiyega ki uss mein Ajwain, Saunf, Jeera aur Kalonji, yeh 4 cheez hona hi chahiye taki aap ussko bahut easily digest karein. Aur aap ussko enjoy bhi kar sakein. Aur ussko khaane ka time din ka hona chahiye, Breakfast mein hona chahiye. Jaisse jaisse sham hogi waisse agar aap Maida khayenge toh aapko Cough ho jaayega. Aapko sunn kar ashcharya hoga lekin All Purpose Flour khaane se bhi Mucous generate hoti hai jiss ki wajah se Weight Gain ho jaata hai. Toh All Purpose khaane ka time din mein hi hota hai jab tak dhoop hoti hai.

 

Toh bilkul fayeda uthayiye aap Ajwain ka. Lekin aapko yeh video baar baar dekhna parega kyunki har cheez ka alag alag se maine bataya hai treatment. Toh woh Tea se hi fark par jaayega aapko ki kaisse banana hai.

 

Aur Ajwain pe meri yeh information acchi lagi ho toh mere video ko like zaroor kijiye. Issko thumbs up kijiyega. Isse apne social media, friends, family se share karein taki jyaada se jyaada logoon ko madad mil paaye. Playlist mein add karein taki baad mein aap issko dekh sakein. Subscribe kijiye mere channel ko taki mere future ke uploads ka updates aapko mil sakey. Toh phir milti hoon main apne next video pe kissi recipe, information, skin care ya hair ke saath. Tab tak ke liye BYE.

 

 

 

 

 

 

 

                                                                

 

 

 

 

 

 

Add a Comment